?> (الخيل زينات بليا قلايد).... [الأرشيف] - مجالس الفرده

المساعد الشخصي الرقمي

مشاهدة النسخة كاملة : (الخيل زينات بليا قلايد)....


ابو الرجال
24-01-12, 08:18 AM
(الخيل زينات بلياء قلايد)





ياوجد حالي والتوجاد عاده=لأهل الهوى اللي يـبـدعون القصايد
يالمـــهــره اللي في نحرها قلاده=والخيل زينــات بليــا قلايــد
قدلـــي ثـلاث سنـيـن والاّ زياده=مشفي لقربه والوعايد بعايــــد
راعي الهوى طبعه ضعيف الأراده=وشوقه على طول الفراق يتزايد
تمشـــي القــدم به حيث يهوى فؤاده=وترده سلوم العرب والعوايد
ولــو كـــل مخــلوق يحصل مراده=ماشفت بين الناس ناقص وزايد
ذي سنـــّة المــعــبـود حنــّا عباده=معطى ومحروم ومفلس وصايد
ومــا كــل من يشقــى ينـال السعاده=ولا كــل مـن يتعب ينال الفوايد
من بار بالصــاحب وملحـه وزاده=مايلتفت له في السنين الشــــدايد
أخذت من سود الليالي شهــادة =الصبر مرّ وما ورى الناس كايد

تحياتي للجميع

غازى بن عجاب أبوزوايد
24-01-12, 09:29 PM
لاهنت ابا الرجال
على الاضافه الرائعه الجميله
صح لسان الشاعر ولاهنت
تحيتي

عبدالله حمد الفريدي
24-01-12, 09:50 PM
ابو الرجال
اختيار راائع عودّتنا عليه لاهنت
وصح لسان شاعرها

ابو الرجال
24-01-12, 11:20 PM
أخوي ابو حمد
الأخ القدير غازي
وإن لمروركما ضوءه الخاص على مشاركاتي هنا
تقديري وشكري لكما مهما كان قليل في حقكما
دام تواجدكما