?> وصمت مدفع حرب ... [الأرشيف] - مجالس الفرده
المساعد الشخصي الرقمي

مشاهدة النسخة كاملة : وصمت مدفع حرب ...

خلف الفريد
23-01-12, 09:52 AM
بسم الله الرحمن الرحيم
الى حرب كافه
والى نجوم هذه المجالس خاصه
اليكم اهدي هذه الكلمات البسيطه بعدما صمت "مدفع حرب"
بعد ان ودعنا والدنا الغالي الشيخ/ رباح بن طعيميس بن مريخان شيخ شمل الجملا من حرب ..
بعد ان فقدنا تلك الجرأة والشجاعة والكرم ...
والموت حق وكلنا اليه ....لكننا لانتألّم الا لفقد الكبار !!!


ضيفٍ يزور الناس خفيه بلا علْم=لايقبل اعذارٍ ولا يعطي علوم
يزورهم دايم ولا يعرف السلْم=ويدخل بلا استئذان مايهمه اللوم
قاسٍ بضرباته بعيدٍ عن الحلم=ومن جرّب افعاله درى الامر محسوم
ولا يعترَض دربه ولا يقال به ظلم=ولا هو يفرّق بين ظالم ومظلوم
وهاذي قبيلة حرب ثلم بها ثلم=وكسر لها سيفٍ تسلـّه على القوم
غيَّب رباح وداخل قلوبنا كلم=ياصعب فقدانه وتعويضه اليوم
شيخٍ حياته بالمعالي تقل فلم=لكنها فلمٍ حقيقي ومعلوم
مرحوم ياشيخٍ على الطايله ولم=وصدر المجالس مركزه دايم الدوم
دون القبيله يفرز البيض والدلم=لسانه يفنـّدهن وبيديه لاطوم
وملوّخ شدوقه هزا يبلمه بلم=ياكثر صولاته على ناقل الزوم
ويمنى الكرم ياخذ ويعطي بها هلم=وامضى حياته بين عازم ومعزوم
هاذي مشاعر شاعرٍ كنه بحلم=يومٍ خليّ البال وايام مغموم
.......
عبدالله بن راشد
23-01-12, 09:58 AM
ضيـفٍ يـزور النـاس خفيـه بــلا عـلْـم
.
لايـقـبـل اعـــذارٍ ولا يـعـطـي عـلــوم
.
.
.
.

صح لسانك يا طويل العمر , غاية الإبداع من غاية الألم ,,
مرسى السفينة
23-01-12, 11:33 AM
صح لسانك وقصيده في منتهى الورعة بالرثاء

وعسى الله يرحمه
سعد بن هذيل
23-01-12, 12:09 PM
اللهم صل على محمد وعلى آله وصحبه أجمعين
الله يرحم رباح ويسكنه الجنه
ويحط بركه في عياله انشالله
وصح الله السانك
يابا عبد العزيز
غازى بن عجاب أبوزوايد
23-01-12, 12:34 PM
اخوي الكبيربقدره
خلف بن عتاق الفريد
رحم الله الخال رباح بن طعيميس
رحمة واسعه واسكنه فسيح جناته والبركه بعبدالله
واخوانه ينهجون نهجه ويكملون مسيرته . وتبقى اباعبدالعزيز
وفي دائماً وابداً صح لسانك ولاهنت على مرثيتك الرائعه برجل
المواقف اللذى كما وصفته بمدفع حرب وهو كذلك رحمه الله.
تقبل تحيتي وقبله على جبينك
عبدالله حمد الفريدي
23-01-12, 02:36 PM
صح لسانك ابا عبدالعزيز
قالها عبدالله راشد
غاية الابدااااع ..... من غاية الالم
رحم الله الفقيد واموات المسلمين
عبدالعزيز العبلان
23-01-12, 06:29 PM
رحم الله الفقيد الشيخ رباح امير الجملا

وهو امير بالاخلاق وقوة الحجه والوجاهه

وصح لسانك يابو عبدالعزيز
ابن رضيمان
23-01-12, 10:19 PM
ابوعبدالعزيز
صح بدنك و لاهنت

الشيخ رباح الله يرحمه فقيده على حرب ولكن عزاْنا بـ ابنائه الذي يسيرون على نهج والدهم

تحيتي
نواف فارع
23-01-12, 10:54 PM
اللهم اغفر له وأكرم نزله .. وجميع موتى المسلمين ..


ولاهنت أبوعبدالعزيز على هذه الأبيات الرائعة التي ذكرتنا الدعاء .

إنا لله وإنا إليه راجعون .
علي الجضعان
23-01-12, 11:09 PM
ابوعبدالعزيز صح لسانك مرثيه برجل يستاهل الثناء

رباح بن طعيميس الحربي رحمه الله رحمة واسعه

خلف الفريـد هذا الرجل الوفي لجميع رجالة قبيلة

بيض الله وجهك وعساك ماترثاني

تحياتي
بن سدحان
23-01-12, 11:27 PM
علية رحمة الله

فعلا فقيده

وافي يابوعبدالعزيز

حفظك الله
عبدالله بن راشد
24-01-12, 09:16 AM
بيض الله وجهك وعساك ماترثاني

تحياتي


الله يطول عمرك يا غالي , ,,


:
:
:
, لكن لابد فيه واحد يبي يرثي الثاني ..
ابـن مـطـيـع
24-01-12, 06:39 PM
ابا عبد العزيز صح السانك ع القصيدة الرائعه والجميلة
لك مني كل التقدير على الوصف الرائع وكنت انتظر منك ذلك لأنك شاعر لك البصمة الشعرية هنا
علية رحمة الله انه فقيد حرب جميعاً
تقبل مداخلتي
رشيد الفريدي
24-01-12, 10:40 PM
هذي قبيلة حرب ثلم بها ثلم=وكسر لها سيفٍ تسلـّه على القوم
غيَّب رباح وداخل قلوبنا كلم=ياصعب فقدانه وتعويضه اليوم
شيخٍ حياته بالمعالي تقل فلم=لكنها فلمٍ حقيقي ومعلوم


الشاعر

الوافي

وعميد المجالس

(خلف الفريد)

اعتدنا منك هذا النبل والوفاء

لعلم فجعنا بفقده وودعنا ركابه الى الأبد

لانملك الا الرضى بالقضاء والقدر

والدعاء له بالرحمه والمغفره

اخي الأكبر ابا عبدالعزيز

لله درك على مانزفت من مشاعر

في قمة الحزن والصدق
منصور الوسوس
24-01-12, 11:11 PM
نسال الله ان يغفر له ويسكنه فسيح جناته
صح لسانك يا عندليب المجالس
فهد الطميشاء
25-01-12, 11:03 PM
صح لسانك عندليب المجالس

ورحم الله الشيخ رباح بن طعيميس ،،

والناس شهود الله في أرضه ،،

شكراً لك ما تلك الأبيات إلا دليل الوفاء من أهل الوفاء
خلف الفريد
26-01-12, 11:38 PM
عناوين الوفاء
وقناديل المجالس
ورموز المحبه
هنا تعجز الكلمات عن المجاراة وتقصر المشاعر عن الموازاة
كنتم هنا اكبر من توقعاتي وأجلّ من ردّي
قرأت كل مرور حرفا حرفا وكلمة كلمة فوجدت الود والصدق والثقة
،،،
كانت المشاركة رثاءً فاصبحت لي فرحا
وكانت ألماً فألفيتها املا
اشكركم من اعماق القلب وجوانح الجوارح
وارجو ان اكون عند حسن الظن
ورحم الله فقيدنا الغالي واعظم اجركم
والى لقاء في مشاركة بها الافراح والانشراح
والسلام عليكم
......
علي محيميد الفريدي
29-01-12, 07:08 PM
صح لسانك اخوي الكبيربقدره وشعره ومواقفه النبيله

مع ربعه باالسرا والضرا والله يرحم فقيد البطوله والشهامه

والوجاهه عامه وقبيلة حرب خاصه الشيخ رباح ابن طعيميس اللي برحيله ثلم كبير لايعوض بأي شيخ

ولك جزيل الشكر يابا عبدالعزيز
ابو الرجال
01-02-12, 11:06 AM
نعم انه ضيف الحق على الخلق
صح لسانك ابو عبد العزيز
مرثية رائعة بكل ماتحمله من معنى
طال عمرك ويبقي راسك
خلف الفريد
01-02-12, 11:54 AM
الغالين
علي
ابو الرجال
صحت ابدانكما وسلمت مشاعركما
مروركما وسام على صدر متصفحي
لاعدمتكما
........