?> تدري وش اللي يتعب البنت ياخوي...؟! [الأرشيف] - مجالس الفرده
المساعد الشخصي الرقمي

مشاهدة النسخة كاملة : تدري وش اللي يتعب البنت ياخوي...؟!

سكر زياده
17-01-12, 03:14 PM
تدري وش اللي يتعب البنت ياخوي****رجـلٍ يخـون اشواقـهـا و الـمـودة

إللي إلا احتـاج الغـلا صـار نمـرود****وليـا شبـع ممـا عـطـاه إسـتـرده

البنت ريحانة غـلا ... ناعمـة عـود**** تبـي لهـا رجـلٍ ورث طيـب جــده

رجلٍ فعولـة كلهـا جـود فـي جـود****مـا يلتفـت للـي كفوفـه تمـده ...!!

رجـلٍ إلا جـتـه الليـالـي بمنـقـود**** يتكـى لهـا مـا بيـح الوقـت سـده

مهوب خبلٍ مـا رعـى للهوى عهـود****وادنـاة مـا عـارض طريقـه يــرده

ولاهوب لاعلـة ... ولاهـوب ملهـود****ولا شكـوك ... و كـلٍ طـارئٍ يحـده

ما اشين من الرجـال لا جـاك ببـرود****وإن قال له تـرف القـدم شـي صـده

تبـي لهـا بـراق طيـبٍ لـه رعـود**** إن اجدبـت يمطـر علـى ريـف خـده

وإن نادته تكفـى لقـت عنـده الفـود****يشيـل عزتهـا علـى قــو زنــده

كفه نفل ... وانفاس صدره لهـا عـود****وظلالـه الضـافـي بيـدهـا تـمـده

البنت خد ... وقـد ... ونواظـرٍ سـود****وريحة غلاً ... ياسعد مـن شـم نـده

البنـت إلا ضحكـت ثمرهـا لـك ورود****يا خوي مـن يقطـف نواويـر وردة

واللي يهين البنت ناقـص ... ومقـرود****فرس غـلا ... ماهـي حمـارة مكـدة
علي محيميد الفريدي
17-01-12, 11:52 PM
صح لسان الشاعر ملاحضه البدايه أتوقع تدري وش اللي يتعب البنت ياسعود وليس ياخوي حسب القافيه

وشكراً ياخت تعاند على طرحك الرائع
سكر زياده
22-01-12, 03:24 PM
شكر لك على المرور
انا لا اعلم نقلتها كذا
ولا حبيت اغير فيها