?> ( زواج السداحين ) [الأرشيف] - مجالس الفرده
المساعد الشخصي الرقمي

مشاهدة النسخة كاملة : ( زواج السداحين )

خلف الفريد
25-12-11, 10:59 PM
بسم الله الرحمن الرحيم
تشرفت مساء يوم الجمعه الماضي الموافق 28 محرم 1433هـ بحضور حفل ابناء الشيخ / راشد بن سدحان الفريدي بطيبة الطيبه
وشاركت بتقديم تلك الامسية الجميلة وقد حضر الحفل أقارب واصدقاء وغاب آخرون ممن عرفتهم وصادقتهم عندما كنت اعمل هناك
قبل سنوات طويلة في مطار المدينة المنورة ....
وقد تأثرت عندما لاحت لي انوار المدينة المنورة ومآذنها الخالده وكل مايحمله مثوى الحبيب صلى الله عليه وسلم من قدسية وراحة وسكينة...
وفي خضم هذه المشاعر تذكرت بعض احبابي الذين غيبهم الموت بعدي وكانوا ملء السمع والبصر فكانت هذه الخلجات التي القيتها كما هو في
التسجيل ادناه وقد ثأثر الحضور أيّما تأثر ، وكان ممن ذكرت رجال كانوا من اصفيائي وهم :
- الشيخ الوالد / راشد بن ساير بن سدحان الفريدي .. ابو عبد الله يرحمه الله
- الشيخ الوالد / حمود بن عواد الجويعان الفريدي .. ابو حميدان يرحمه الله
- الشيخ الوالد / عبد الله بن هليل بن عتاق الفريد .. ابو عجب يرحمه الله
- الاخ المهندس / منصور بن فنخير الفريد .. ابو عمر يرحمه الله
- الشيخ الفاضل / محمد بن منصور بن قمزه .. ابو فهد يرحمه الله
فأليكم ما ذلك المدخل :

يوم الحرم بان لي عالي مناراته=ذكرت ربعي وهل الدمع من عيني
والله معيني على قلبي وحسراته=مدري اواسي او اطلب من يواسيني
ذكرت راشد وترحيبه ومزحاته=له مجلسٍ مايمله ضيف وادنيني
وابو حميدان في طيبه وضحكاته=حمود عواد من روس الجواعيني
وابو عجب شايبٍ لي فيه ميزاته=شيخٍ جمع بين طيب الفعل والديني
ومنصور فنخير روحاته وجياته=رفيقي اللي مع الشده مصافيني
وابو فهد مانسينا كبر فزعاته=من روس ربعٍ لهم بالمجد سهميني
الله يجمع لهم عفوه ومرضاته=ويغفر لهم يوم نصبات الموازيني
مشوا بدربٍ طويلاتٍ مسافاته=غابوا وحنا على الاثار ماشيني
وعسى العوض يوم ذقنا كاس لوعاته=بعيالنا اللي على المنهاج باقيني



https://www.youtube.com/watch?v=UiTigsIw1IM&feature=plcp&context=C370b634UDOEgsToPDskKVcy7srld-ImlIkZZ6iQ8B[/youtube]


وهذه مشاركتي الاساسيه في المناسبه :

وصلتني الدعوه وانا اليوم موجـود = ماتـنفع الاعذار لو هـي عديده
دون المواجب نفرز البيض و السود = وحق الرفيق اللي علينا نزيـده
ولـو المدينه دونها بحور وحـدود = نجي لـها لو المسـافه بعيـده
يقـودنا حب الجـماعه لـها قـود = وتشـريفهم ربيـع قلبي و عيده
ويا عيال راشـد مانسينا غلا العود = شيخٍ علـومه باقيـاتٍ جديـده
وليا ذكرته شاقـني جاره حمـود = شريان قلبي يلتـقي مع وريده
حتى ولو غابوا بقى الذكر محمود = الطـّيب يبقى له موار وشريده
لعلـهم في ظلمة القـبر ولحـود = مكرّمينٍ ما اشتكـوا من وقيده
ولا مات من عقّب صناديد وفهود = توارثوا عنهم صـفاتٍ حميده
ولي الشرف يامنبع الطيب والجود = يوم اتعنـّا مـن مدينة بريده
والليـله الفرحه لها جيش وجنود = وعم الفرح باركان ذكرى المجيده
جموع المحبه تلتـقي كنها وفود = والشعر زان وننتـقي منه غيده
ونبي نبارك للعريسيـن بالخـود = ولعـلها دايـم حيـاةٍ سعيــده
حمود مدحه مايبي عدّ و شهـود = وعبد الرحمن اللي ينومس هديده
نسل الرجال الي كما غالي العود = خصلة سداحيـنٍ ونعم البديـده
روسٍ مضرينٍ على ضربة الكود = يوم المواقف والظروف الشديده
والشعر صيدٍ شاعره نوب مصيود = نوبٍ عن الشاعر تلوذ الطريده
حاولت انزّها عن النقص والزود = المستمع يطرب لمعنى القصيده
وان كان شفتم في معانيّ منقـود = ارج السموحه ما بغينا الزهيده
وصلاة ربي عدّ ماكـان معدود = على شفيع الخلق واكرم عبيده
******
اخوكم
خلف بن محمد بن عتاق الفريد
ابـن مـطـيـع
25-12-11, 11:14 PM
ابو عبد العزيز صح السانك على القصائد الرائعه والجميلة والشيلة الرائعه
قصيدة وافية وجزلة وهذي عوايدك...
عزوتي وتاج راسي وفخري ياخلف :086:
تبقى علماً يرفرف فوق المجالس ايها العندليب
لنا الفخربك عندما نجد لكم في المناسبات البصمة الشعرية والحضور الراقي :176::176::176:
شاعر بمستواك له حضور مشرف دائماً في جميع الحفلات
(ونعم والله بك وباالسداحين )
تقبل مروري مع خالص تحيااتي وتقدير لك يا ابو عبــــــد العــــزيـــز
عبدالله حمد الفريدي
25-12-11, 11:42 PM
ابو عبدالعزيز

صح لسانك وعلا شانك

عاداتك الوفا والظهور المشرف

في كل مناسبات القبيله

قصايد جزله من شاعرٍ جزل

بيض الله وجهك وجمل الله حالك

يستاهلون السداحين
منصور الوسوس
25-12-11, 11:48 PM
كفو يبو عبدالعزيز
اصبح الوفاء سمة ملازمة لك
وحضورك لمناسبات ربعك وعنايتك بها دليل صفاء روحك
لقد ذكرت اعلام من الفرده رحمهم الله تعالى
والسداحين كفو يستاهلون العنوه
شكرا لك وصح لسانك وبيّض الله وجهك
تقبل وافر التقدير
نواف فارع
25-12-11, 11:58 PM
الابداع سمة من سمات بعض البشر .

والتميز صفة من صفات بعضهم .

وبعضهم جمع الابداع والتميز .

بشعره واسمه وحضوره .

دمت أبوعبدالعزيز بتميزك وإبداعك .

وصحت معانيك .

تحيتي وتقديري .
عبدالمجيد ناصر
26-12-11, 12:54 AM
صح لسانك أبو عبدالعزيز

ماهي غريبه عليه وفاء بربعه وجماعته

وأقول لك جعلك سالم

وطولت العمر ..
غازى بن عجاب أبوزوايد
26-12-11, 05:06 AM
وافى والله يابو عبدالعزيز
صح لسانك واعتلاء شأنك ولاهنت وعنوتك من بريده
للمدينه دليل وفاكـ واللي ذكرتهم ونعم فيهم ولامات من عقب
العوض بالموجدين عساهم بالوجود
تحيتي
عبدالله بن راشد
26-12-11, 02:11 PM
لقد بلغت منا كل مبلغ
.
وتأثرنا بكلماتك كل تأثير
.
والفرح بوجودك ووجود الشيخ صالح المغامسي ووجود الامير حسين بن عاشق اللحاوي وشيوخنا الأفاضل هادي بن حماد وزيد بن حماد وعماش بن جازي الشدادي ووجود الاحباب من كل صوب ,
.
اقول ذلك فرح ليس له نهايه يعود لنا كلما عادت الذكرى ,,
.
عفوا .. لم تنتهي المشاعر والكلمات .....
عبدالمحسن الردون
27-12-11, 08:30 AM
وااافي بطبعك ياخلف وطبعك الزين
ووااافي لربعك وبار بأهلك وجيرانك
الساطع
27-12-11, 02:27 PM
الشاعر خلف ابن عتاق \

صح لسانك وعــــلا شانك
خلف الفريد
29-12-11, 10:38 PM
كنت متابع للجميع
هناك من مر ولم يترك اثر
وهناك من كانت خطواته تنثر الحب والوفاء
،،،
فشكرا لمن غمروني بهذه الثقة الفخمة
وشكرا لمن عودوني على التلهف لفيض كلماتهم
وشكرا لمن يعرفون كيف يكافؤن على الجهد والاجتهاد
،،،
تواصلنا ارواحاً اقوى من التلاقي المادي
اشكركم مرة اخرى على صدق المشاعر والسرائر
وكان بعض وفائنا واجب اديناه ويسير بذلناه
وصحت الابدان والارواح
لاعدمتكم
فالح السدحان
30-12-11, 03:08 PM
صح لسانك ابوعبدالعزيز

وأنت منبع للطيب والطيب من منبعه لايستغرب

خالص التحايا لشخصكم الكريم
خلف الفريد
31-12-11, 09:10 PM
صح بدنك ابو محمد
لايمنعك بعد المكان والانشغال من التواصل والوفاء
تعودنا منك الثقة وانت محلها
كبير في تواجدك وردك
،،،
تقبل مني ازكى واغلى الاماني والمعاني
وسلامي لك عبر الاثير ايها الاثير
لاعدمتك
...........
رشيد الفريدي
06-01-12, 06:37 PM
[QUOTE=خلف الفريد;239032]بسم الله الرحمن الرحيم
تشرفت مساء يوم الجمعه الماضي الموافق 28 محرم 1433هـ بحضور حفل ابناء الشيخ / راشد بن سدحان الفريدي بطيبة الطيبه
وشاركت بتقديم تلك الامسية الجميلة وقد حضر الحفل أقارب واصدقاء وغاب آخرون ممن عرفتهم وصادقتهم عندما كنت اعمل هناك
قبل سنوات طويلة في مطار المدينة المنورة ....
وقد تأثرت عندما لاحت لي انوار المدينة المنورة ومآذنها الخالده وكل مايحمله مثوى الحبيب صلى الله عليه وسلم من قدسية وراحة وسكينة...
وفي خضم هذه المشاعر تذكرت بعض احبابي الذين غيبهم الموت بعدي وكانوا ملء السمع والبصر فكانت هذه الخلجات التي القيتها كما هو في
التسجيل ادناه وقد ثأثر الحضور أيّما تأثر ، وكان ممن ذكرت رجال كانوا من اصفيائي وهم :
- الشيخ الوالد / راشد بن ساير بن سدحان الفريدي .. ابو عبد الله يرحمه الله
- الشيخ الوالد / حمود بن عواد الجويعان الفريدي .. ابو حميدان يرحمه الله
- الشيخ الوالد / عبد الله بن هليل بن عتاق الفريد .. ابو عجب يرحمه الله
- الاخ المهندس / منصور بن فنخير الفريد .. ابو عمر يرحمه الله
- الشيخ الفاضل / محمد بن منصور بن قمزه .. ابو فهد يرحمه الله
فأليكم ما ذلك المدخل :

يوم الحرم بان لي عالي مناراته=ذكرت ربعي وهل الدمع من عيني
والله معيني على قلبي وحسراته=مدري اواسي او اطلب من يواسيني
ذكرت راشد وترحيبه ومزحاته=له مجلسٍ مايمله ضيف وادنيني
وابو حميدان في طيبه وضحكاته=حمود عواد من روس الجواعيني
وابو عجب شايبٍ لي فيه ميزاته=شيخٍ جمع بين طيب الفعل والديني
ومنصور فنخير روحاته وجياته=رفيقي اللي مع الشده مصافيني
وابو فهد مانسينا كبر فزعاته=من روس ربعٍ لهم بالمجد سهميني
الله يجمع لهم عفوه ومرضاته=ويغفر لهم يوم نصبات الموازيني
مشوا بدربٍ طويلاتٍ مسافاته=غابوا وحنا على الاثار ماشيني
وعسى العوض يوم ذقنا كاس لوعاته=بعيالنا اللي على المنهاج باقيني



https://www.youtube.com/watch?v=UiTigsIw1IM&feature=plcp&context=C370b634UDOEgsToPDskKVcy7srld-ImlIkZZ6iQ8B[/youtube]


وهذه مشاركتي الاساسيه في المناسبه :

وصلتني الدعوه وانا اليوم موجـود = ماتـنفع الاعذار لو هـي عديده
دون المواجب نفرز البيض و السود = وحق الرفيق اللي علينا نزيـده
ولـو المدينه دونها بحور وحـدود = نجي لـها لو المسـافه بعيـده
يقـودنا حب الجـماعه لـها قـود = وتشـريفهم ربيـع قلبي و عيده
ويا عيال راشـد مانسينا غلا العود = شيخٍ علـومه باقيـاتٍ جديـده
وليا ذكرته شاقـني جاره حمـود = شريان قلبي يلتـقي مع وريده
حتى ولو غابوا بقى الذكر محمود = الطـّيب يبقى له موار وشريده
لعلـهم في ظلمة القـبر ولحـود = مكرّمينٍ ما اشتكـوا من وقيده
ولا مات من عقّب صناديد وفهود = توارثوا عنهم صـفاتٍ حميده
ولي الشرف يامنبع الطيب والجود = يوم اتعنـّا مـن مدينة بريده
والليـله الفرحه لها جيش وجنود = وعم الفرح باركان ذكرى المجيده
جموع المحبه تلتـقي كنها وفود = والشعر زان وننتـقي منه غيده
ونبي نبارك للعريسيـن بالخـود = ولعـلها دايـم حيـاةٍ سعيــده
حمود مدحه مايبي عدّ و شهـود = وعبد الرحمن اللي ينومس هديده
نسل الرجال الي كما غالي العود = خصلة سداحيـنٍ ونعم البديـده
روسٍ مضرينٍ على ضربة الكود = يوم المواقف والظروف الشديده
والشعر صيدٍ شاعره نوب مصيود = نوبٍ عن الشاعر تلوذ الطريده
حاولت انزّها عن النقص والزود = المستمع يطرب لمعنى القصيده
وان كان شفتم في معانيّ منقـود = ارج السموحه ما بغينا الزهيده
وصلاة ربي عدّ ماكـان معدود = على شفيع الخلق واكرم عبيده
******
اخوكم

خلف بن محمد بن عتاق الفريد


اخونا الكبير

وشاعرنا القدير

خلف الفريد

انت بالفعل خلف لخير سلف

وفريد بوفاءك ومشاعرك وعاطفتك

نستلهم منك النبل كيف لا ونت تتسم بمكارم الاخلاق وعذب السجايا

اعزي نفسي بعدم حضور هذه المناسبة الغالية على قلبي
رغم انني قد عقدت العزم على الحضور واعتقد ان الظرف الذي حصل لم يخفى على الجميع والحمد لله على كل حال
علي الجضعان
06-01-12, 10:54 PM
خلف الفريد

صح لسانك وتسلم على هالصوت الشجي

كم أنت رائع وانا معجب بصوتك وهذه الشيله


الخاصـــه

والتي يصعب تقليدها وابوعبدالعزيزعساك بالوجود

سالم وغانم وهلابك
فهد الطميشاء
08-01-12, 09:12 PM
صح لسانك أبو عبدالعزيز صاحب الوفاء الدائم

قصيدة فيها من الحزن الشيء الكثير نسأل الله أن يجمعنا بهم جميعاً

في الفردوس الأعلى من الجنان
خلف الفريد
09-01-12, 11:20 PM
الاحبة الغالين..........
ابو عبد الاله
ابو عمر
ابو فياض

هذه المشاعر الكبيره لاتصدر الا عن نفوس اكبر
وهذا المرور شفاء لما في الصدور
،،،
لقد سرني هذا الوفاء واسعدتني هذه الثقة
فلكم مني اجل التقدير وأعطر الثناء
وصحت ابدانكم وارواحكم
لاعدمتكم
....