?> مجاراة عوض ناصر ... [الأرشيف] - مجالس الفرده
المساعد الشخصي الرقمي

مشاهدة النسخة كاملة : مجاراة عوض ناصر ...

خلف الفريد
27-11-11, 05:57 PM
ايقظني صوت دافيء ...
فتحركت حروفي ...



ياشاعرٍ بالفخر مسنود=على جبل ماهو انقاضي
وشلون من ينتخي بالعود=يروح جهده على الفاضي!!
كان انها ياعوض بالكود=يجيك عايض وعواضي
حنا لها والليال شهود=فينا على الكايده حاضي
دون الفريدي ثلاث حدود=عزوه ونخوه ومركاضي
لولا العزيمه تضيع جهود=وشرواك للصعب خضاضي
هذا جوابٍ عليه عهود=انت الخصم فيه والقاضي
غازى بن عجاب أبوزوايد
27-11-11, 06:43 PM
اخوي
الكبير بقدره
خلف بن عتاق الفريد
صح لسانك ولاهنت يالفريد والله يبارك بالشاعر
عوض اللي حرك شجونك دائم جزل ولك بصمتك
تحيتي
ابـن مـطـيـع
27-11-11, 08:06 PM
رد جزل من شاعر قدير وكبير ولدية موسوعه شعرية رائعه جداً
صح السانك ابا عبد العزيز
تقبل مروري وخالص محبتي وتقديري لك
نواف بن هلال
28-11-11, 01:12 PM
عوايد العود
بحر ليس له حدود
كان تبي الصدق والعلم الوجيز.. عالي قدرك وعالي مستواك
الصحيح انك يابو عبدالعزيز...بالادب والشعر مايلحق مداك
تحياتي
علي الجضعان
28-11-11, 01:23 PM
صح لسانك اباعبدالعزيز

مجاراه رائعه من روائعك

شاعر الجيلين

وأنقل لك تحيات الشاعرعوض بن ناصر

وسوف يدخل ويطلع عليها

أكرر شكري ع الاضافه والتفاعل

وعساك طيب ومبسووووووووووط
منصور الوسوس
28-11-11, 02:38 PM
كفو يا عظم العرب
تقول وتطول بيّض الله وجهك
نواف فارع
28-11-11, 08:30 PM
من أسباب تسمية الوزن من الشعر بحراً ..

أنه شبيه بالبحر ,


فالبحر لاتنتهي عجائب محيطاته .. وبحر الشعر لاتنفذ مشاعره ورواياته .

صحت معانيك وكلماتك ..

أبوعبدالعزيز .

وتقبل وافر التحية والتقدير .
خلف الفريد
28-11-11, 11:46 PM
ايها الشامخون قدرا
العالون منزلة
،،،
كلماتكم فوق التعبير
ومشاعركم اسمى من الرد
،،،
اشكركم على كل كلمه لمست فيها الوفاء
وكل مشاعر وجدت فيها المحبه
،،،
وصحت ابدانكم دائما وابدا
لاعدمتكم
خلف الفريد
29-11-11, 12:10 AM
عوايد العود
بحر ليس له حدود
كان تبي الصدق والعلم الوجيز.. عالي قدرك وعالي مستواك
الصحيح انك يابو عبدالعزيز...بالادب والشعر مايلحق مداك
تحياتي


وانت عندي وافيٍ مالك لزيز=طيّبٍ اصلك وطيبك من وراك
كل كلمه قلتها مثل الابريز=وكل حرفٍ به دليلٍ من وفاك