ابو الرجال
21-11-11, 09:31 PM
ارجوك بعـض المشاعـر لاتهزهزهـا= تـرى المشاعـر تألـم عنـد راعيهـا
ترى النفوس العزاز الهـا حواجزهـا= وحواجز النفس ستر (ن ) من خوافيها
لا تقول لك كلمة (ن) تحسبك تحرزهـا= وتطيح لاقمـت منهـا منـت قاويهـا
وان قلت لك كلمة (ن) حـاول تركزهـا= ولا ترى الصمت خير (ن) من حكاويها
ودعواك لاصـار مـا تقـدر تنجزهـا= ازبن على واحد (ن) ساعـه وينهيهـا
ولا تجـود علـى صبـر (ن)يعجزهـا= وتجيك في وسـط بيتـك مـا تناديهـا
وكم واحد(ن) حاجتها بالصدر يكنزهـا= من قل مـن يستمعلـه يـوم يبديهـا
يخشـى مـن اللـي يهمزهـا يلمزهـا= يضحك بعض ناس لاكن ناس يبكيهـا
وشكواك لابن الردي حـذر(ن) تعنزهـا= يفضحك وتروح فيهـا وانـت كاميهـا
وعليـك تكبـر ولا تـقـدر تميـزهـا= وتضيع في طوشة(ن) تبلـش بتاليهـا
والسالفـه يقـدر الـواحـد يلفـزهـا= ويقدر على ناس من شكلـه يمشيهـا
ولاتشغلك حرمة(ن) منـت متجوزهـا= تطرد وراهـا وغيـرك يهتنـي فيهـا
ولا يفرحك شوف الارنب لـو تنقزهـا= مـادام مـا شفتهـا بالنـار شاويهـا
ولاتحسب (ن) الذهب باي يد(ن) يزهـا= ترى الذهب مـا يغيـر لـون اياديهـا
والنفس حاول بحـد اقصـى تعززهـا= نفس(ن) بـلا عزهـا مانـي مداريهـا
والنـاس لاتقـوم بعيونـك تخـززهـا= احمد على العافيـه واسلـك مماشيهـا
ومن طاوع النفـس تشقيـه بغرايزهـا= ومن طاوع العقل يسلم مـن بلاويهـا
والمرجلـه ماتحـب اللـي يهاوزهـا= تبي لهـا واحـد(ن) دايـم يحاضيهـا
واللي عيونـه مـع الظلمـا يغمزهـا= ماحد(ن) درى عن عيونه لـو يعنيهـا
ونفيستـك وانـت فانـي لاتغزغزهـا= المقبـره بأنتظـارك وانـت ناسيـهـا
والنـاس دورات قادرهـا بعاجـزهـا= ماخلـق جنـه ونـار وزعـوا فيهـا
وناس(ن) مع الله وناس ابليس ناغزها= سبحان من ظل ناس ونـاس هاديهـا
ونـاس(ن) تعلـت وعلتهـا مراكزهـا= وناس(ن) تبي الطيب مير الطيب فاحيها
وناس(ن) تحفز ومعروف(ن) تحفزهـا= وناس(ن) تبي من يشيمهـا ويعطيهـا
وناس(ن) تلعوز وتسلم مـن تلعوزهـا= وناس(ن) مع اللعوزه تبطـي لياليهـا
وناس(ن) تبي نبز ناس وناس تنبزهـا= نابـز ومنبـوز ليـن المـوت يفنيهـا
وناس(ن)عجز رزقها يكمـل عوايزهـا= لاهـي فقـارا وهــي مالله مغنيـهـا
حتى العجايز تبـي نـاس(ن) تهمزهـا= العافيـه والظنـا مـاهـو مكفيـهـا
وان قمت اعانـد تفاكيـري وابارزهـا= صارت حجاوي وانـا مانـي محجيهـا
وتسلمون
ترى النفوس العزاز الهـا حواجزهـا= وحواجز النفس ستر (ن ) من خوافيها
لا تقول لك كلمة (ن) تحسبك تحرزهـا= وتطيح لاقمـت منهـا منـت قاويهـا
وان قلت لك كلمة (ن) حـاول تركزهـا= ولا ترى الصمت خير (ن) من حكاويها
ودعواك لاصـار مـا تقـدر تنجزهـا= ازبن على واحد (ن) ساعـه وينهيهـا
ولا تجـود علـى صبـر (ن)يعجزهـا= وتجيك في وسـط بيتـك مـا تناديهـا
وكم واحد(ن) حاجتها بالصدر يكنزهـا= من قل مـن يستمعلـه يـوم يبديهـا
يخشـى مـن اللـي يهمزهـا يلمزهـا= يضحك بعض ناس لاكن ناس يبكيهـا
وشكواك لابن الردي حـذر(ن) تعنزهـا= يفضحك وتروح فيهـا وانـت كاميهـا
وعليـك تكبـر ولا تـقـدر تميـزهـا= وتضيع في طوشة(ن) تبلـش بتاليهـا
والسالفـه يقـدر الـواحـد يلفـزهـا= ويقدر على ناس من شكلـه يمشيهـا
ولاتشغلك حرمة(ن) منـت متجوزهـا= تطرد وراهـا وغيـرك يهتنـي فيهـا
ولا يفرحك شوف الارنب لـو تنقزهـا= مـادام مـا شفتهـا بالنـار شاويهـا
ولاتحسب (ن) الذهب باي يد(ن) يزهـا= ترى الذهب مـا يغيـر لـون اياديهـا
والنفس حاول بحـد اقصـى تعززهـا= نفس(ن) بـلا عزهـا مانـي مداريهـا
والنـاس لاتقـوم بعيونـك تخـززهـا= احمد على العافيـه واسلـك مماشيهـا
ومن طاوع النفـس تشقيـه بغرايزهـا= ومن طاوع العقل يسلم مـن بلاويهـا
والمرجلـه ماتحـب اللـي يهاوزهـا= تبي لهـا واحـد(ن) دايـم يحاضيهـا
واللي عيونـه مـع الظلمـا يغمزهـا= ماحد(ن) درى عن عيونه لـو يعنيهـا
ونفيستـك وانـت فانـي لاتغزغزهـا= المقبـره بأنتظـارك وانـت ناسيـهـا
والنـاس دورات قادرهـا بعاجـزهـا= ماخلـق جنـه ونـار وزعـوا فيهـا
وناس(ن) مع الله وناس ابليس ناغزها= سبحان من ظل ناس ونـاس هاديهـا
ونـاس(ن) تعلـت وعلتهـا مراكزهـا= وناس(ن) تبي الطيب مير الطيب فاحيها
وناس(ن) تحفز ومعروف(ن) تحفزهـا= وناس(ن) تبي من يشيمهـا ويعطيهـا
وناس(ن) تلعوز وتسلم مـن تلعوزهـا= وناس(ن) مع اللعوزه تبطـي لياليهـا
وناس(ن) تبي نبز ناس وناس تنبزهـا= نابـز ومنبـوز ليـن المـوت يفنيهـا
وناس(ن)عجز رزقها يكمـل عوايزهـا= لاهـي فقـارا وهــي مالله مغنيـهـا
حتى العجايز تبـي نـاس(ن) تهمزهـا= العافيـه والظنـا مـاهـو مكفيـهـا
وان قمت اعانـد تفاكيـري وابارزهـا= صارت حجاوي وانـا مانـي محجيهـا
وتسلمون