?> ابغاك تعطيني فقط نص ساعه .^. [الأرشيف] - مجالس الفرده
المساعد الشخصي الرقمي

مشاهدة النسخة كاملة : ابغاك تعطيني فقط نص ساعه .^.

ريم
27-10-11, 11:07 PM
ياللي وراك ضلوع ومن دونك ضلوع=متمركزٍ ف الصّدر كنّك وداعـه
ودّي اناقش مع سعادتك موضوع=وابغيك تعطيني فقط نص ساعـه
صار اتصالك فيّ من اسبوع لاسبوع=حرّمت وصلك وإستبحت القطاعه
وتغيّرت فيك إنطباعات وطبـوع=وتجدّدت في نظرتك لي قناعـه
عيّشتني في كل مرغـوب ممنـوع=وحرمتني من كل سمعاً وطاعـه
وعلّمتني إن الجفا لـه كـذا نـوع=وإن الهجر بالـذّات اكثـر بشاعـه
اوّل تجي يمّي من الشّـوق مدفـوع=ومَ احلى من المشتاق غير إندفاعـه
إن غبت عنك تصيح ودموعك دموع=مافيك ل الصّبر الجميل إستطاعه
مجنون فيني و القلم عنك مرفوع=همّك رضاي ومجتهد ف إتباعـه
واليوم لا حبل الرجى فيك مقطوع=مشيت درب اللّفلفـه واللّكاعـه
واللّي تسبّب في تغيّرك مجمـوع=عدم ثقه فينـي وبـث الإذاعـه
خل الكلام اللّي من الكذب مصنوع=وإخذ الكلام اللّـي تـذوق إنتفاعـه
ماكل هرج يمر اذانيك مسموع=اربع ارباع اللّـي يمـرّك إشاعـه
لو الحكي بفلوس او شيك مدفوع=يمديك ضامي ل الكلام وسماعـه
ياشينها لاجاتك همومك جموع=ولاعاد عندك ل المواجه شجاعه
وياشينها لو كان لك حق مشـروع=واقربهم ل قلبك سعى فـي ضياعـه
هذا الكلام الليّ من القلب مطبوع=إقرا كلام القلب وشـوف إنطباعـه
وإسمع ترى الجوّال ماهوب مقطوع=شغّال له أربـع وعشريـن ساعـه






مما راق

ريموو
ابن منصور
27-10-11, 11:12 PM
يعطيك العافيه
ريم
27-10-11, 11:26 PM
يعافيك يارب
وشكرا لمرورك
عبدالعزيز ابن نومان
28-10-11, 02:39 PM
ابيــات ممزووجــه بماء الـذهـب
الفيــن شـكر لك
ريــم
دااائماا مبدعــــه
غازى بن عجاب أبوزوايد
28-10-11, 02:41 PM
يعطيك العافيه ريم ولاهنتي
وصح لسان الشاعر على هالقصيده
تحيتي
عبدالله حمد الفريدي
28-10-11, 05:24 PM
اختيار رائع جداً
شكرً ريم
ريم
28-10-11, 08:08 PM
عبدالعزيز يزداد ابدااعي بروعه مرورك لاهنت

غازي ولاتهون مرورك سرني

ابو حمد دام تواجدك ودااام مرورك الذووق
نواف فارع
29-10-11, 12:31 AM
تجملت روعة معاني الأبيات .. بروعة النقل والتنسيق .

وزادها رقي مشاركاتك .. أختي المبدعة / ريم .


دمت ِ على هذا الإبداع .


وتقبلي تحياتي .
ريم
29-10-11, 06:19 PM
زاد جمال موضوعي .. بمرورك اخوي نواف