?> واوراقه اللي تشيل اسمي لشققها [الأرشيف] - مجالس الفرده
المساعد الشخصي الرقمي

مشاهدة النسخة كاملة : واوراقه اللي تشيل اسمي لشققها

غازى بن عجاب أبوزوايد
18-10-11, 07:06 PM
هذه القصيده للشاعر مفرح الظمني رحمه الله
ارجو ان تنال اعجابكم:-


ياسبق سيارة راحت بمزيونه =دزيت انا موتري وازريت للحقها
ياليت سواقها ماشي على هونه =لوربع ساعه مع السكه ورافقها
لوشافها الخس بيح كل مكنونه =وابن قويعان يدبح مايفارقها
غرون تشوف الدلال بنظرة اعيونه =مع حلو منطوقها بيضا عواتقها
بغيت شوفه وحال البعد من دونه =الخط مفتوح والغيره بسايقها
ماحسبت انا موتري يصير به خونه =كن التواير من الشارع ملفقها
رجلي تلحه وكفي في دركسونه =ومكينته دوختني في توندقها
مامن حلا لويجيب اللي بطبلونه =سبقت ادخينه اليا طارت علايقها
والله لبيعه على ناس يسومونه =واوراقه اللي تشيل اسمي لشققها








وسلامتكم
نواف فارع
18-10-11, 07:32 PM
شكل موتره ددسن .. ههههه

والغرو على ( يوكن ) !!! وإلا الييوكن ماوردوه إلا تالي .


برقي اختياراتك .. وروعة نقلك أبوفيصل ..


تجبرنا على تتبع مواضيعك .. ومنها هذا النص الذي يحمل مقومات السهل الممتنع .


دام حضورك وتميزك .. شاعرنا الرائع / غازي أبوزوايد .


وتقبل تحيتي وتقديري .
ابو الرجال
18-10-11, 09:32 PM
رائع ما نقلت اخوي ابو فيصل
دائما تمتعنا بالجميل
مشكور ويعطيك العافية
عبدالله حمد الفريدي
18-10-11, 09:45 PM
رحم الله مفرح الضمني
واطال الله في عمرك ابا فيصل
علىجمال الاختيار سلمت ودمت
غازى بن عجاب أبوزوايد
19-10-11, 05:37 PM
شكل موتره ددسن .. ههههه

والغرو على ( يوكن ) !!! وإلا الييوكن ماوردوه إلا تالي .


برقي اختياراتك .. وروعة نقلك أبوفيصل ..


تجبرنا على تتبع مواضيعك .. ومنها هذا النص الذي يحمل مقومات السهل الممتنع .


دام حضورك وتميزك .. شاعرنا الرائع / غازي أبوزوايد .


وتقبل تحيتي وتقديري .










اخوى
الشاعر القدير
نواف فارع
الرقي مرورك العطر لاهنت
واعتقد ان مفرح الله يرحمه يبي يثيرمحمد الخس وصحن بن
قويعان ولا سياراتهم كلها موديلاتها حدثه ذاك الوقت
اشكر لك مرورك وقفشاتك
تحيتي
غازى بن عجاب أبوزوايد
19-10-11, 05:39 PM
رائع ما نقلت اخوي ابو فيصل
دائما تمتعنا بالجميل
مشكور ويعطيك العافية









اخوى ابو الرجال الروعه
مرورك لاهنت على المرور والاطراء
ودائماً مرورك له بصمته
تحيتي
غازى بن عجاب أبوزوايد
19-10-11, 05:40 PM
رحم الله مفرح الضمني
واطال الله في عمرك ابا فيصل
علىجمال الاختيار سلمت ودمت








اخوى العزيز
ابو حمد دائماً مرورك له طابعاً خاص عندي
دمت ودام مرورك العطر لاهنت
تحيتي