?> يابهجة الخفاق [الأرشيف] - مجالس الفرده

المساعد الشخصي الرقمي

مشاهدة النسخة كاملة : يابهجة الخفاق


مروي
02-07-11, 02:09 AM
يابهجة الخفاق في حزة الظيق=من ضيق جوه خارب(ن) كل فــــــنه
من فرحته لا فز تل المعاليق=يكفخ كما طير(ن) سبوقه حدنــــه
شوفك كما مزن المناشي البواريق=فعيون بدو(ن) طاويين الاشنـــــه
قربك نجاح وشوف عينك توافيق=ريفك ضلال وفــــي بستان جنـــه
ما فــأت ماتلحق عليه الواحــيق=ولا تاصل الهقوات فيه المضنه
معذور لو خطيت فيـــــك الطواريق=من فيض حساس المشاعر ادنـــه
لك صادق شعوري عهود ومواثيق=وقدر بنفسي لك عظيم(ن) اكنـــــه
سجات فكر (ن) من عناها مشـــافيق=حسرات ضيم (ن) بالحشا مستكنــه
سوالف(ن) ترقى لروس الشــــواهيق=ما دوجت على السهل مطمئنــه
وجهتها لوجيه سمحه مطـــــاليق=وكسيت عاري محتواها بونــه
احيان اضيعـــــها بليل التواهيق=واحيان ابيع حسابها لبو زنـــه
مشهاي صعب ولاستطيعه ولاطيق=عجـــزت يديني لا تطول الاعنــه

وسلامتكمــــــ

عبدالله حمد الفريدي
02-07-11, 03:36 AM
شوفك كما مزن المناشي البواريق
فعيون بدو(ن) طاويين الاشنـــــه
مروي بيض الله وجهك وصح لسانك
حقيقه قصيده جميله جداً من شاعر متمكن
وكلها تستحق الاقتباس
لاهنت وبأنتظار جديدك

ابو الرجال
02-07-11, 01:24 PM
تسلم مروي
صح لسانك وعلا شانك
قصيدة جزلة

علي الجضعان
02-07-11, 02:00 PM
صح لسانك قصيده تستاهل الأشاده

قويه مسبوكه سبك الذهب 24

تقبل مروري

نواف فارع
02-07-11, 04:33 PM
أخي الشاعر المبدع / مروي .


على صادق الهاجس والشعور اسمح لي أن أقول : صحت مشاعرك وقوافيك .

ودام حضورك وتواجدك بقمة إبداعك .

وتقبل فائق التحية والاحترام .

غازى بن عجاب أبوزوايد
02-07-11, 07:38 PM
اخوى
مروى
لاهنت يالغالي وصح لسانك وننتظر القادم الجميل
تحيتي

منصور الوسوس
03-07-11, 01:45 AM
صح لسانك مروي
لقد ارويت ضمأ متذوقي الشعر

نايف بن مياس..
03-07-11, 02:09 AM
صح لسانك الف مره كم نتمنى ان نعرف من ورى هذا الموج الشعري بلاسم الحقيقي لا المستعار واخوي اسمحلي ابيك تتاكد من هالبيت هل هو كذا ام فيه خطاء إملائي كذا مكسور
معذور لو خطيت فيـــــك الطوايق
من فيض حساس المشاعر ادنـــه

ابن منصور
03-07-11, 02:32 AM
مروي صح اللسانك

مروي
06-07-11, 03:17 AM
صح ابدانكم اسعدني تواجدكم
اخوي نايف الاسم المستعار يعطي رحاب واسع للحريه بدون قيود
تقبلو مودتي

عبدالعزيز ابن نومان
06-07-11, 03:27 AM
صـــــح لسانــك قصيــده جـزلــه

تقبــل مرووري.

مروي
07-07-11, 05:19 AM
صح بدنك والنعم والسبع انعام يابن نومان

النمر الارقط
07-07-11, 06:11 AM
مروي بيض الله وجهك وصح لسانك

مروي
25-07-11, 09:16 AM
وجهك ابيض يانمر وحياك الله