?> عيال جحيش !!!!! [الأرشيف] - مجالس الفرده
المساعد الشخصي الرقمي

مشاهدة النسخة كاملة : عيال جحيش !!!!!

خلف الفريد
21-06-11, 09:51 PM
هذا المساء تذكرت قصة جحيش السرحاني وعياله
فكانت هذه الابيات :



عبد العزيز الجوف مثل المصاهر=حرّه يذيب الشامخات الرواسي
غديت مثل جحيش والغبن ظاهر=يشكي قطاعة خايبين الاساسي
ياعزوتي دن الحطب والمباهر=واضبط لنا فنجال يجل العماسي
ترى الهجوس من اول الليل ساهر=واسهر معه -بالعون- خمس الحواسي
تدوي بي الافكار والوقت قاهر=مثل السفين اللي بليا مراسي
كنت احسبنّي بالحسابات ماهر=اعرف قياس الغير والبس قياسي!!
ولا تغرني يابوك بعض المظاهر=واميّز الالوان دون التباسي!!
وليا مشيت بدربي اعلن واجاهر=ليه اتخفى ليه!! والناس ناسي
عفويتي منهاج .. والقلب طاهر=واطيب صفات الخير منبع احساسي
لكن لقيت الناس مغمِد وشاهر=ولازم عن "الاثنين" فيك احتراسي
ماكل مايعرض ثمين الجواهر=ولا كل مايعطيك الالوان ماسي
وعيني تراقب للحرار الشواهر=وان دنقت للدون .. لاعاش راسي
منصور الوسوس
21-06-11, 10:05 PM
وعينـي تراقـب للحـرار الشواهـر=وان دنقت للدون .. لاعـاش راسـي


الله .. الله ... الله
صح لسانك عندليب المجالس
عبدالله حمد الفريدي
21-06-11, 10:20 PM
اقتباس:المشاركة الأصلية كتبت بواسطة خلف الفريد

هذا المساء تذكرت قصة جحيش السرحاني وعياله
فكانت هذه الابيات :




عبد العزيز الجوف مثل المصاهر=حرّه يذيب الشامخات الرواسي

غديت مثل جحيش والغبن ظاهر=يشكي قطاعة خايبين الاساسي
ياعزوتي دن الحطب والمباهر=واضبط لنا فنجال يجل العماسي
ترى الهجوس من اول الليل ساهر=واسهر معه -بالعون- خمس الحواسي
تدوي بي الافكار والوقت قاهر=مثل السفين اللي بليا مراسي
كنت احسبنّي بالحسابات ماهر=اعرف قياس الغير والبس قياسي!!
ولا تغرني يابوك بعض المظاهر=واميّز الالوان دون التباسي!!
وليا مشيت بدربي اعلن واجاهر=ليه اتخفى ليه!! والناس ناسي
عفويتي منهاج .. والقلب طاهر=واطيب صفات الخير منبع احساسي
لكن لقيت الناس مغمِد وشاهر=ولازم عن "الاثنين" فيك احتراسي
ماكل مايعرض ثمين الجواهر=ولا كل مايعطيك الالوان ماسي

وعيني تراقب للحرار الشواهر=وان دنقت للدون .. لاعاش راسي





ابوعبدالعزيز
صح لسانك وعلا شانك
والله يخليلك عبدالعزيز ويجعله قرة عين لك
هذى الشعر والا فلا لافض فوك ياعندليب المجالس
الجديد
21-06-11, 11:24 PM
عفويتي منهاج والقلب طاهر 000واطيب صفات الخير منبع احساسي

صح لسانك ابو عبدالعزيز وهكذا عهدناك
تقبل مروري
بن سدحان
21-06-11, 11:44 PM
صح لسانك وصح بدنك


متابع لجديدك ياعندليب المجالس

يحفظك ربي
علي الجضعان
21-06-11, 11:56 PM
مسسيك بالخير

عزالله أن هالقصيده نالت أعجابي

عشره على عشره وتروح معنا

الى الدور النهائي وسوف يعلن

الفايز أن شاءالله

الاسبوع القادم

صح لسانك وعلاشانك

تقبل مروري وأنتبه لنهائي
نواف بن هلال
22-06-11, 12:46 AM
صح لسانك يالعود وانت قبطان السفن........
على طاري السفن فيه ياء زايده في جمع سفن وهاذا خطاء املائي لاينقص من جمال النص طبعاً ....
صح لسانك مره ثانيه يابو عبد العزيز.....بحر ُ لانهاية له يسلم راسك تقبل مروري
سعد بن هذيل
22-06-11, 12:59 AM
السلام عليكم ورحمة الله وبركاته
صح السانك ياعمدةالمركاز
على الجميل والى ا لامام
غازى بن عجاب أبوزوايد
22-06-11, 05:56 AM
غديت مثل جحيـش والغبـن ظاهـر=يشكـي قطاعـة خايبيـن الاساسـي




اخوى الكبير بقدره
خلف بن محمد بن عتاق الفريدي
هذا الرجل الذي مهما قلت لن اوفيه حقه حفر إسمه
على أغلى الجواهر قصيده تعري المجتمع غير السوي
سبق ومازلت أسميك الاسد صح لسانك ولاهنت على قولك الجميل
الجزل تظل عملة نادره أطال الله عمرك
تحيتي
خلف الفريد
22-06-11, 11:45 AM
الغالي ابو يارا
ان تكون المصافحة الاولى لقصيدتي من يمينك فهذا الفخر كله
صح بدنك وسلمت لاخيك
لاعدمتك
خلف الفريد
22-06-11, 12:32 PM
الاجلاء الكرام ...

ابو حمد
مرورك واقتباسك دليل عمق المحبه ..
واسال الله ان يجعل لك من دعائك النصيب الاوفر
وصح لسانك لاعدمتك
_________

ابو فايز
وماذا اتوقع من الجديد دائما .؟.. اخلاقا وتعاملا وصحبه
صح بدنك وسلمت لاخيك
___________

بن سدحان
هذا دليل وفائك فكما انك المبدع هناك ادبا فانت الكبير هنا تأدباً
صح بدنك ودمت مشعلا
لاعدمتك
_________

مراقبنا العزيز صباح الخير
وصلت الرساله ولا ياصل النهائي الا السابق والعود تعوره رجيلاته وتراك وكيلي
خل عنك السوالف والمحوصه
انجز
________

ابوافي
مرورك وتعليقك يزيد الموضوع جمالا ....
اما ملاحظتك الكريمه فهي نصف الحقيقه ... كيف؟ وجدت نفسي بين امرين احلاهما مر ...
حذف الياء او حذف الهاء وكلاهما كسر فقلت يابو الشباب ماتفوتك !!!
خير الامور اوسطها والشعر له ضرورات وضبطت معي هههههههههههههههههه
واسأل ابن هذيل يمكن قد سمع بالسفين وليس الاسفين هههههههههههههههههههه
الفزعه يابن هذيل !!!
وصح الله بدنك يانواف ..وسلملي على محمد الفهد وتراي حجزت من المدينه ضرنبول آسف صطنبول باااااااي
_________

هلا مليون ابوفهد يامحور الارتكاز ..
وبعدين ابي الفزعه تولوني هالشباب نشاط وفراغ ..تكفى ياعزوتي ماعندي الا ابن جضعان .. عندي عندي وضاع الهندي :089:
صح بدنك لاعدمتك
________

هلا ابو فيصل
عصابة راسي والله
لكن بعض الاسود صارت ورا القضبان هههههههههه
اسعدني مرورك ورائع شعورك وياليتك معي عند شبة النار مع عزيز بالتنهاه هاك الليله ...
تحياتي واجلالي
عبدالله بن راشد
22-06-11, 01:33 PM
عبد العزيز الجـوف مثـل المصاهـر
حـرّه يذيـب الشامخـات الرواسـي

.
.
.
بيت شعر مفعم بالحزن و الألم ..
.
وش القصة يابو عبدالعزيز , وسع صدرك يا سندي .
.
.

مع أنك تناولت الشعر الحزين بقوة و أبدعت فيه , إلا أنه مسار جديد بالنسبة لك و أتمنى أن لا يبلغك الألم كما تصوره لنا بلاغة قصائدك ..
.
نبغى مثل : ( الكاف كلي جيتكم حب و أشواق ... الله يهون لهفتي و اندفاعي ) !
خلف الفريد
22-06-11, 06:19 PM
الاديب الاريب عبد الله بن راشد
،
،
كن على ثقة الخليل بعروضه وعبد الملك بحجاجه
،
،
اننا على العهد من المهد الى اللحد
،
فما بعد المشيب من تشبيب !!!
ولا بعد الحب من كره ..
،،
وانما هي مشاكسات مسن اضاع العنان والرسن :089:
،،،،،
انتم هنا اهلي واخوتي وابنائي وثقة بنيناها بالصدق والوفاء ...
****
اسعدني مرورك ورائع شعورك ولي المكسب بأي حال ...
والى لقااااااااء
نايف بن مياس..
23-06-11, 03:26 AM
صح لسانك قصيده رائعه
خلف الفريد
24-06-11, 11:15 AM
عريسنا الرائع ابو ارجوان الغالي
ان ياتي رد وتعليق الشاعر العذب نايف بن مياس متأخرا فهذا مايغضب العود !!!
تعرف ان الشايب مشاكس جدا ولهذا يتحمل مايناله نتيجة ذلك ولكنه لايحتمل تأخر الرد الذي يحرك جوشنه ههههههههههههههه
لكن نعذرك لانشغالك بامور التجهيز للزواج الله يوفقك ...
وبعدين ماقلت لنا فيه امسيه ...فيه شعار .. فيه طلب خدمة من شايبك ...
نحن على اتم استعداد ماديا ومعنويا يابن العم واقسم بالله انني صادق وتلفوني عندك ...
وتحياتي لوالدي شليويح الحسناوي الذي اسميه كما قال خالي /سعد بن عماش (الاسد الرهيص)
والى اللقاء في قصر طريف انشاء الله ..
اخوكم
الهرم ههههههههه
ابـن مـطـيـع
24-06-11, 01:15 PM
صح الله السان ابو عبد العزيز على التواجد الجميل
والابداع الشعري
أصيل العود
24-06-11, 02:10 PM
صح لسانك يابو عبد العزيز قصيده في منتهى الروعة
خلف الفريد
24-06-11, 06:27 PM
الغاليين ...
مشعل المجالس
اصيل العود
,,,
شكرا على المرور الرائع والمشاعر الاروع ..
وصحت ابدانكما
لاعدمتكما
نوااف االدغيشمي
25-06-11, 01:39 AM
ابو عبدالعزيز صح لسانك على هذة القصيدة الجميلة الذي تعتبر اجمل قصيدة قريتها
ابو عبدالعزيز انت دائم مبدع ورائع والله يوفقك وجعلك ذخر لنا أتمني منك جمع قصائد في كتاب
مطبوع لكي يستفاد منها في المستقبل

ابو عبدالعزيز الله يوفقك  
خلف الفريد
25-06-11, 01:07 PM
الغالي نواف الدغيشمي
,,,

هلا مليون هلا
ان اقرا هذه الكلمات من قلم جميل مثل نواف لهو درجة نجاح بامتياز
وان ارى هذه الثقة منك بما يكتبه اخوك لهو شهادة فخر ...
,,

اشكرك على هذا الشموخ
وارجو ان اكون عند حسن الظن
,,,

ورأيك نفكر فيه وفي الوقت المناسب انشاء الله
لاعدمتك
نواف فارع
25-06-11, 03:00 PM
همسات وإشارات , جمعت الكثير والكثير من المعلومات .

صح لسانك أبوعبدالعزيز .. ودام تواجدك وإبداعك .


وتقبل تحيتي وتقديري .
خلف الفريد
08-07-11, 10:39 PM
اقتباس:
المشاركة الأصلية كتبت بواسطة نوّاف فارع http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=222650#post222650)
همسات وإشارات , جمعت الكثير والكثير من المعلومات .

صح لسانك أبوعبدالعزيز .. ودام تواجدك وإبداعك .


وتقبل تحيتي وتقديري .



ابو عبد السلام
،،
وانت دام وجودك ورائع جهودك
مرورك جمال ورايك كمال
تقديرك واقعي وفكرك المعي
،،،
صح لسانك لاعدمتك