?> ليمان طرّه ..... [الأرشيف] - مجالس الفرده
المساعد الشخصي الرقمي

مشاهدة النسخة كاملة : ليمان طرّه .....

خلف الفريد
19-06-11, 03:03 PM
مجرد مشاعر قديمه ايام الشباب ....


وين الحذر؟! يهل البيوت الكبيره=عوراتنا مابين ركبه وسرّه !!
كثرت علينا!! والحناشل كثيره=لاتسلب المحصول في حين غره!!
جت من خلاف البيت ماهي مغيره !!=وقامت تفتش بين كل الاصره!!
وطلع النخل حوله تليّم "غبيره"!!=وترى ما يسوى الشيص مثقال ذره!!
عجزت اميّز بين سرّ وسريره=اعياني التفكير في كل مرّه !!
ناقف على الابواب حبٍّ وغِيره=ونصبر على لفح الهبايب وحرّه !!
وحصيلنا التشكيك بين العشيره!!=وعن كلمة التقدير.. صارت مضرّه!!
وياللي على ثوبه "تباقيـع" كيره!!=(هو انت من ضرّيت حتى تسره ؟؟!)
ان كنت تفكّر باعتراض المسيره=قدمك "معاقل جيش" ماهي مبرّه!!
عابر سبيلٍ حلّ ويحلّ غيره!!=بكره ماتترك غير آثار جرّه!!
ويهل البيوت!! اما سلاح وذخيره=والا خرج سكان " ليمان طرّه "!!
عبدالله حمد الفريدي
19-06-11, 03:26 PM
لاوالله سلاح وذخيره واستشهاد
ولا يخرج سكان ليمان طره

ابو عبدالعزيز صح لسانك وعلا شانك
ابداع متواصل .... لاعدمناك
غازى بن عجاب أبوزوايد
19-06-11, 08:03 PM
:099:اخوى الكبير بقدره
خلف بن محمد بن عتّاق
اعجبتني قصيدتك ليمان طرّه وأحببت أجاريك
وسامحني بالقصور حيث إنك اللي يلعب ولايلعب معه

القصيده :-




ياخلف العتاق خيرن وخيره=ويالله عساها خيرة مستمرّه
كان الهبايب يالبناخي مثيره=من حارس التموين جتك المغرّه
واللي خلاف البيت تسمع زويره=دعيج قبله وش لقى في مصرّه
وطلع النخل يغسل ويزداد خيره=واليا إستوى يصير للعين قرّه
وسر البشر ماغير ربك خبيره=لوكان للتفكيرساعه تمرّه
ووقفتك ياخلفين ماهي معيره=تاجبلك الوقفه وهذا مقرّه
واللي يشكك فيك بالوصف طيره=فكره يصورله وصل للمجرّه
مسكين حال وفيه لوثه وطيره=خريش مايلحّق عليه اخو مرّه
لوشب كيره شغلته ماتضيره=لاسر حي ولاش حين يضرّه
يقصر عن افعول النشاما السفيره=جرون نبح بيدين ورعن يجره
ولامن نذر جانا ولافيه ذيره=وحتيش لو فكر ابفره وكره




وارجو المعذره وسلامتكم
ذعذاع الشمال
19-06-11, 10:30 PM
إبداع مشكور وصح لســـــــانكما جميعا
منصور الوسوس
19-06-11, 11:44 PM
هكذا الابداع
عندليب المجالس تضل البصمة المشرقة في مجالس العز والشموخ
ولايهون أحبتنا المبدعين
شكرا لك والشكر موصول لمراقب بيت القصيد أبا فيصل على تلك المجاراة
دمتم جميعا بعز في مجالس العز
خلف الفريد
19-06-11, 11:52 PM
سنايدي والله ابو حمد
من رجال والله قول وفعل ...
صح بدنك وسلمت لاخيك سيفا مشهرا ...
لاعدمتك
خلف الفريد
19-06-11, 11:56 PM
اقتباس:
المشاركة الأصلية كتبت بواسطة غازى بن عجاب أبوزوايد http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=221864#post221864)
:099:اخوى الكبير بقدره

خلف بن محمد بن عتّاق
اعجبتني قصيدتك ليمان طرّه وأحببت أجاريك
وسامحني بالقصور حيث إنك اللي يلعب ولايلعب معه

القصيده :-




ياخلف العتاق خيرن وخيره=ويالله عساها خيرة مستمرّه
كان الهبايب يالبناخي مثيره=من حارس التموين جتك المغرّه
واللي خلاف البيت تسمع زويره=دعيج قبله وش لقى في مصرّه
وطلع النخل يغسل ويزداد خيره=واليا إستوى يصير للعين قرّه
وسر البشر ماغير ربك خبيره=لوكان للتفكيرساعه تمرّه
ووقفتك ياخلفين ماهي معيره=تاجبلك الوقفه وهذا مقرّه
واللي يشكك فيك بالوصف طيره=فكره يصورله وصل للمجرّه
مسكين حال وفيه لوثه وطيره=خريش مايلحّق عليه اخو مرّه
لوشب كيره شغلته ماتضيره=لاسر حي ولاش حين يضرّه
يقصر عن افعول النشاما السفيره=جرون نبح بيدين ورعن يجره
ولامن نذر جانا ولافيه ذيره=وحتيش لو فكر ابفره وكره





وارجو المعذره وسلامتكم



يضل الابداع والتحدي توأمان لك ابا فيصل
ولم لا وانت لك من اسمك النصيب الاكبر ..
ابو زوايد .. تعني الزيادة في كل شيء وها انت جاريت اخيك فكان لك قصب السبق والرياده...
صح لسانك وسلمت لاخيك رعدا مجلجلا ...
لاعدمتك
خلف الفريد
19-06-11, 11:59 PM
اخي الذعذاع

صح بدنك لاهنت
شاكرا مرورك وطيب شعورك
لاعدمتك
خلف الفريد
20-06-11, 12:08 AM
اقتباس:
المشاركة الأصلية كتبت بواسطة منصور الوسوس http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=221882#post221882)
هكذا الابداع
عندليب المجالس تضل البصمة المشرقة في مجالس العز والشموخ
ولايهون أحبتنا المبدعين
شكرا لك والشكر موصول لمراقب بيت القصيد أبا فيصل على تلك المجاراة
دمتم جميعا بعز في مجالس العز




________

الغالي ابو يارا
كل جملة سطرها يراعك الكريم شاهد لك لا لي ...
تضل دائما القلب النابض في هذه المجالس بمرورك الجميل وكلماتك
النابعة من القلب ومشاعرك الاخوية الدافعة الى الامام ...
وما نحن الا جزء من منظومة هي عين هذا الصرح وسوره الحصين
وجوبا لا اختياراً ...
صح بدنك وسلمت لاخيك
لاعدمتك
ميس الريم
20-06-11, 12:15 AM
تقف الأقلام محتارة كيف تجمع الحروف وكيف تركب الكلمات التي تستحقها هاتين القصيدتين
ولكن للإبداع اهله وللقصيد رجاله فصح فوكما وما يخرج من فيكما
ونهنئ المجالس بكما دام تواجدكما وإبداعكما
تقبلا مروري
الجديد
20-06-11, 12:39 AM
صح لسانك ابوفيصل بغيت استشهد في بيت لوحده فلم أستطع . (بين المعاني والبيوت التحامه) .
تقبل مروري.
علي الجضعان
20-06-11, 01:36 AM
صح الله أبدانكم أباع منقطع النظير

وقد ماعت الزبده ولالقيت شئ

يسعدني تفاعلكم وكلنا ننتظر منكم

الجديد

مريت من هناء وأترك لكم رسالت

أعجاب

دمتم بخير
بن سدحان
20-06-11, 02:12 AM
صح لسانك ياعندليب

حقيقة لك حظورك الرائع الذي لايتقنة سوى خلف

أسأل الله ان يمدك بالصحة والعافية

وصح لسان ابو زوايد ماقصر والله الطيب والكادي في مجاراته
خلف الفريد
20-06-11, 09:44 AM
الاحبه ....

ميس الريم
الجديد
ابو عمر
بن سدحان
مروركم وتجاوبكم شهادة تزكيه اعلقها داخل غشاء القلب ...
لم تهتز ثقتي بكم يوما ما ...
اشكركم على هذه الكلمات الاخويه الكريمه
لاعدمتكم
نواف بن هلال
20-06-11, 10:55 AM
صح لسانك ياعظم العرب ولسان ابو زوايد عندي مجاراه لكم واسمحولي عن لقصور
ابيات خفيفه على المعده ههههههههههههههههههه
ارجوا ان تقبلوها هنا بنفس الردود لن اضع لها موضوع خاص
نواف بن هلال
20-06-11, 11:10 AM
هاذه ابيات مجاراه لاخواني الكبار عظم العرب وابو زوايد عسى ان تنال اعجاب الجميع ونتفاعل مع الحل للغز الموجود


يالشمس ياللي بالسماء مستديره=بان النهار وبان عقه وبرِه
ياقل ضول العالم المستطيره=وياكثر ضول العالم المستقرَه
ياناس ياللي بالمعاني خبيره=ويش الزعيم اللي تعدد صورَه
اللي مع العربان لادق زيره=يظهر معه مخبر وقصاص جره
وشعيل يرغي ماسمعنا هديره=ويضرس بنيبانه على قصع جرِه
وحديث ابن ماجه وأبو هريره=ماتسمعه بأفواه ناسٍ مكرَه
مكروه والمكروه مابه مريره=لاضر عدوانه ولا اخوه سره
ياليت ياحضرة سعادة سفيره=مع ماتورى انك تسريه سره
خلف الفريد
20-06-11, 02:45 PM
اقتباس:
المشاركة الأصلية كتبت بواسطة نواف بن هلال http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=221920#post221920)
صح لسانك ياعظم العرب ولسان ابو زوايد عندي مجاراه لكم واسمحولي عن لقصور
ابيات خفيفه على المعده ههههههههههههههههههه
ارجوا ان تقبلوها هنا بنفس الردود لن اضع لها موضوع خاص



صح بدنك يابو وافي ..
وياهلا براع الردود والحبل ممدود :089:
والمعده هاليومين تهضم الحديد الصلب ابشرك !!!!
والمجاراة مقبوله
تحياتي
خلف الفريد
20-06-11, 03:31 PM
اقتباس:
المشاركة الأصلية كتبت بواسطة نواف بن هلال http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=221922#post221922)
هاذه ابيات مجاراه لاخواني الكبار عظم العرب وابو زوايد عسى ان تنال اعجاب الجميع ونتفاعل مع الحل للغز الموجود


يالشمس ياللي بالسماء مستديره=بان النهار وبان عقه وبرِه
ياقل ضول العالم المستطيره=وياكثر ضول العالم المستقرَه
ياناس ياللي بالمعاني خبيره=ويش الزعيم اللي تعدد صورَه
اللي مع العربان لادق زيره=يظهر معه مخبر وقصاص جره
وشعيل يرغي ماسمعنا هديره=ويضرس بنيبانه على قصع جرِه
وحديث ابن ماجه وأبو هريره=ماتسمعه بأفواه ناسٍ مكرَه
مكروه والمكروه مابه مريره=لاضر عدوانه ولا اخوه سره
ياليت ياحضرة سعادة سفيره=مع ماتورى انك تسريه سره




وافي يابو وافي
وحنا ياولدي شيبنا على الالغاز لكن اليك رمحة الشايب ...



ياكثر عيلات النفوس الشريره=تلبس لباس الدين لو ماتزره
والناس يانواف لو هي صغيره=يكبرون "الكاف "مليون مرّه
شف الزعيم اللي يخوّف زئيره=بجسر الشغور ويفترك بالمعرّه
والوقت ريف ولا على الذود ذيره=وشعيل يضرب والمغاتير دِرّه
ولا يخبر المخبر بليا جريره=وراع الخطيه للمخافر نجرّه
وقص الاثر موجود في كل ديره=لو الحرامي زابنٍ وسط حَرّه
وترى السفاره للوجيه السفيره=لو ان بعض الناس منقوز جرّه
وترى المساري للوحوش الخطيره=ذيب الخلا مسراه كره وكره
نواف بن هلال
20-06-11, 03:54 PM
ههههههههههههههههههههههههه ههههههههه يحبني لسعة الصدر والحكمه ...زصح لسانك على الحل
وربما كثيراً منا لم يستوعبون اللغز لاكن لله درك نعم الزعيم اخو مره والشايب المعنى الذي لعبتم عليه انت وابو زوايد صحة اللسنتكم
وفيه ايضاً من اتبعوا اخو مره بالنميمه والغيبه وآخرها ....المعنى اذا سرا يقال عند اهل المحاورة سرت صح للسانك
يالعود الاشهب شهاب ذيب ....
اخي ابو عبد العزيز كثيراً من الشعراء الاصحاب جداً تقرا قصايدهم ترا انها بالاخير ستصل الى المحاكم وهم يلعبون على معنى لايفهمه الا هم اثلجت صدري نعم انا هنا بين كبار الشعراء ولا يهونون الربع
نواف بن هلال
20-06-11, 03:59 PM
:174:والله اني قلت احتسبت ضربة جزاء ههههههههههه لا كن الحكم حكيم


وعندي تحفظ على البيت الاخير بالعكس القطامي
مايصيد الا الصيد الدسم :060::060::060:
عبدالعزيز العبلان
20-06-11, 04:58 PM
صح لسانك يابو عبدالعزيز بدعت

وابو فيصل وابن هلال ابدعو بالمجاراه

صحت الالسن وسلمت القلوب

تحيتي وتقديري لكم
ذعذاع الشمال
20-06-11, 05:07 PM
صح السانك وعلا شامك
خلف الفريد
20-06-11, 05:08 PM
هلا هلا ابو وافي
وحياك الله واشكرك على روحك الرياضيه وكلماتك الفكاهيه ...
والشك وانا اخوك زايل ولولا المعاني المدفونه ببعض الشعر وكونها تحتمل اكثر من معنى
ماصار للمساجلات والالغاز معنى ....
والبيت الواحد ماهو القصيده يحتمل اكثر من معنى وهدف وليس من حق احد ان يدعي ان
هذا هو المقصود او الهدف الوحيد ولهذا قيل المعنى في بطن الشاعر ....
اما البيت الاخير اغيره لعيونك يابو وافي لان كلامك صحيح وكان البيت فقط اكمال العدد ههههههههههه
.......
بيني وبينك لو انه سر:044:
المساجلات التي مثل هذه وعدم وضوح هدفها والالحام شوي يخلي الشباب يجيبون اللي وراهم
ويهطلون شعرا رائعا لان الشعر الذي ياتي من عاطفة وانفعال اقوى من شعرنا العادي .. نوب الواحد يتعصر
يوم كامل وكل بيت من ديره لكن القوه في حضور المناسبه الفوريه ...
اقول .. الله لايواخذني يابو وافي .. رجل عنكم ورجل بالقبر واشغلت الناس ..
لكن يعلم الله القلب ابيض اما المشاكسه كثر منها
تخبر العمر مطرف ههههههههههههههههه
تحياتي
خلف الفريد
20-06-11, 05:10 PM
ابن عبلان
صح بدنك وسلمت لاخيك
ثقة اعتز بها كاعتزازي بك
لاعدمتك
خلف الفريد
20-06-11, 05:14 PM
اقتباس:
المشاركة الأصلية كتبت بواسطة ذعذاع الشمال http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=221977#post221977)
صح السانك وعلا شامك


هلا هلا بالذعذعه كلها
اما صح لساني فاقول صح بدنك
اما (علا شامي) هذاك منول ياخوك يومني انا وياك بين صلنفه ومشتى الحلو:125:
واشامي شاماه ههههههههههههههه
لاعدمتك
ذعذاع الشمال
20-06-11, 05:20 PM
اقتباس:
المشاركة الأصلية كتبت بواسطة خلف الفريد http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=221981#post221981)
اقتباس:
المشاركة الأصلية كتبت بواسطة ذعذاع الشمال http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=221977#post221977)
صح السانك وعلا شامك


هلا هلا بالذعذعه كلها
اما صح لساني فاقول صح بدنك
اما (علا شامي) هذاك منول ياخوك يومني انا وياك بين صلنفه ومشتى الحلو:125:
واشامي شاماه ههههههههههههههه
لاعدمتك



*الله لايحرمنا من هالمداخله الذيذه
ومن صاحبها لأنه لايعرف التصنع ولايرتجي احد الا الله تعالى لكي يتصنع
ابو عبد الاله تصدق انك دكتور نفسي !!!
خلف الفريد
20-06-11, 08:07 PM
ابو عبد الاله تصدق انك دكتور نفسي !!!
ههههههههههههههههههههههههه هه


هلا مليون هلا ابو الذعاذيع
اما الدكتره فاخوك عن قريب انشاء الله طبيب شعبي نترزق الله ههههههههههههههه
ومحبك عظم العرب ابوعبد العزيز بخدمتك !!!
لاعدمتك
ابـن مـطـيـع
20-06-11, 08:46 PM
صح السانك ابو عبد العزيز على القصيدة الجزله
والمداخلة الجزله والرائعه من ابو فيصل
تقبلو مروري لكما
خلف الفريد
20-06-11, 10:08 PM
المشعل
صح بدنك وسلمت لاخيك
اشكرك نيابة عن ابو فيصل واصالة عن نفسي ...
لاعدمتك
علي الجضعان
21-06-11, 01:24 AM
اقتباس:
المشاركة الأصلية كتبت بواسطة خلف الفريد http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=222008#post222008)
المشعل
صح بدنك وسلمت لاخيك
اشكرك نيابة عن ابو فيصل واصالة عن نفسي ...
لاعدمتك



ابوعبدالاله كيف الحال شكلي أبا أنجر

بثركم الله يسترأشوف عمشاء تنفض

شوشتهاء وتلفت
ابن منصور
21-06-11, 01:40 AM
شام.............. وعبدالاله .................وصلنفه ...............

والله انه خطير هالعود ياربع هههههههههههههههههه

على العموم صح اللسانك وعلا شامك هههههههههه
وصح اللسان ابا فيصل اللي مايجيب الا الابيات الجزلات
ابو زوايد عادته الطيب والعود الازرق
كما اتحفنا نواف بتلك الابيات الجميله فله منا
جزيل الشكر
نواف بن هلال
21-06-11, 10:32 AM
اقتباس:
المشاركة الأصلية كتبت بواسطة خلف الفريد http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=221978#post221978)
هلا هلا ابو وافي
وحياك الله واشكرك على روحك الرياضيه وكلماتك الفكاهيه ...
والشك وانا اخوك زايل ولولا المعاني المدفونه ببعض الشعر وكونها تحتمل اكثر من معنى
ماصار للمساجلات والالغاز معنى ....
والبيت الواحد ماهو القصيده يحتمل اكثر من معنى وهدف وليس من حق احد ان يدعي ان
هذا هو المقصود او الهدف الوحيد ولهذا قيل المعنى في بطن الشاعر ....
اما البيت الاخير اغيره لعيونك يابو وافي لان كلامك صحيح وكان البيت فقط اكمال العدد ههههههههههه
.......
بيني وبينك لو انه سر:044:
المساجلات التي مثل هذه وعدم وضوح هدفها والالحام شوي يخلي الشباب يجيبون اللي وراهم
ويهطلون شعرا رائعا لان الشعر الذي ياتي من عاطفة وانفعال اقوى من شعرنا العادي .. نوب الواحد يتعصر
يوم كامل وكل بيت من ديره لكن القوه في حضور المناسبه الفوريه ...
اقول .. الله لايواخذني يابو وافي .. رجل عنكم ورجل بالقبر واشغلت الناس ..
لكن يعلم الله القلب ابيض اما المشاكسه كثر منها
تخبر العمر مطرف ههههههههههههههههه
تحياتي



كلك حلا يابو عبدالعزيز بس مسرع شوي وتلفت واجد يابو اركد وخل العالم بحالها ههههههههههههههههههههههههه هه
خلف الفريد
21-06-11, 06:10 PM
كلك حلا يابو عبدالعزيز بس مسرع شوي وتلفت واجد يابو اركد وخل العالم بحالها ههههههههههههههههههههههههه هه


وين انا ووين السرعه ياولدي
على قولة الشاعر

كنه الهيلوكس مديله قديم **** كلما قامت تتفتف دبللها
ههههههههههههههههههههههههه هههههههههههههههههههه
نواف بن هلال
22-06-11, 12:38 AM
محشوم يالعود الاشهب وش جاب طاري الهايلوكس .....؟؟؟
خلف الفريد
24-06-11, 01:12 PM
اقتباس:
المشاركة الأصلية كتبت بواسطة نواف بن هلال http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=222255#post222255)
محشوم يالعود الاشهب وش جاب طاري الهايلوكس .....؟؟؟




ههههههههههههههههههههههههه ههههههههه
لاهنت يابو وافي امزح !!!!