?> تعيش وتاكل غيرها !!!!! [الأرشيف] - مجالس الفرده
المساعد الشخصي الرقمي

مشاهدة النسخة كاملة : تعيش وتاكل غيرها !!!!!

خلف الفريد
13-06-11, 02:45 PM
قبل يومين اراد العود ان يستريح مع الشباب في *استراحتهم * هنا ... وقد شده موضوعٌ
غريب عنوانه ، ولكن اسم صاحبه قد زانه ، فدلفت ميمما ونظرتي الى السما ...
وعندما اكلتها ، كانت مواساتي (تعيش وتاكل غيرها)
واذ لم يفد التهديد .. لجأت الى القصيد



لي قصةٍ مثل الخيال=ماتنحكي لولا المجال
تبعت لي عدّة رجال= (مع جرّةٍ ماغيرها !! )
مرتاح وقدمي كم خويْ=ومن "اسمها" كنت رهَوِيْ
لكن انطلق صوت انثوي= (تعيش وتاكل غيرها)!!
قلت اكلوها اسودنا!!=عن العرب وش زودنا!!
قالت وانته ياعودنا!!= (تعيش وتاكل غيرها)!!
قلت الثقه يابنيّتي!!=شايبك وعلى نيّتي!!
قالت هدفك مبيّتي!!= (تعيش وتاكل غيرها)!!
قلت مالنا حقٍّ عليك!!=يوم القلم طوعٍ ليديك!!
قالت تبينا نستثنيك ؟!=(تعيش وتاكل غيرها)!!
على الاقل قولي ترى!!=شيباننا ترجع ورى!!
قالت سرى الساري سرى!!=(تعيش وتاكل غيرها)!!
قلت اسمعي يالغاليه!!=هالحين ارتحتي ساليه؟؟!
قالت وبهمّهْ عاليه!!=(تعيش وتاكل غيرها)!!
قلت ان حيينا يامره!!=لا اردّ لك هالجرجره!!
قالت: انا عن عشره!!=(تعيش وتاكل غيرها)!!
قلت السنين اللي مضت=روّضتها ماروّضت!!
قالت علومي ماقضت!!=(تعيش وتاكل غيرها)!!
قلت افزعوا لي ياشباب!!=وتفرقوا مثل السراب!!
قالت كد حتّيت الزهاب!!=(تعيش وتاكل غيرها)!!
ورديت بصوتٍ منغمت!!=استسلمت مااستسلمت؟!!
قالت عويدٍ يشتمت!!=(يعيش وياكل غيرها)!!
واقفيت وحالي ماتسر!!=يالله الفرج بعد العسر!!
ورفعت راية من خسر!!=(ونعيش وناكل غيرها)!!
عبدالله حمد الفريدي
13-06-11, 04:07 PM
قلت السنين اللي مضت
........... روضتها ماروضت ........ كفو ابو عبد العزيز
وصح لسانك مليون.............
................................................
المسامح كريم يابوعبدالعزيز لاعدمناك
خصوصاً واختنا الكريمه تستحق السموحه
واعتقد لا بل اجزم ان ماخط قلمها كان من باب المداعبه
وتعيش يا شايبٍ بروح الشباب .. لاهنت
ميس الريم
13-06-11, 07:18 PM
قـلــت ان حـيـيـنـا يــامــره!!
لا اردّ لــــــك هـالــجــرجــره!!
قـالـت: انــا عـــن عـشــره!!
(تعـيـش وتـاكـل غـيـرهـا)!!



كفو اخي ابو عبد العزيز عز الله انك رديتها بأجمل الكلمات وأسمى المعاني
ابيات قمة في كل مابها من مباني
جميلة جدا من فكر رائع جدا
وبالمنطق يسلم وبالشعر له سلم
اخجلتني وياليت تعذرني
سوف اطرح من هذه المواضيع كثيرة
حتى تعيشو وتأكلوا غيرها وتردوها بأبيات نستمتع بها
تعيش وماااااااتأكل غيرها
يعطيك العوافي لأنك بالقصيد وافي
غازى بن عجاب أبوزوايد
13-06-11, 08:39 PM
تكفى يابو عبدالعزيز
لاتاكل غيرها هذى تكفي وخلاص
ههههههههههههههههه
ترى الشباب لهم مقالب والشياب على نياتهم
تسلم على هالمداعبه الشيقه
تحيتي
علي الجضعان
13-06-11, 09:22 PM
اقتباس:
المشاركة الأصلية كتبت بواسطة غازى بن عجاب أبوزوايد http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=220937#post220937)
تكفى يابو عبدالعزيز
لاتاكل غيرها هذى تكفي وخلاص
ههههههههههههههههه
ترى الشباب لهم مقالب والشياب على نياتهم
تسلم على هالمداعبه الشيقه
تحيتي



غازي بالله وش بحرها وأي نوع

من الشعر مربوع مثولث منكوس

مجالسي أنتظر ردك

الفريد صح لسانك وكل مايجي من بؤك

حلو ياحلو تقبل مروري
غازى بن عجاب أبوزوايد
13-06-11, 09:33 PM
والله يابو عمر مالمسؤل اعلم من السائل
لكن تذكرت حاجه
الحداء مامر عليك وحنا مبطين عن الحداء
ماسمعنا له طاري لكن العود قام يحداء
إجابتي حسب عرفي وانا ما دري يمكن غلط
تحيتي
علي الجضعان
13-06-11, 10:00 PM
اقتباس:
المشاركة الأصلية كتبت بواسطة غازى بن عجاب أبوزوايد http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=220941#post220941)
والله يابو عمر مالمسؤل اعلم من السائل
لكن تذكرت حاجه
الحداء مامر عليك وحنا مبطين عن الحداء
ماسمعنا له طاري لكن العود قام يحداء
إجابتي حسب عرفي وانا ما دري يمكن غلط
تحيتي



حد عرفي أن الفريد لم يسرح مع الأبل

ولم يسقيها على الماء ويصغر أي كون

ومن هذا الباب لم أتوقع أنه يجيد

نظم الحداء وماأعرفه عنه أنه رجل

صادق وسوف يجيب بصراحه

أنتظره ليفرق الخلاف بيننا
بن سدحان
13-06-11, 10:30 PM
حقيقة حلوه منك ..

ابوعبدالعزيز لاااااااااازم يسجل موقف

ماعنده وقت

يحفظك ربي
نواف بن هلال
13-06-11, 10:39 PM
صح لسانك يابو عبد العزيز على هالحداء القصير المروبع وهاذا طرق اهل الششمال بالغالب على نفس الطرق مشكور
على كل شئ وجعلك ذخر ومنك نتعلم يابو عبد العزيز ...وطلبك على البال
خلف الفريد
13-06-11, 10:46 PM
الاحبه....
ابو حمد
مرورك اسعدني لاهنت ولا تقول لي انك ما اكلتها !!!!ههههههههههههههههههههههه هههه
____________________
ميس
اعيش ولا اكل غيرها !!!! وش هو عقبه ههههههههههه
اسعدني وابهجني مرورك هنا وهناك ولولا وعدي وطلبك ماوضعت هذه البويتات من باب
المداعبه والفرفشه مع الشباب ...
صح بدنك لاعدمتك
خلف الفريد
13-06-11, 10:53 PM
ابو فيصل هلا
صح بدنك وسلمت لاخيك وتشوف هالمسلم مايترك طبعه !!!!
ابن جضعان!!
بدل صح لسانك وسلمت يمينك يالعود و و و و
نفعك لي تفتح عليّ الابواب :159: الله يهديك
وبعدين انتما شاعرين كبيرين جدا ولا تعرفون البحر هذا ؟؟! معقول !!!
هذا يا اخوان هو بحر (( المخولف)) نسبة الى العود ههههههه
واسالوا نواف بن هلال :012:
تحياتي لكم
خلف الفريد
13-06-11, 10:59 PM
الغالين ....
******
بن سدحان
وانت صاحب المواقف الجميله الرائعه وهذه تزكية مشكوره
لاعدمتك
___________

ابو وافي
صح بدنك وسلمت لاخيك
مرورك رائع ومداخلتك اروع لكن الربع مشتهيني على ماقيل ههههههههههه
تقول وتفعل وبانتظار جديدك لاهان راسك
تحياتي
منصور الوسوس
13-06-11, 11:20 PM
صح لسانك عندليب المجالس
والشكر موصول لمن استثار قريحتك الشعريه
تقبل وافر التقدير
الجديد
14-06-11, 12:23 AM
عندليب المجالس . أبو عبدالعزيز . صح لسانك . تعيش وتاكل غيرها .....
شكرا على الإطراء الجديد لاعدمناك .تقبل مروري
ابـن مـطـيـع
14-06-11, 10:35 AM
ههههههههههههههههههههههههه
تعيش وتاكل غيرهاهههههههههه
صح الله السانك ابو عبد العزيز
جميل وجودك وجميل ماكتبت تقبل مروري وخالص محبتي
خلف الفريد
14-06-11, 10:02 PM
الاحبه ...
ابو يارا
ابو فايز
المشعل

مروركم اسعدني وابهجني حتى لو اكلناها ههههههههههه
واللي بالعمر يمر:079:
اشكركم على هذا الحضور الجميل من اهل الوفاء
لاعدمتكم
فالح السدحان
15-06-11, 12:10 AM
هلا ابوعبدالعزيز
صح لسانك وتعيش على العز وطولة العمر ان شاء الله
وأحلى إكتشاف (بحر المخولف) ههههههههههههههه

إنجز نبي نوزع زمزم بمناسبة فوز حبيبنا أردوغان
ابن منصور
15-06-11, 12:17 AM
ابو عبدالعزيز

صح اللسانك وعتلى شانك
خلف الفريد
15-06-11, 04:35 PM
ابو محمد
ههههههههههههههههههههههه
هلا مليون
ودي اسألك ارسلت برقية تهنئه لفخامة الرئيس اردوغان ما سمعت عنها !!!
لكن اظن المشكله الترجمه يمكن قروها بالاخبار ولا انتبهتم :096:
خلك والم لابد من زيارة الريس وتهنئة بالفوز ومواقفه العروبيه هههههههههههه
لاعدمتك
خلف الفريد
15-06-11, 04:38 PM
ابو منصور
صح بدنك وسلمت لاخيك
لاعدمتك