?> يازين هاك الايام....نايف بن مياس [الأرشيف] - مجالس الفرده
المساعد الشخصي الرقمي

مشاهدة النسخة كاملة : يازين هاك الايام....نايف بن مياس

نايف بن مياس..
26-05-11, 12:23 PM
السلام عليكم ورحمة الله وبركاته
السالفه اتفقنا على طلعة مقناص يوم الاثنين الفجر
اخوياي تاخرو وانا طلعت قبل الاذان وصلت الفجر حول منطقة المقناص وبديت ادوج الارض وعره وفيه مكان ذابحين فيه قبل مده
مريته اتذكر اول ماتعديت المكان هبت عجاجه من جهت الجنوب قمت ادوج بالشغايا اللي تذري عن العج دخلت شغيه قريبه من مكان ذبحتنا الاوله واطيح على جره ماسحها العج مخطات بسيطه ماهي واضحه
وانادي اخوياي كانو جايين ونبدا نفر المنطقه ويناديني واحد من اخوياي قال تعال عندي جديده والعج قوي خمس دقايق يمسحها

http://www.up.albreah.com/uploads/images2/albreah-595946f815.jpg (http://www.albreah.com/vb)



واتقدم مع الشغيه واحصل الجره هذي

http://www.up.albreah.com/uploads/images2/albreah-2784661817.jpg (http://www.albreah.com/vb)



واتقدم شوي ويركز جهام عساني ما افقده

http://www.up.albreah.com/uploads/images2/albreah-d0af1a4486.jpg (http://www.albreah.com/vb)

وهي تقبع مثل القنبله من هالقشعه

http://www.up.albreah.com/uploads/images2/albreah-78e2854b7b.jpg (http://www.albreah.com/vb)



ويطلع جهام عليها ويروح هو وياها مسافه ونخفيهن ورى رجم والارض وعره واروح ادور طريق يوديني باتجاهن وانزل مع شعيب طلح باتجاهن لاني اشوف الطير جاي ناطحني وناطح الهوى مرتفع قلت للعيال الطير جاي وش السالفه التفت للحبارى قدامه ويزل عليه عقاب حنا الساعه وحده الظهر بس الجو بارد واسوق مع الحبارى وهو يتطاق مع العقاب
وانادي على العيال ارمو العقاب انا خايف الحبارى تضيع ويروحون جهته ويرتفع العقاب ويهرب انا والحبارى مسافه عنهم قالوا ترى الطير اطلب يمك والعقاب راح
ويلحق ما شاء الله ويضربها بالجو ويكسر جناحها وتضرب على الارض وينزل عليها واعزلها وتاخذ معنا شوي وتموت ونذكيها الحمدلله
صوره بعد ماماتت

http://www.up.albreah.com/uploads/images2/albreah-115e051b79.jpg (http://www.albreah.com/vb)


للمعلوميه التقرير كنت ناشره سابقا بمنتدى البريه بمعرفي صقار الاسياح
علي الجضعان
26-05-11, 01:30 PM
تكفى لاتذبحني بالبر تراي ماتحمل

الجره والشغايا

بس شوف الرياض الخضر

ربيع قلبي

تسلم ع الأضافه

تقبل مروري
فهد الطميشاء
26-05-11, 01:44 PM
بارك الله فيك يا ابن مياس
والصيد عشق
صور جميلة وتعليق أجمل
كل الشكر والتقدير لك
ماجد المطيع
26-05-11, 02:20 PM
صايد وفايد يابن مياس
صوره رائع وجميلة
مقانيص رائعه نتمناها لك
تقبل مروري لك........
نايف بن مياس..
26-05-11, 02:35 PM
اقتباس:
المشاركة الأصلية كتبت بواسطة علي الجضعان http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=218293#post218293)
تكفى لاتذبحني بالبر تراي ماتحمل

الجره والشغايا

بس شوف الرياض الخضر

ربيع قلبي

تسلم ع الأضافه

تقبل مروري



هلابك يا علي ااااه والله اني فاقد الوناسه من نهاية المقناص عسى الله يجيب سهيل والسيل
نايف بن مياس..
26-05-11, 02:42 PM
اقتباس:
المشاركة الأصلية كتبت بواسطة فهد الطميشاء http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=218297#post218297)
بارك الله فيك يا ابن مياس
والصيد عشق
صور جميلة وتعليق أجمل
كل الشكر والتقدير لك



لك الف شكر على المرور
سبع الغداري
28-05-11, 12:40 PM
هلا ابن مياس تسلم ويسلم جهام
صورة حلوه ومهد حلو
وسع صدرك يجيك الخير انشالله
وتشوف لمع البروق والوسم والصيد
صقرنجد
31-05-11, 08:10 PM
ابن مياس يعطيك العافيه بيض الله وجهك
صايد وفايد
اتمنى تتحفنا بكل مالديك من مقانيص

تقبل مروري،،،
نايف بن مياس..
05-06-11, 04:31 PM
اخواني واحد واحد لكم الشكر على المرور
عبدالله حمد الفريدي
05-06-11, 06:59 PM
تسلم اخوي نايف على الاضافه الجميله والمشوقه ويسلملك جهام ان شاء الله ... لاهنت
نايف بن مياس..
08-06-11, 03:38 AM
اقتباس:
المشاركة الأصلية كتبت بواسطة ابوحمد http://www.alfredah.net/forum/elfarda/images/buttons/viewpost.gif (http://www.alfredah.net/forum/showthread.php?p=219819#post219819)
تسلم اخوي نايف على الاضافه الجميله والمشوقه ويسلملك جهام ان شاء الله ... لاهنت


الله يسلمك الف شكر