مشاهدة النسخة كاملة : الــــجــــادل . . !
مقبل بن نمران
04-07-07, 11:11 AM
الاملح الليل والمذن ومحرابه = ياكثر مابينهن ولّع مشاهيبه
مانيب يم الهجاد ولابي طلابه = لاكن جاني على غفلة معازيبه
واقلق سبات الغرام وثوّر ركابه = وقفّا عليهن تومّي به مشاعيبه
هوا هوا الجادل الرعبوب وإعجابه = اللي عليها وسام الحسن والطيبه
كن الزمن عوّد لغارات ونهابه = شوفي بعيني وراها يوم تومي به
قلب ٍ نزح عن هوا العشاق وترابه = اليوم في خرجها تودّيه وتجيبه
من سحرها صار بين اوسط وسبابه = نوب ٍ تدله طريق ونوب تغوي به
متبعثره جامحه واحيان تتشابه = ياحلو بعثرته ويازين ترتيبه
ويابري حالي على تسلهامة اهدابه = كني طريد ٍ برمشينه يثاري به
دام الغنج فيه مبطي تزهر اعشابه = وش عذره اللي عليه احفى عراقيبه !!
حلو النبا وش نباه إويش عنابه = اشهد لو يقابل اقسى قلب يصطي به
كنه ليا مر تشكي منّه ثيابه = ماتحتمل هالترف والملح تمشي به
مغري إن جاه النسيم وصار برحابه = يبقى على هيئته حوله ويجري به
تزهر خطاويه لا والله وترعى به = إبل ٍ لها حول مر الوقت تسريبه
يرزم عليها خفوق ٍ ناحت اقطابه = ويشره عليها ليا دارت دواليبه
ماردني عنها بعده ولا انسابه = ولا ردني مال حتى اقوم واصخي به
ولا ردني عنها السلطان وحجابه = إلا دروب الخطا والزيف والريبه
لاني تورثت مجد شيوخ وذيابه = يطول وقت القسا مابيع واشري به
ارسي عمد هيبته واوثق اطنابه = واشب ناره على عيطا واماريبه
هو زادي اللي ليا غيري تنحّا به = شيدت قافي عليه وقمت اغنّي به
والجادل اللي عليه الحسن متشابه = الجارف الغض عنق الريم والهيبه
يبطي كياني مالوح له على بابه = ويبطي فوادي تساعر به محاديبه[/frame]
ابن منيديل
04-07-07, 11:25 AM
1
حجز فــــاخــــــر
ابن منيديل
04-07-07, 11:31 AM
اخي مقبل بن علي بن نمران
من حسن حظي ان كل قصيدة تنزلها هنا في مجالس الشعر اكون متواجد صدفة ولله الحمد
(( حظي طيب ))
كن الزمن عـود لغـارات ونهابـه = شوفي بعيني وراهـا يـوم توميبـه
صح لسانك ، واحساسك ابدعت ولامست احساسنا
متبعثره جامحـه وأحيـان تتشابـه = ياحلـو بعثرتـه ويازيـن ترتيـبـه
وياحلو ترتيب قصيدتك ابو ياسر ، لله درك ياعقيد القصيد
ويابري حالي على تسلهامة أهدابـه = كنـي طريـدٍ برمشينـه يثاريـبـه
دام الغنج فيه مبطي تزهر أعشابـه = وش عذره اللي عليه أحفأ عراقيبه !!
بيتين ولااروع
ماردنـي عنهـا بعـده ولا أنسابـه = ولا ردني مال حتى أقوم وأصخيبـه
ولا ردني عنها السلطـان وحجابـه = إلا دروب الخطأ والزيـف والريبـه
لأني تورثت مجـد شيـوخ وذيابـه = يطول وقت القسأ مأبيـع وأشريبـه
لك سلامي يليه تحية عسكرية مع الوقوف استعدادآ وتأهبآ وإجلالآ لشموخك ولمجدك الذي
لم ولن تبيعه او تشريه
ابو ياسر سؤالي هل تعلم اني معجب واقولها امام الملاء بشاعريتك
والسبب؟
لانك تلامس وجداننا ايها الشاعر وناظم الكلمة وجعلها درر تتناثر هنا في مجالس ربعك
وتهديها لهم دون مقابل ( اعجز عن التعبير اكثر من كذا)
تقبل الف تحية ، ، تقبل اعجابي بهذه القصيدة الجميلة ،، تقبل ودي الخالص لك انت بالذات
والسلام خير الختام
مقبل بن نمران
04-07-07, 01:16 PM
ابن منيديل
بمداد من ذهب تكتب مرورك . . شموخك . . مشاعرك
لحجز فــــاخــــــر
كعادتك سباق و ماذا بعد إعذرني . . . الكثير
لوسامك الثاني
وأنا الأطيب حظاً بين ربعي وعلى وهج كلماتهم وطيب مشاعرهم
أشكر لك يابو تركي ماتفضلت به وسلم الله لنا هذا الجبين النير والمداد المتميز
وكل اللي عند أخوكم ملك لعيال راشد ليس في مجالسهم العنكبوتيه فقط
ولكن حتى في محافلهم وإجتماعاتهم ومواقفهم المشرفة
والمقابل إفتخاري بهم . . شوفتهم . . والسلام عليهم وهذا هو المكسب الحقيقي
شكري ومحبتي وتقديري
فهد بن سعد بن هذيل
04-07-07, 01:54 PM
اخوي مقبل صح لسانك على هذه القصيده
الاكثر من رائعه
والله يعطيك العافيه
وتقبل مروري
خلف الفريد
04-07-07, 02:20 PM
بسم الله
توقفي وليس مروري
( فخر واعجاب)
لك اصدق دعواتي!!!!
منصور الوسوس
04-07-07, 02:29 PM
لأني تورثت مجـد شيـوخ وذيابـه=يطول وقت القسأ مأبيـع وأشريبـه
ونعم يبن العم بيض الله وجهك
مقبل بن نمران صح لسانك
جزالة في المعنى وقوة في المبنى
لايسعني الا الوقوف لك احتراما على هذه المقطوعة الادبية الجميلة
لك باااااقات من الكادي ونتمنى ان تتحفنا بالجديد
صح لسانك وعاشت ودامت ايامك ايها المبدع
ضيف الله بن علي
04-07-07, 06:53 PM
لأني تورثت مجـد شيـوخ وذيابـه
يطول وقت القسأ مأبيـع وأشريبـه
أرسي عمد هيبتـه وأوثـق أطنابـه
وأشب ناره على عيطـاء وأماريبـه
هو زادي اللي ليـا غيـري تنحابـه
شيدت قافي عليـه وقمـت أغنيبـه
والجادل اللي عليه الحسـن متشابـه
الجارف الغض عنق الريم والهيبـه
يبطي كياني مالوح لـه علـى بابـه
ويبطي فؤادي تساعر بـه محاديبـه
صح لسانك أخوي وفعلا نقشتها من حجر كريم
اسجل أعجابي بهذه الرائعة
ومازلنا متذوقين ونريد المزيد من النفايس
نازف الحرف
محمد بن بــدر
04-07-07, 08:42 PM
صح لسانك
ولا تحرمنا من جديدك
مقبل بن نمران
05-07-07, 01:08 PM
فهد بن سعد بن هذيل
صح الله بدنك يالغالي
ومشكور على مرورك وجهودك المتميزه
شاكر لك إحساسك النبيل
ودمت على الخير والمحبة
مقبل بن نمران
05-07-07, 01:11 PM
خلف الفريد
دمت شامخاً كوقفاتك النيرة في مساحات مجالس ربعك السامية
شاكر ومقدر لك جهودك يالجزل
مع أصدق الأمنيات لك بالتوفيق
مقبل بن نمران
05-07-07, 01:23 PM
منصور الوسوس
ماعليك زود يالوفي
وصح الله بدنك
وهذا من طيب نبعك وطيب ذاتك
فمازالت أوسمتك تنهال علي ومازالت الحروف عاجزة لك عن التعبير
ومازلت أنتظر مصافحة يمينك كمصافحة جهودك في مجالس ربعك
ومازالت غيوم المحبة تتكثف في سماك لتمطرك محبتي وتقديري
ومازلت أتمنى لك التوفيق الدائم بإذن الله
مقبل بن نمران
05-07-07, 01:27 PM
نازف الحرف
صح الله بدنك
أشكر لك طيب تواجدك وحروفك النيرة الدالة على طيب معشرك ونخبويتك
مرورك هنا أنار متصفحي
لك صادق مودتي
مقبل بن نمران
05-07-07, 01:30 PM
رحــــــال
هلابك يأبن العم وصح الله بدنك
أشكر لك تواجدك الجميل وطلبك الواجب علي تلبيته
مع محبتي وتقديري لشخصك الكريم
م / خالد الشملان
07-07-07, 12:05 PM
مرحبا
خالي ابو ياسر الغالي
عقيد القصيد
شهادتي فيك مجروحه
وشهادتي في روعتك اخشى انها تقتل
.
يفخر القصيد بتواجد امثالك
ونفخر نحن بكما معا
.
لك الارتواء
ابن منصور
07-07-07, 01:49 PM
يعطيك العافيه
متعب بن نومان
08-07-07, 06:10 PM
اخي مقبل بن علي بن نمران
من حسن حظي ان كل قصيدة تنزلها هنا في مجالس الشعر اكون متواجد صدفة ولله الحمد
(( حظي طيب ))
كن الزمن عـود لغـارات ونهابـه = شوفي بعيني وراهـا يـوم توميبـه
صح لسانك ، واحساسك ابدعت ولامست احساسنا
متبعثره جامحـه وأحيـان تتشابـه = ياحلـو بعثرتـه ويازيـن ترتيـبـه
وياحلو ترتيب قصيدتك ابو ياسر ، لله درك ياعقيد القصيد
ويابري حالي على تسلهامة أهدابـه = كنـي طريـدٍ برمشينـه يثاريـبـه
دام الغنج فيه مبطي تزهر أعشابـه = وش عذره اللي عليه أحفأ عراقيبه !!
بيتين ولااروع
ماردنـي عنهـا بعـده ولا أنسابـه = ولا ردني مال حتى أقوم وأصخيبـه
ولا ردني عنها السلطـان وحجابـه = إلا دروب الخطأ والزيـف والريبـه
لأني تورثت مجـد شيـوخ وذيابـه = يطول وقت القسأ مأبيـع وأشريبـه
لك سلامي يليه تحية عسكرية مع الوقوف استعدادآ وتأهبآ وإجلالآ لشموخك ولمجدك الذي
لم ولن تبيعه او تشريه
ابو ياسر سؤالي هل تعلم اني معجب واقولها امام الملاء بشاعريتك
والسبب؟
لانك تلامس وجداننا ايها الشاعر وناظم الكلمة وجعلها درر تتناثر هنا في مجالس ربعك
وتهديها لهم دون مقابل ( اعجز عن التعبير اكثر من كذا)
تقبل الف تحية ، ، تقبل اعجابي بهذه القصيدة الجميلة ،، تقبل ودي الخالص لك انت بالذات
والسلام خير الختام
:(
صح السانك
مقبل بن نمران
09-07-07, 12:02 PM
خالد الشملان
حياك الله يالبناخي ودام نبضك وتواجدك الجميل
أعتز بك . . بشهادتك . . بمرورك
دمت بعون الله وتوفيقه
مقبل بن نمران
09-07-07, 12:04 PM
محمد الفريدي
الله يعافيك وتسلم على التواجد في مجلسك مجلس ربعك
ودمت على الخير والمحبه
مقبل بن نمران
09-07-07, 12:07 PM
بقايا إنسان
حياك الله وصح بدنك يالغالي
ودمت نبضاً وقنديلاً يضيء مجالس ربعك على الخير والمحبه
لك شكري وتقديري
عبد العزيز بن نمران
09-08-07, 03:36 PM
الاملـح الليـل والمـذن ومحرابـه
ياكثـر مابينهـن ولـع مشاهيـبـه
مانيب يـم الهجـاد ولابـي طلابـه
لاكن جانـي علـى غفلـة معازيبـه
وأقلق سبات الغـرام وثـور ركابـه
وقفـى عليهـن توميبـه مشاعيبـه
قالوها كثير : الكتاب يبان من عنوانه<<<<<...........................
مقدمة تفتخر وتعتز... بما سيأتي بعدها وشاعر شهادتي فيه......
م ج ر و حــــــــه
والسبب معروف ,,,,,,,,,,,,,,,,,,,,,,,
غازي الفريدي
09-08-07, 08:02 PM
مقبل يقبل الشعر حين يقبل
مشكور على هذه القصيدة
ولا غرابه من شاعراٍ يملك الصلابة
عبدالله بن غنام
10-08-07, 07:25 AM
.
.
.
لأني تورثت مجد شيوخ وذيابه = يطول وقت القسأ مأبيع وأشريبه
أرسي عمد هيبته وأوثق أطنابه = وأشب ناره على عيطاء وأماريبه
هو زادي اللي ليا غيري تنحابه = شيدت قافي عليه وقمت أغنيبه
والجادل اللي عليه الحسن متشابه = الجارف الغض عنق الريم والهيبه
يبطي كياني مالوح له على بابه = ويبطي فؤادي تساعر به محاديبه
كفو... كفو .....يابو ياسر
وسبعين نعم
على هالنظرة وعلى هالرأي وعلى هالمذهب الطيب
وصح لسانك مليون على هالرائعة
فارس الحرف
10-08-07, 05:53 PM
حلو النبأ وش نباه إويش عنابه = أشهد لو يقابل أقسى جلف يصطيبه
الشاعر المبدع مقبل بن نمران
اعتذر منك حيث احس اني تاخرت في الرد..
اقتبست هذا البيت ليس لانه اعجبني فقصيدتك كل مفرده فيها تشد وتعجب... ولكن لانه يوضح صورة التأثير للنبأ الحلو ... والذي تعودناه من شخصك الكريم بقرائتنا لقصائدك.. صدقني عند قرائتي لقصيدك احسست بأني ابحرت على زورق صغير في بحر مفتوح امواجه هادئه وكل موجه تنقلني للاخرى بهدوء وسلاسه.
قصيدتك تشبه المعلقات .. حيث احتوت الغزل والوصف والفخر و....... الخ . قصيدك تحتاج الى قراءة متأنيه
سوف احاول قرائتها بطريقتي الخاصه وارسل لك على الخاص... لأنه ماخلى لنا ابن منيديل شيء وفا وكفا.
تقبل مروري
فارس الحرف
علي الجضعان
10-08-07, 06:24 PM
أخوي مقبل: أولا آسف على التأخير جداً آسف
ابن نمران أش هالابداع تصدق أني سرحت معها
وصرت ألحنها بصوت عالي بصراحه انا رفعتك عميد
مااقول ألا لاتحرمنا من ابداعك بنتظار جديدك يامبدع
بصراحه طارت الطيور برزاقها:: تآخرت واخذوا
الكلام الحلو من حجز ابن منيديل الا.......
تفبل مروري ياحيي
أبو عبدالملك
15-08-07, 01:31 AM
صح لسانك
ومبروك ياشاعر المليون
http://www.m5zn.com/uploads/cef1ce4662.gif
نتمنى فوزك
وفالك الميون .[/CENTER][/CENTER]
ابوبندر
16-08-07, 06:24 PM
صح لسانك وبدنك اخوي مقبل
تسجيل الاعجاب قليل في حق هذه الدرر النفيسه
اللي غابني اني تو ني اشوفها
وجاي اسجل الاعجاب تالي القوم
وانا سامع عنها من مده
مقبل بن نمران
18-08-07, 10:01 AM
عبدالعزيز بن نمران
شكري وتقديري لتواجدك ودررك وإعجابك
رائع حينما تمر ورائع حينما تسجل مرورك
دعواتي ومحبتي
مقبل بن نمران
18-08-07, 10:03 AM
غازي الفريدي
تسلم يالغالي و تبقى دوم بالوجود
أشكر لك طيب تواجدك
مع محبتي وتقديري
مقبل بن نمران
18-08-07, 10:06 AM
أبو عزام
ماعليك زود يالغالي وجعلك بالوجود
أشكر لك روعتك في الرد والقراءة الأدبية الرائعة
مع صادق محبتي وتقديري
مقبل بن نمران
18-08-07, 10:08 AM
فارس الحرف
تسلم وصح الله بدنك وتواجدك أنار متصفحي
وردك جزل يالجزل وماعليك زود
وأنا دوماً بإنتظارك على الخير والمحبة
مقبل بن نمران
18-08-07, 10:12 AM
علي الجضعان
تواجدك جميل دائماً أشكرك عليه
وصح الله بدنك
أعتز بك دوماً يابو عمر
مع خالص محبتي وتقديري
مقبل بن نمران
18-08-07, 10:14 AM
ابو عبدالملك
تسلم والله يبارك فيك وعقبال المرحلة القادمة إن شاء الله
صح بدنك يالغالي
ودمت على الخير والمحبة
مقبل بن نمران
18-08-07, 10:16 AM
أبو بندر
تسلم يالذيب وصح الله بدنك
وأنت من أول القوم دائم يابو بندر
أشكرك على دررك وتواجدك
مع محبتي وتقديري
مقبل بن نمران
قصيدة رائعة جدا صح لسانك يامدرسة الشعر
مقبل بن نمران
25-08-07, 08:44 AM
البارق
صح الله لسان يابارق الوفاء والمحبة
شاكر لك تواجدك الطيب ومقدر لك كل جهودك
دمت بكل محبة وتقدير
فهد الشملان
26-08-07, 01:40 PM
أمآآمـ نسج الح ــروف وروع ــة الوصـف
ووضع ــكـ لنآآ في قلبـ قصيدتكـ
لا تع ــليق
دمت بإبدآآع ــكـ المشهود
ودي ووردي
مقبل بن نمران
28-08-07, 10:50 AM
فهد الشملان
شكري وتقديري لك
تواجدك مميز وحروفك رائعة ويانعة
وعلى الخير والمحبة نلتقي
ابو خالد الشملان
30-08-07, 12:07 PM
الخال ابو ياسر ....
لقد قرأت ما لفظه لسانك وسطرته اناملك ....
فلم اجد ما اقوله لك سوا ( صح لسانك ) والى مزيداً من الشاعريه التي تثري بها محبيك ....
وإلى الامام ...
مع تحياتي ............ أبو خــــــــــالد ................
مقبل بن نمران
01-09-07, 10:36 AM
الإستاذ الفاضل / أبو خالد
شكري ومحبتي وتقديري لتواجدك الرائع . . . الشامخ والمحفز أيضاً
أسعدني قبل تواجدك هنا تواجد في المجالس
كتعادتك دائماً تواكب ركب التنوير والإصلاح
وعلى الخير والمحبة نلتقي
vBulletin® v3.8.7, Copyright ©2000-2026, TranZ by Almuhajir