?> شيخ ضيده .... [الأرشيف] - مجالس الفرده
المساعد الشخصي الرقمي

مشاهدة النسخة كاملة : شيخ ضيده ....

خلف الفريد
04-05-11, 03:48 PM
الشيخ ابو سطام
شلاح بن متعب بن حماد حفظه الله
من خيرة الرجال اخلاقا وادبا وكرما وتواضعا ..
له عندي منزلة خاصة هو يعلمها لاعدمته ..
وهذا اليوم وجدت كلمات لابنه البار ذعار ، كلمات تـنضح حبا ووفاء وبرا ,,,
هيجني ذلك واشجاني فكانت هذه الكلمات المتواضعه :





تبا الحقيقه يابن حماد ياذعار=ابوك وجدّك مجدهم وارثينه
ذي شجرة الحماد دايم لها اثمار=الاصل ثابت والمنابت ثمينه
سربة شيوخٍ لاذكرناهم اخيار=روس القبيله والقبيله حصينه
قبيلتي يامنجم ابطال واحرار=اللي ظهر في نجد والا المدينه
وعندي لبو سطام حشمه ومقدار=شيخٍ بضيده كلنا عارفينه
وانته وفي و تمدح الوالد البار=الله على الطاعه يطوّل سنينه
عظم العرب ويقولها حبّ واقرار=ومجد القبيله شامةٍ في جبينه
منصور الوسوس
04-05-11, 04:47 PM
صح لسانك عندليب المجالس
ونعم بأبو سطام يستاهل الثناء والاشادة
كل الشكر لك عظم الفرده لاهنت
تقبل وافر التقدير
ابـن مـطـيـع
04-05-11, 05:00 PM
صح السانك ابو عبد العزيز عندليب المجالس
على القصيده الرائعه ويستاهل ابو سطام كل خير
تقبل مروري لك
غازى بن عجاب أبوزوايد
04-05-11, 05:07 PM
اخوى الكبير بقدره
خلف بن محمد بن عتّاق الفريد
ذي شجرة الحماد دايم لها اثمار
الاصل ثابت والمنابـت ثمينـه
نعم وبهم نفتخر وأنت صح لسانك قلت
فأجدت القول وعاداتك الوفاء اباعبدالعزيز
تحيتي
علي الجضعان
04-05-11, 05:40 PM
صح لسانك ابا عبدالعزيز قصيده

أقل شئ يقال عنها جزله ومشاعرصادقه

أتجاه القبيله ومهما قلنا بحق القبيله فهو


نقطه في بحر


يستاهل ابو سطام هذا الرجل الذي

جميع أفراد القبيله تكن له الاحترام

والتقدير
الريم الشمالي
04-05-11, 05:57 PM
صح لسانك ياذيب
ونعم وعشرة انعام فيكم جميعا
تحياتناالأخويه
غازي الفريدي
04-05-11, 06:40 PM
صح السان شاعرنا الفذ

شاعر محب لقبيلته

شاعر متواضع بكل الصفات

شاعر يكتب عن المواقف

شاعر يواكب الحدث

هو شاعرنا صاحب
الاسم الامع

خلف الفريد لاعدمته
نايف بن مياس..
04-05-11, 07:29 PM
صح لساانك مبدع كالعاده
خلف الفريد
04-05-11, 09:41 PM
ايها الكبار
في مروركم وشعوركم وثقتكم ....
الاوفياء حد الكمال الصادقون حتى الاخلاص ....
اشكركم على هذه المشاعر الطيبه اولا تجاه ابو سطام ثم تجاه هذه الكلمات ...
هكذا يكون التفاعل مع كل كلمة او جملة تجمل المجالس وتكرم شيوخ القبيله واعيانها ...
لكم تحياتي وتقديري
لاعدمتكم
ذعار بن حماد
04-05-11, 09:45 PM
شاعرنا الغالي خلف الفريد (عظم العرب ) صح لسانك
وماقصرت وبيض الله وجهك على هذه المشاعر النبيله
الغير مستغربه فا أنتم اهل لذلك وتقبل من هذه الهديه
المتواضعه والمستعجله

عظم العرب كفيت واوفيت باشعار
مشاعر داخل ظميرك خزينه
فيك الوفا ثابت مع الوقت ما دار
ماهو جديد ومن قبل عارفينه
يا الشاعر البيطار من در تختار
جواهر في وسط بحرك ثمينه
واولاد راشد عز للضيف والجار
اهل الكرم و الفعول المتينه

ولك فائق التحيه والتقدير
خلف الفريد
04-05-11, 10:54 PM
اقتباس:
المشاركة الأصلية كتبت بواسطة ذعار بن حماد http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=215037#post215037)
شاعرنا الغالي خلف الفريد (عظم العرب ) صح لسانك
وماقصرت وبيض الله وجهك على هذه المشاعر النبيله
الغير مستغربه فا أنتم اهل لذلك وتقبل من هذه الهديه
المتواضعه والمستعجله

عظم العرب كفيت واوفيت باشعار
مشاعر داخل ظميرك خزينه
فيك الوفا ثابت مع الوقت ما دار
ماهو جديد ومن قبل عارفينه
يا الشاعر البيطار من در تختار
جواهر في وسط بحرك ثمينه
واولاد راشد عز للضيف والجار
اهل الكرم و الفعول المتينه

ولك فائق التحيه والتقدير




خيار الرجال اللي مضامينها خيار=بشرح المشاعر مايقولون زينه
ودايم لهم طبع الوفا نهج وشعار=وصب الذهب ماهو مثل صب صينه
وانته ولد شلاح شاعر وبيطار=وانا مثل ديان واشتال دينه
ومشاعري ياعزوتي سر وجهار=لشيوخنا مثل الجبال الرصينه
الجديد
04-05-11, 11:20 PM
تبا الحقيقه يابن حماد ياذعار ** ابوك وجدك مجدهم وارثينه
_________________________________________
ابوعبدالعزيز عندليب المجالس صح لسانك ونعم بالمادح والممدوح
عبدالله حمد الفريدي
05-05-11, 12:16 AM
ابو عبدالعزيز
صح لسانك ويستاهلون الحماد المدح
وانته ماتهون
وصح لسان الشيخ الشاعر ذعار بن حماد
على الرد الوفي. تستاهل ابوعبدالعزيز
نايف بن مياس..
05-05-11, 02:33 AM
صح لسااانك ويستاهل ابو سطام
المشتاق
05-05-11, 03:31 AM
خلف بن محمد بن عتّاق الفريد
ذي شجرة الحماد دايم لها اثمار
الاصل ثابت والمنابـت ثمينـه
نعم وبهم نفتخر وأنت صح لسانك
أبو وسيم
05-05-11, 11:15 AM
صح لسانك ابو عبدالعزيز

ويستاهل ابو سطام هذا المدح

شاعر وافي ولك بصمة بكل مناسبة

تقبل تحياتي
ماجد المطيع
05-05-11, 04:25 PM
ابن عتاق
اجدت وبدعت بأبداعا منقطع النظير
بمشاعرٍ اتت بكل مصداقية
اتجاه والد الجميع " يستاهل ابو سطام"
خلف الفريد
06-05-11, 02:03 AM
احبابي
اشكركم على هذه المشاعر الفياضه والثقة الكبيره ...
مروركم وشعوركم تاج على الرأس ...
لاعدمتكم