?> جرح الاهانه ..... [الأرشيف] - مجالس الفرده
المساعد الشخصي الرقمي

مشاهدة النسخة كاملة : جرح الاهانه .....

خلف الفريد
02-05-11, 11:17 AM
مايجرح الانسان مثل الاهانه=ان جته من شخصٍ يعزه ويغليه
لو هي كبيره يعتبرها ميانه=مايدري ان القهر توجع مكاويه
والمشكله لاصار صعبٍ مكانه=وليا خسرته ماتحصل ملاديه
واحيان تاتيك الخطيه لعانه=من واحدٍ دوبه يحرك علابيه
خبلٍ كثير المال حوله بطانه=تطغيه واللي عنده المال يطغيه
لاصفقوا له صار عنتر زمانه=ومن عادة الطاووس يفرد جناحيه
ولو ان ماله بين الارقام خانه=يشوف نفسه فوق كل المشاريه
وعلى ضعيف القوم مابه ليانه=وعند القوي يرخي اذانيه ويديه
والا الذي دايم يلوّخ لسانه=ثورٍ مغمّم يدّرج دون توجيه
اليا نصحته جاك زايد جنانه=حتى حبوب التهديه ماتهدّيه
ان ماكبح بين الحضور اجمحانه=ودك على مقرن حجاجيه تعطيه
والادمي قالوا لسانه حصانه= اما جلب له خير والا يدهويه
نايف بن مياس..
02-05-11, 12:10 PM
صح لساااااانك...قصيده رائعه من رائع
أبو وسيم
02-05-11, 12:17 PM
صح لسانك ياعندليب المجالس على هذه القصيدة

شاعر كبير وبالشعر جزل

دمت بالوجود
هابس العلوي
02-05-11, 02:41 PM
مــن واحـــدٍ دوبـــه يـحــرك عـلابـيـه


صح لساانك واعتلى شااانك اخي خلف تقبل مروري وشعوري .......
عبدالله حمد الفريدي
02-05-11, 06:00 PM
ولو ان ماله بين الارقام خانه
......... يشوف نفسه فوق كل المشاريه

صح لسانك مليون ابو عبدالعزيز
ولاعدمناك
غازى بن عجاب أبوزوايد
02-05-11, 09:51 PM
لايستغرب الابداع من أصحابه
فأنت من عودتنا على قراءة الجزل مماتقول
لايسعني سوى قول صح لسانك مليون ولايكفون
دمت مبدعاً أخوى الكبيربقدره خلف بن عتّاق ولاهنت
تحيتي
الريم الشمالي
03-05-11, 12:13 AM
صح لساااااااااااااااااااانوه

مــن واحـــدٍ دوبـــه يـحــرك عـلابـيـه يمكن فيه واحد دوبه يحرك علابيه وجعان موشرط كل من صار كذا صارخبل تحاول تنقد <<<<ياحياة الشقى
ابيات تلامس القلوب لكن ماهيب غريبه منه هاالجزله

تحياتنا الأخويه
خلف الفريد
03-05-11, 01:13 AM
الاوفياء

نايف
ابو وسيم
ابو عبد الله
ابو حمد
ابو فيصل
الريم الشمالي

مروركم وشعوركم اثلج الصدر وسر العين ...
تعودت هذا منكم فلكم مني جزيل الشكر والامتنان ...
صحت ابدانكم وسلمت اناملكم
لاعدمتكم
شموع التفائل
03-05-11, 07:08 AM
هذه القصيده اذكرتني بقول الشاعر عبدالله المفضلي
يلعنك يالحاجه تهينين الأحرار
وتعظّمين اللاش لوهو دجاجه
اللاش ولد اللاش بيطار الأعذار
وجه الفلس يلبس من الكبر تاجه
مطالب الأخيار بيدين الأشرار
هذي تصاريف الزمن واعوجاجه
صح لسانك واشكرك يالعزوه على احياء ديوانيتنا الخاصه
اسجل مروري بعجابنا بطرحكم
خلف الفريد
03-05-11, 04:21 PM
اقتباس:
المشاركة الأصلية كتبت بواسطة شموع التفائل http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=214800#post214800)
هذه القصيده اذكرتني بقول الشاعر عبدالله المفضلي
يلعنك يالحاجه تهينين الأحرار
وتعظّمين اللاش لوهو دجاجه
اللاش ولد اللاش بيطار الأعذار
وجه الفلس يلبس من الكبر تاجه
مطالب الأخيار بيدين الأشرار
هذي تصاريف الزمن واعوجاجه
صح لسانك واشكرك يالعزوه على احياء ديوانيتنا الخاصه
اسجل مروري بعجابنا بطرحكم



شموع
ونعم فيك وفي الشاعر المفضلي وصح لسانه ...
استشهاد جميل ورائع بكلمات رائعه ....
لك شكري وتقديري على هذه الثقة من اهلها ...
وصح بدنك يالغاليه
ميس الريم
05-05-11, 08:23 AM
والادمـــي قــالــوا لـسـانــه حـصـانــه
امــا جـلـب لــه خـيــر والا يـدهـويـه


ما أصح لسانك
وهذه الدرر التي تخرج من فيك
سلمت وسلم رأسك
ودمت ولاهنت يا عظم العرب
ابـن مـطـيـع
05-05-11, 09:51 AM
ابو عبد العزيز
شاعر الحكمة.. ابن عتاق
لله درك هذا الواقع وهذا الحصل بهذا الزمن ......
تشرفنا في الاطلاع على القصيدة والرد عليها
ماجد المطيع
05-05-11, 04:46 PM
الـيـا نصـحـتـه جـــاك زايـــد جـنـانـه

حـتــى حـبــوب التـهـديـه مـاتـهـدّيـه


انا والله اعجبني هذ البيت


لاكن القصيدة أتت بحكم لم يتطرق لها


أي شاعر قبله


وكأن شاعرها يريد قول هكذا تتكتب القصيدة وألا فلآ


تقبل مروري يابن عتاق
منصور الوسوس
05-05-11, 11:03 PM
ان ماكبح بين الحضور اجمحانه=ودك على مقرن حجاجيه تعطيـه

صح لسانك عندليب المجالس
تضل عنوان من عناوين الابداع والحضور الراقي
قصيدة رائعة جدا
تقبل وافر التقدير
محسن الفريدي
06-05-11, 12:21 AM
صح لسانك ياعظم العرب قصيده جزله لاعدمناك
تقبل مروري وعجابي
خلف الفريد
06-05-11, 02:07 AM
الغالين
اسعدني مروركم وطيب شعوركم ...
مايعجبكم ويسركم هو مطلبي ومناي ....
وكلماتكم شهادة افتخر بها ...
لاعدمتكم
الجديد
07-05-11, 01:56 PM
والمشكله لاصار صعـبٍ مكانـه
وليا خسرته ماتحصـل ملاديـه
أبوعبدالعزيز عندليب المجالس صح لسانك وأعتلآء شآنك ملآحظه في محلها
خلف الفريد
08-05-11, 07:21 PM
ابو فايز
اقتباس يدل على ذائقة عالية وراقيه ,,,
ومرور كريم اعتز به وشهادة افخر بها
صح بدنك
لاعدمتك
نواف فارع
10-05-11, 01:57 PM
كأن النص يشكي مشاعر الجميع .


فصحت المشاعر وسلم لسان الشاعر .



ودام أبوعبدالعزيز بفكره وحقيقته ومجازه .



تحيتي وخالص تقديري .
f15
10-05-11, 03:05 PM
والادمي قالـوا لسانـه حصانـه
اما جلب له خيـر والا يدهويـه

صدقت وصح السانك
وعلى شانك


لله درك على هذه القصيدة اللتي
لا تأتي الى من شاعر متمكن
وشاعر صاحب ذائقه شعريه راقيه جدا جدا
خلف الفريد
11-05-11, 01:16 AM
الغاليين
ابو عبد السلام
ابو عابد

لكما الشكر على المرور وطيب الشعور...
مشاعر كريمه من قلوب بيضاء ...
لاعدمتكما