?> تل قلبي تل جمسٍ يحدونه خفر [الأرشيف] - مجالس الفرده

المساعد الشخصي الرقمي

مشاهدة النسخة كاملة : تل قلبي تل جمسٍ يحدونه خفر


ذعذاع الشمال
26-04-11, 02:38 PM
تل قلبي تل جمس




تل قلبي تل جمسٍ يحدونه خفر=سايقه مطنوخ راسٍ وحمله ضايمه
حدته حجات الانذال واعلومٍ قهر=وقال هاذي مرة وما الليالي بدايمه
والخوي اللي بجنبه على ضيم وصبر=الفقر حده على الشين ماني لايمه
بالثلاثه داعسٍ له مع الدرب الوعر=مايهمه ضربهم له تحدت دعايمه
ذب له مع صفح عرقٍ واوشك بالخطر=واردفه باثنين والروح منه سايمه
هف كنه شاربٍ له نبيذٍ ثم سكر=والجلد قدام عينه قوّت عزايمه
يوم وكد بالسلامه وعداه الخطر=وقف يشيك على العفش وش علايمه
شاف بنزينه كما السيل لامنه انحدر=ناشته طلقات رشاش ماجت هايمه
ون من اقصى ضميره وررد وانثبر=والخوي انهار ماتتبعه قوايمه
والديار قفار مافيه بدو ولا حضر=وكنة الجوزا عليهم سمومٍ قايمه
ونتي مثله اذا راح مسعف وانعثر=وجر وناته من القلب بروح هايمه
من هموم وسط قلبي تولع به سعر=تختلف في وردها كنها متزايمه
لابغيت اكنها غليها فيني طفر=وان بغيت اقولها خوفتني الحايمه

غازى بن عجاب أبوزوايد
26-04-11, 04:38 PM
شكراً على الاضافه وصح لسان الشاعر
وكنت اتمنى ذكر اسم صاحب القصيده
لك تحيتي

النمر الارقط
26-04-11, 11:26 PM
شكراً على الاضافه وصح لسان الشاعر

ذعذاع الشمال
27-04-11, 07:32 PM
مشكورين اخواني يابو فيصل من شان اسم الشاعر ما اعرفه

ذعذاع الشمال
27-04-11, 07:48 PM
كل الشكر والتقدير لأخي وتاااااج رأسي عبد العزيز العبلان

منصور المري
25-09-14, 10:41 AM
ارحبوووووووووووووووووو
صاحب القصيده هو انا
واشكر من اضافها ومن سأل عن الشاعر
وقد تم شيلتها من طرف المنشد عامر السهلي جزاه الله خيرا
شكرا للجميع
منصور الوذين المري

عبدالله حمد الفريدي
25-09-14, 07:35 PM
ارحبوووووووووووووووووو
صاحب القصيده هو انا
واشكر من اضافها ومن سأل عن الشاعر
وقد تم شيلتها من طرف المنشد عامر السهلي جزاه الله خيرا
شكرا للجميع
منصور الوذين المري


اهلاً بالشاعر منصور المري
سعداء بإنظمامك وعلى الرحب والسعه
شكراً على التوضيح لاهنت

عبدالعزيز العبلان
26-09-14, 01:11 AM
ارحبوووووووووووووووووو
صاحب القصيده هو انا
واشكر من اضافها ومن سأل عن الشاعر
وقد تم شيلتها من طرف المنشد عامر السهلي جزاه الله خيرا
شكرا للجميع
منصور الوذين المري

مرحبا بك يامنصور وصح لسانك على هالجزله

ولاهان ذعذاع الشمال على نقلها


وشرفنا تواجدك ونت شاعر

جديدك مطلب عند اهل الشعر

ونتمى اتحافنا به

وحياك مره اخرى يالمري بمنتدى مجالس الفرده

تقبل وافر التقدير