خلف الفريد
24-04-11, 11:01 PM
المحبين وفصول السنة والليال=والجُمل والقوافي والقصيد وهَلَه
إزعَلَوا وابعَدوا عني وضاق الخيال=واستحال آخره يا زين وانت اوله
من جفافي يشدّلك الفؤاد الرحال =واركب الصعب لعيونك وانا استسهله
ما يعيب البكا والماء لا عوّد وسال=عاذل ٍينكره لا عوّد لمنهله
غالي ٍما طلبت وهيّـن ٍما استحال=هذي معجّـلة و«سنيني» مؤجّله
سقت شعري عذر حقك تسوق الدلال=أرفع الشعر تحت أقدامك بمنزله
بعدها يا حبيبي عَدّ حب الرمال=آترجّى هدب عينك واعيد أسأله
إنه يحن لي ويضمني في وصال=تحت ظله وسلهامه وفوق اكسله
يا حبيبي أحبك بـ ألف قلب ٍ وبال=ولك ما تسكنه منها وما تشغله
والليالي بدون رضاك سود ٍثقال=ومع دفا صوتك الأيام مسترسله
صاحبك ويتعذّر يا صعيب المنال=وانت تستاهل خضوعه وتستاهله
والشعر يكتبه بين الهدى والضلال=وانت تقراه باحساسك ولا تجهله
قالوا الناس ما عقب الرماد اشتعال=قلت يا ناس يبقى النور في مشعله
صاحبي لا تناديني لبعدك تعال=غربة الماء عذابك عنه يا منهله
،،،،،،،
نايف صقر
إزعَلَوا وابعَدوا عني وضاق الخيال=واستحال آخره يا زين وانت اوله
من جفافي يشدّلك الفؤاد الرحال =واركب الصعب لعيونك وانا استسهله
ما يعيب البكا والماء لا عوّد وسال=عاذل ٍينكره لا عوّد لمنهله
غالي ٍما طلبت وهيّـن ٍما استحال=هذي معجّـلة و«سنيني» مؤجّله
سقت شعري عذر حقك تسوق الدلال=أرفع الشعر تحت أقدامك بمنزله
بعدها يا حبيبي عَدّ حب الرمال=آترجّى هدب عينك واعيد أسأله
إنه يحن لي ويضمني في وصال=تحت ظله وسلهامه وفوق اكسله
يا حبيبي أحبك بـ ألف قلب ٍ وبال=ولك ما تسكنه منها وما تشغله
والليالي بدون رضاك سود ٍثقال=ومع دفا صوتك الأيام مسترسله
صاحبك ويتعذّر يا صعيب المنال=وانت تستاهل خضوعه وتستاهله
والشعر يكتبه بين الهدى والضلال=وانت تقراه باحساسك ولا تجهله
قالوا الناس ما عقب الرماد اشتعال=قلت يا ناس يبقى النور في مشعله
صاحبي لا تناديني لبعدك تعال=غربة الماء عذابك عنه يا منهله
،،،،،،،
نايف صقر