?> هابس وابن جضعان وابو زوايد ......ورديه [الأرشيف] - مجالس الفرده
المساعد الشخصي الرقمي

مشاهدة النسخة كاملة : هابس وابن جضعان وابو زوايد ......ورديه

خلف الفريد
10-04-11, 01:35 PM
يابو عمر من لامني بالحبيّب=يعيش مايلقى وليف ٍ يودّه
اللي كلامه ياعلي رش صيّب=واليَن من النسمه بكرنيش جدّه
بيني وبينه قول حاضر وطيّب=يشدّني يمّه ويمّي يشدّه
واليا التقينا فيه خوف وتهيّب=شفت العيون السود ماشفت خدّه
لكن بتال الوقت ذهنه مغيّب=عنده ظروف ولا تبيّنت سدّه
يامسندي مثل البعيد القريّب=عجزت افرّق بين هزله وجدّه
يعيننا اللي عادته ما يخيّب=رب ٍّ كريم وكلنا تحت مدّه
يابو عمر طرد الهوى مايعيّب=ابو زوايد قبلنا الحب هدّه
سنّي بسنك مير راسي مشيّب=لو شافني هابس تعزوى بجدّه
يابو عمر بيّنت فحوى الكتيّب=قال المثل "ماتستحي منه بدّه "
غازى بن عجاب أبوزوايد
10-04-11, 08:07 PM
خوى الكبير بقدره
الشاعر خلف بن عتاق الفريد
هذى ورديه من الاعماق ابا عبدالعزيزصح لسانك
لاهنت وننتظر ابا عمر على احر من الجمرلإنه من أصحاب
الورديات وله باع طويل بهالمظمار. أعجبتني جداً قصيدتك
دائماً مبدع ابا عبدالعزيز دمت ذخراً
تحيتي
النمر الارقط
10-04-11, 08:58 PM
. أعجبتني جداً قصيدتك
دائماً مبدع ابا عبدالعزيز دمت ذخراً
تحيتي
ابـن مـطـيـع
11-04-11, 11:13 AM
صح السانك عندليب المجالس
رائع بجضورك. ورائع بشعرك. وتواجدك العطر
شاعرنا الجزل ابن عتاق استمتعنا بأبياتك الشعرية
مروري وتحيااااااااتي لك
أبو وسيم
11-04-11, 01:26 PM
صح لسانك ابو عبدالعزيز على هذه القصيدة

ونحن بانتظار شاعر الرومنسية لرد على هذه القصيدة

لك ودي وتحياتي
عبدالله حمد الفريدي
11-04-11, 01:40 PM
عاداتك ابو عبد العزيز..... قصيده جزله راااااااااقتلي
صح لسانك
وبأنتظار ابن جضعان
خلف الفريد
11-04-11, 03:05 PM
الافاضل

ابو فيصل
النمر الارقط
المشعل
ابو وسيم
ابو حمد

مروركم وتعليقكم نسائم رقيقه على وجه متصفحي ......
قد اسعدتني وانشتني هذه المشاعر الاخويه ....
ولقد لاحظت من مرّوا وفرّوا :066:
والى لقاء
ماجد المطيع
11-04-11, 06:48 PM
لله درك ابو عبد العزيز
لقد وقفت وبتسمت امام هذا النص الشعري الجميل
الذي لانستغربة من شاعر بحجم الشاعر ابن عتاق
صح السانك مليووووووووون يا ابو عبد العزيز
تقبل مروررري وسلامي لك...
الريم الشمالي
12-04-11, 02:20 PM
صح لسانك ياخلف وكثر من هالورديات
والسموحه رديت متأخره رحت احوش البهم وحلب المعزى انتضر خوياك يردون

تسحب لها كرسي وتجلس بها المتصفح تقول رومنسي هالادمي
ميس الريم
13-04-11, 01:21 PM
يامـسـنـدي مـثــل البـعـيـد الـقـريّـب
عـجـزت افــرّق بـيـن هـزلـه وجــدّه
يعينـنـا الـلـي عـادتــه مـــا يـخـيّـب
رب ٍّ كـريـم وكلـنـا تـحــت مـــدّه

اخي القدير خلف
هذه ورديه موردة وبالندى معطره
ومن نفس تنادي مسنده
تروي زروع الحب والعشق المستره

اعفني اخي خلف
مروري تحليل الابيات المورده تقبل مروري وكلماتي المعبره
خلف الفريد
13-04-11, 03:12 PM
اخي الحبيب ماجد المطيع

وهل نريد منكم الا الابتسامه والسرور ...
ماهذه المشاعر الا مجرد ابتسامات نؤنسكم بها ونضحككم ...
اشكرك على كبير ثقتك باخيك ..
لاعدمتك
خلف الفريد
13-04-11, 03:17 PM
الاخت الكريمه الريم الشمالي
يكفيني منك التواجد فلم يعهد للريم قرار وهو المتنقل بالفيافي والقفار ....
واما الرعي والحلب فهي من مهن الانبياء ....
واما الجلوس والاعجاب فما هو الا تحرير شهادة تفوق لي ووفاء منكِ...
اشكرك على تعطير متصفحي بهذه العبارات من اخت عزيزه ...
لاعدمتك
خلف الفريد
13-04-11, 03:29 PM
صاحبة قلم
ميس العزيزه
ان اجد للريم تواجد ولميسه ايضا ماهو الا تكريم وتشريف ....
الشعر مشاعر اختي الكريمه يعبر احيانا عن معاناة واخرى عن معاناة آخرين
ولست انا الا بين بين ....
مايهمني هنا هو ان اصنع البسمه واشبع النهمه واجد الاعجاب واحرك قلوب العاشقين ، والاهم من ذلك ان نزيل عن نفوسنا
روتين الحياة الممل فنضحك قليلا...
اما تواجدك ميس فليس بمستغرب واعلم كغيري ان ما يجذبك الى هنا
ماهو الا حبال الوفاء والمعزة والثقه والتشجيع لنا ....
اشكرك من الاعماق لاعدمنا وجودك وتواجدك
والى لقاء
هابس العلوي
15-04-11, 09:16 PM
صح لسااانك اخي الغالي ابو عبدالعزيز ,,,,,, ويعلم الله انني مشغول هالاياااام بقصيده شاعر الملك
بالمرقاااب وابشرك اخذت تسلسل والقيت قصيدتي وستعرض بالمرقاب مع المناطق الوسطى ولاني شرهان على الجائزه الاولي الفله بالرياض والمليون والبنوراما نبي من العشر الجوائز الفوردات هههههههه


مزوح يالربع اهم شي انها احاسيس ومشاعر شاعر جياشه ونابعه من قلب لابو متعب ولن نفيه حقه فلو عبروا شعرائنا ملايين القصائد ...... تحيااتي واحتراامااتي للجميع ,,,,,,,,,
نواف فارع
15-04-11, 10:54 PM
صح بدنك .. وأشجانك /

أبوعبدالعزيز ..


ووردية .. جميلة تستحق القراءة .

وأسأل الله أن يصلح الأحوال والظروف بينك وبين من تحب دائما ً . والجميع .


استاذنا وشاعرنا ... ولك فائق تقديرنا واحترامنا .
خلف الفريد
16-04-11, 01:27 PM
ابو عبد الله
صح بدنك الله يعطيك العافيه
شرفني مرورك وطيب شعورك ومعذور لاهنت
اما القصيده فقد تشرفت بالاطلاع عليها والتعليق وارجو لك التوفيق ....
لاعدمتك
خلف الفريد
16-04-11, 01:31 PM
ابو عبد السلام
ياهلا ومسهلا طولت الغيبه !!
وجودك وتواجدك يزيد هذا المجلس تألقا وجمالا فلا تبخل علينا ..
ولا شك انك ضمن المقصودين هنا وانت تعلم ذلك لانك من اصحاب القلوب الخضراء ..
صح بدنك وسلمت لاخيك
لاعدمتك
سهم الفريدي
17-04-11, 11:04 PM
وردية رائعة وجميلة أستمتعت بكل بيت جميل فيها

ابوعبدالعزيز الله يصبر قلبك ويجمعك بالحبيب

وصح لسانك لاهنت يا الغالي تحياتي لك .....
الجديد
18-04-11, 11:58 PM
يابو عمر بيّنت فحوى الكتيّـب 000000 قال المثل "ماتستحي منه بـدّه



صح لسانك عندليب المجالس ابو عبدالعزيز ودمت لنا مبدعا
خلف الفريد
19-04-11, 11:52 AM
السهم
ابو فايز

مروركما وكلماتكما تاج على الرأس تفخر به ابياتي ...
اشكركما من الاعماق وصحت ابدانكم
لاعدمتكما