آآآآآآآآه يامصراته !!!! [الأرشيف]

مشاهدة النسخة كاملة : آآآآآآآآه يامصراته !!!!

خلف الفريد

06-04-11, 06:32 PM

مصراته اسمٍ فيه عز ومعالي=ولها الفخر بابطالها الصامديني
يدكها المجنون دكّ الجبالي=ماكن فيها الشيخ وام الجنيني
ذياب رمحه شقّ ظهر الهلالي=وبنت الزناتي شامته بالثنيني
وحنا ورا الشاشات صمت وجدالي=كنا نتابع فلم هندي حزيني
وضعٍ تخالط فيه حرم وحلالي=والغرب يفرض حد للسلطتيني
وليا خضعت له روس كل الرجالي=قال الثمن من غلة المنتجيني*

* النفط والغاز

غازى بن عجاب أبوزوايد

06-04-11, 06:39 PM

اخوى
الكبير بقدره
الشاعر الكبير خلف بن عتاق
الآن أبي أطلق عليك إسم جديد (محمد العوني)
صح لسانك ابا عبدالعزيز ولاهنت والسؤال الآن من على
حق ومن على باطل الثوار أو الحاكم أين البيعه من شق عصى الطاعه
تقبل مرورى وتحياتي

برق الوسم

06-04-11, 06:57 PM

شاعرنا الرائع والجميل
تواجدك مع الاحداث دليل الابداع الذي يتمتع به
الشاعر الكبير خلف لله درك يا اباعبد العزيز
تقبل مروري وتحيااااااااااتي لك
بنتظار جديدك
صح الله السانك

عبدالله حمد الفريدي

06-04-11, 07:33 PM

اخوي
الاكبر مقاماً وسناً
الشاعر الجزل خلف الفريد
صح لسانك ولاهنت ولاعدمناك

النمر الارقط

06-04-11, 11:41 PM

الشاعر الكبير خلف لله درك يا اباعبد العزيز
تقبل مروري وتحيااااااااااتي لك

نايف بن مياس..

06-04-11, 11:54 PM

صح لساااااانك الاستاذ القدير / خلف الفريد قصيده مختصره وكل المقصود فيها لك الشكر

أبو وسيم

07-04-11, 02:23 PM

صح لسانك ابو عبدالعزيز على هذه القصيدة

يفخر المجالس بك وبامثالك من فحول الشعراء

دمت بالمحبة وبالوجود

خلف الفريد

07-04-11, 04:28 PM

الاجلاء

ابو فيصل
برق الوسم
ابو حمد
النمر الارقط
نايف بن مياس
ابو وسيم

اسعدني مروركم وغمرني طيب شعوركم
لاعدمتكم

ماجد المطيع

07-04-11, 05:09 PM

يدكهـا المجنـون دكّ الجبالـي
ماكن فيها الشيـخ وام الجنينـي
خلف عتاق
الشاعر الكبير الذي كم اثنينا عليه بقصائد لاترقي لمستواه
هرمٍ من أهرام الشعر النبطي
وقلعة محصنة لايدكها أي شاعر
شاعرنا العملاق كم انا محب لقصائدك من" حكم "ونصائح" ووجدانية"
وهاهوا انت تفاجينا بالقصائد السياسية
التي لاتقل روعة عن سابقتها
لك مني الشكر والاحترام

نواف فارع

07-04-11, 11:30 PM

يالقاعده لو الثمن بالريالي=نجي لو الصفنه بها دولتيني
تفكيرنا يرعى الثقه باحتمالي=ومنكم خذينا دروسنا جملتيني
فتح وحماس الناس قفى شمالي=والسيل وبله غرب غبر السنيني
لكم , وحنا , وبلنا غرب مالي=ياعايشه : حنا لكم محتميني
قولي لسيف أبوك يا هملالي=حنا قوافلنا عذاب الذهيني
من يوم هتلر عقب ( أثيتا ) يلالي=ومن قبل لا النفط الخليجي يزيني
تعطي حوافزنا جواب السؤالي=لأكبر شيوخ الخلق والدارسيني

صح كلك أبوعبدالعزيز ....

ولا تنس َ إن الغرب ألغى الطبقة الوسطى عمدا ً بعد الحرب العالمية الثانية لهذا الكلام ..

وأنت استاذ الجميع ..

تحيتي وجميل احترامي .

ابـن مـطـيـع

08-04-11, 07:44 AM

ابو عبد العزيز صح الله السانك على القصيدة
بل القصائد جميعاُ ويستمر الابداااااااااع
وابو عبد السلام صح السانك متواجد سريعاً
ما شا الله

خلف الفريد

08-04-11, 04:51 PM

الاخوة
ماجد المطيع
ابو عبد السلام
المشعل
شكرا لكم على هذه المشاعر الطيبه والغير مستغربه ...
ولاهنت نواف الابداع على هذه المجاراه الرائعه والواضحه اهدافها
ومعانيها المدفونه ...
لاعدمتكم

؛؛ فهد الفريدي ؛؛

14-04-11, 12:26 AM

القدير / خلف الفريد

صح اللساااااانك ولاهنت

وااااافيه من راس وااااافي

لاعدمتك

خلف الفريد

15-04-11, 03:50 PM

ابو مشاري
لاهنت وسلم راسك وصح لسانك ....
مرورك شرفني ..
لاعدمتك

الريم الشمالي

15-04-11, 05:36 PM

يحق لنا الانين على مصر فمصر ذات فضل بعد الله في العلم كان بلامس معلمينا ومعلماتنا من مصر
والان الحمدلله تطورناو لانحتاج الا لله سبحانه
صح لسانك مداد بلاعداد

هابس العلوي

15-04-11, 09:29 PM

صح لسانك احي ابو عبدالعزيز ,,,,,,,,,وتقبل تحياااتي ,,,,,,,

خلف الفريد

16-04-11, 01:07 PM

الاخت الريم الشمالي
تشرفت بهذا المرور الطيب والشعور الاطيب ....
ولا شك ان ارض الكنانه هي قلب العروبه ونبضها حفظها الله من كل سوء ...
لكنني هنا اختي قصدت مصراته ... المدينة الصامده برجالها وعزتها وايمانها ...
مصراته تلك المدينة الرابضه بكل شموخ واباء على سواحل البحر المتوسط
بين طرابلس الغرب وسرت ...
تلك القلعة الحصينة التي اعيت صاحب الوجه البشع , المتخلف القذافي ..
اللهم ارنا تحرير ليبيا منه ومن مرتزقته قريبا يارب ..
وشكرا لك

خلف الفريد

16-04-11, 01:09 PM

ابو عبد الله
صح بدنك وسلمت لاخيك
شكرا لك من الاعماق على هذا المرور والشعور
لاعدمتك