?> ** مال الغلا كود الحبيـب الأولـي ... والله كريـم ** [الأرشيف] - مجالس الفرده
المساعد الشخصي الرقمي

مشاهدة النسخة كاملة : ** مال الغلا كود الحبيـب الأولـي ... والله كريـم **

ابن منيديل
01-07-07, 08:49 PM
هذه قصيدة للشاعر / طلال بندر
اتمنى ان تنال اعجاب ذائقتكم الشعرية مع الشكر لكم جميعآ


مـال الغـلا كـود الحبيـب الأولـي يالمستهيـم = لو كان قلبك حب غيره ... بالخفـى ماتحقـره !
الموت بالحب القديم ... المـوت بالحـب القديـم = لامن طرى سجيت بالغالـي وأهوجـس وأذكـره
الجـادل اللـي لاذكرتـه ... قلـت والله العظيـم = مانسـاه ليـن الجسـم قبّـار المقابـر يقـبـره
يافاتنه حبك جـرى بالقلـب وعـروق الصميـم = لين أنتهى الشاعر وباب الشعـر عقبـك صكـره
تدرين بالعقـل السليـم يكـون بالجسـم السليـم = من عقبكم عقلي دمـر جسمـي ولمـه وحشـره
دام الدوى عندك ... تعال وعالج القلـب الحشيـم = أنا علاجـي شوفتـك ماهـو عـلاج الدكتـره !
مالي سوى شوف العيون اللي بها رمـشٍ عديـم = ياقلبـة الله بالعيـون النرجسـيـه ونـحـره !
لاشفتها زاد البلا ... ون غبت عنهـا مستضيـم = ياكثر ماشفت التعـب وأعـذر هواهـا وأذخـره
من أول أسمع بالمثل عنـد المقفـي والمقيـم ؟ = (( الحب لامنه نـوى قلـب المحبيـن أدمـره ))
الحب ... مثل الشاعر اللي فـي مكاتيبـة يهيـم = في كل وادي يقطف الأزهـار والقـاع .. أوعـره
وأنا ليا شفت الغـروب وهـب ذعـذاع النسيـم = أجمل بيوت الشعر في وسـط الكتـاب محضـره
ولو خيروني بالطيور اللي على الغصـن الهشيـم = ( عصفور في كفي ولا عشره على غصن شجره )
أسري على نور القمر ... وأسهر مع الليل العتيم = والمعـذره ياجملـة نجـوم الفضـاء المعـذره !
ياكثر ماطـال السهـر والمشكلـه قلبـي غشيـم = وأسترجع الماضي من الأفكـار وأجيـب أخبـره
وأقول ياقلـب الشقـى لاتنهـج الـدرب الأثيـم = وبليس مايرتـاح ليـن يجيـب للنـاس أقشـره
أعوذ بالله القـوي مـن دبـرت بليـس الرجيـم = وأسجد سجود الأستخـاره وأحمـد الله وأشكـره
أدري وأعرف أن الصبر من شيمة الرجل الحليـم = بس الحليم اليا غضب .. لو قدمه البحر أعبـره !
وأكثر بلاوي بالزمن صارت من أسبـاب الحريـم = كم من أمم قد بعثـرت وأسبابهـا عرضـة مـره
لكن على الله يفـرح المشتـاق والقلـب النديـم = والعمر مهما طال يقصر ... والعلاقـه منكـره !
وعذالنـا عذالنـا مثـل الهـلامـه والبهـيـم ! = ناسٍ تحـب الثرثـره ... وعقولهـا مستصغـره
تعال ياوجـه السعـد يالله عسـى عمـرك يديـم = والعاذل اللـي حدنـي عنـك عسـى الله يقهـره
يابنت لدي وأصلحي وأنـا الزعيـم بـن الزعيـم = والله لجيلـك لـو دروبـك كـل أبوهـا مصكـره
حنا الرجال اللي فعايلنـا كمـى المـوج اللطيـم = عند الوعد وافين ... وغصون الكرامـة مثمـره
من طيبنـا فزعاتنـا كمـى السـراط المستقيـم = اليـا قعدنـا مقـدره ...واليـا وقفنـا مـقـدره
والمشكله قلبي خضر دايـم مـن الذكـره مهيـم = من كثر ماقلبي خضر (( شوف العروق مخضره ))
أعرف ترى قلـب الشهـم ماهـو مثـل اللئيـم = الطيب يحيي من حيا ... والغبن مافيـه أثمـره !
وأغلا الحروف الأبجديه وسط قلبي حـرف ميـم =ياقلب جيب اللـي تجيـب وخـر اللـي توخـره
مال الغلا كود الحبيـب الأولـي ... والله كريـم =لو كـان قلبـي حـب غيـره بالخفـى مانحقـره
منصور الوسوس
02-07-07, 01:09 AM
والمشكله قلبي خضـر دايـم مـن الذكـره مهيـم=من كثر ماقلبي خضر (( شوف العروق مخضره ))

[
color=0000FF]صح لسان الشاعر


ودمت لنا ايها المبدع ابن منيديل


ابداع راقي ورائع واختيار ولا احلى


لك بااااااااقات من الكاااااااادي [/COLOR]
ابن منيديل
02-07-07, 01:11 AM
اخوي منصور الوسوس

الابداع والروعه هو وجودك هنا ومرورك وهذا ماكنت اتمناه
انها تنال اعجابكم

ووصلتني باقات الكادي معطرة بذكركم الطيب
عذب السجايا
02-07-07, 01:34 AM
صح لسان الشاعر .. وصح لسانك يالناقل ..



وقصيدة راااائعة ..



تقبل مروري ..
منصور الوسوس
04-07-07, 12:55 AM
ترفع لييستمتع بها متذوقي الشعر
ابن منيديل
04-07-07, 10:06 AM
عذب السجايا

لك الف شكر على مرورك يالغالي


منصور الوسوس

لك اجمل تحية وشكر على الرفع الجميل وعلى اعجابك بالقصيدة