?> دون الخليج ارواح [الأرشيف] - مجالس الفرده
المساعد الشخصي الرقمي

مشاهدة النسخة كاملة : دون الخليج ارواح

سهم الفريدي
24-03-11, 03:25 AM
الأرض مثل النفس تجزع وترتاب=ماتنبت إن كان السماء علّقتها
إن ما مشى بالوسم وديان وشعاب=ماتنفع الامطار لوغرقتها
ولو زان وجه الارض بزهور واعشاب=جتهاالهبوب العاتية واصفقتها
المرجلة ماهي ب/في فتل الاشناب=أهل اللحى في هالزمان حلقتها
أسمع تصاريحاً على لسان كذاب=كذبة طمع وأصحابها صدّقتها
وسط البيالة ملعقة سمّها ذاب=وأشوف ناساً حرّكوا ملعقتها
طبخة هوان وذل يطبخ بها غراب=مافيكم اللي ما يذوق مرقتها
أوراق غدر وحقد في داخل كتاب=والريح من يمّ الشمال طرقتها
العام ماخوذ(ن) من أطنابنا أطناب=واليوم بحرين السلام ورقتها
وان ما وقفنا صفّ في وجه الارهاب=البندق العوجا تثور فشقتها
وليا اتحدنا نشنق أرقاب الاحزاب=وليا اختلفنا ولّمت مشنقتها
والحّية اللي تخفي السمّ باللناب=صيداتها لاجا الظلام درقتها
دون الخليج ارواح/ واعمار/ وارقاب=للموت سكرة والنفوس عشقتها
بالمعركة تاتيك للموت خطّاب=وان عيّنت سومات موت فرقتها
أهل الخليج عيون وشيوخها أهداب=بايمانها وبحبها طوقتها
خليجنا يلبس من العزّ جلباب=بشته سهوم الحقد ما شققتها
سفينة(ن)تبحر ويحسب لها حساب=بامجادنا صعب البحور فهقتها
وان ماغدينا دونها ستر وحجاب=سود اليدين الغادرات خرقتها



الشاعر/ زياد بن حجاب ابن نحيت الحربي
غازى بن عجاب أبوزوايد
24-03-11, 05:58 AM
صح لسان الشاعر زياد حجاب
وسلمت ودمت ايها الشهم الفريدي على نقلك ونشرك
تحيتي
ميس الريم
24-03-11, 10:30 AM
ياعل اللسان اللي قصدها ما تعترض له الصواديف
وروح اخرجت حروفها ماتجيها من الدهر عواصيف

تسلم سهم تسلم على ذا النقل تسلم
دلع حرب
24-03-11, 10:37 AM
قصيدة حماسية رائعه .. صح لسان الشاعر

مشكور سهم ع النقل
عبدالعزيز العبلان
24-03-11, 01:32 PM
تسلم ياسهم

على الاختيار الجزل
تحياتي وتقديري
سهم الفريدي
25-03-11, 09:22 AM
مشكورين اخواني

اسعدني تواجدكم ...