?> عشقت القمر سليمان الهويدي رحمه الله [الأرشيف] - مجالس الفرده
المساعد الشخصي الرقمي

مشاهدة النسخة كاملة : عشقت القمر سليمان الهويدي رحمه الله

ذعذاع الشمال
23-03-11, 03:35 PM
عشقت القمر حيث القمر ينبعث به نور=واخص الليالي البيض تزها ويزهنــه
واحب الهوى ليهب من خايع(ن) ممطور=وريح النفل حيث النفل طيب الخنـه
واحب الجماله والجماله عمل مبرور=واحب الغنا واعز نفسي عن المنـــــــه
واحب الصراحه والصراحه بها مسرور=حيث الصراحه تقطع الشك والظنــــــه
واحب الكريم اللي يفرج عن المعسور=إليا من عطا حتى لهل مادرو عنـــــه
واحب الرجال العارفه واكره المغرور=من اغتر في بعض المظاهر يغرنـــــه
سقى الله ليالي ماضيه قبل هدم السور=نحفر العدود ونشرب الماء من الشنه
نشوف البنات إليا وردن كنهن الحور=مهارن مشاويل(ن) بالعياد معتنـــــــه
على الماء تشوف بيوتهم كنهم القور=كثير القبايل تقطن العـــد بالكنـــــــه
علــى البـال ذكراها ياليت الليالــي تدور=ياليت الليالي ماخذنه يجيبنـــــه
تذكــرت شيبان(ن) لنا يـــوم حنا بزور=يحثوننا بالطيب والفـــرض والسنـــــه
وعاشو حيات(ن) قاسيه في بحر وبرور=عسى الله يعوضهم بمى فات بالجنه
ودورن مضــــى بينهم وين ذاك الدور=زمان(ن) مضى له ذكريات(ن) يحلنــــــه
يوم(ن) الذهب مايلبسونه بدون خصور=جمال النساء ماهو من السوق يشرنـه
فقدنا حيات البدو مع شوفت المضهور=ولا عاد به بدو ولا الطرش له حنـــــــه
وسلامتكم وان شاء الله انها تعجبكم
ورحم الله سليمان الهويدي
ابـن مـطـيـع
23-03-11, 05:16 PM
صح السان الشاعر
وتسلم يمناااااااااك تحية لك.,.,.,.,
غازى بن عجاب أبوزوايد
23-03-11, 08:32 PM
الله يرحم سليمان الهويدي
وسلمت ودمت ذعذاع الشمال
تحيتي
النمر الارقط
23-03-11, 11:39 PM
تسلم يمناااااااااك تحية لك.,.,.,.,
ذعذاع الشمال
24-03-11, 12:16 AM
حياكم الله وبارك فيكم
علي الجضعان
24-03-11, 03:13 AM
.وين ذكرتنا بالهويدي شاعري المفضل

الله يرحمه ويبدل سيئاته حسنات

وشكرا على النقل ياذعذاع
ذعذاع الشمال
25-03-11, 12:48 AM
حياك الله اخوي القدير ابو عمر