?> سلامة الاسفار [الأرشيف] - مجالس الفرده
المساعد الشخصي الرقمي

مشاهدة النسخة كاملة : سلامة الاسفار

نواف فارع
06-03-11, 06:08 PM
http://www.youtube.com/watch?v=tiFGkToOmbo




في قـمة أفراح الوطن والمسرات=أهلا ً هلا باللي من الشرق منصور
ماهي شهادة علم إلا شهادات=علم وفخر في صفحة العز مسطور
حازه أبويارا زبون الونيات=أهلا ً هلا فال السلامه وماجور
ماجور من شر الليالي الصعيبات=اللي على العالم تجي صف بالدور
إلا ليا قدّر عزيز السماوات=اللي بحلمه مخــّـر ٍ نفخة الصور
عسى الليالي كلها بالبطولات=تدوم للي في سما الطيب مشهور
من ماكر الوسوس كريم السلالات=اللي مع اهل الراي دايم لهم شور
هاذي : مشاعر خاطري صغتها ابيات=وغيري بعد ساق التهاني ومسرور
غازى بن عجاب أبوزوايد
06-03-11, 06:29 PM
اخوى
نواف فارع
أنت شاعربمعنى الكلمه صغت تهانيك بقصيده
لشخص يستحق ولاهي غريبه بين أبناء العم التهاني
قلت فأبدعت قصيده رائعه وجزله من شاعر لايقول الا الجزل
لك تحيتي
نواف فارع
06-03-11, 06:33 PM
أخي الشاعر القدير / أبوفيصل .

الجزالة بمرورك وحضورك .. الذي نوّر المتصفح

وكلك ذوق ..

تحيتي ووافر احترامي .
برق الوسم
06-03-11, 07:02 PM
صح السانك ابو عبد السلام
صوت رائع وقصيدة اروع في شخص له بصمتة في الحياة
والحمد الله على السلامه ابو يارا
نايف بن مياس..
06-03-11, 07:53 PM
اقتباس:
المشاركة الأصلية كتبت بواسطة نوّاف فارع http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=205903#post205903)


في قمة أفراح الوطن والمسرات=أهلا ً هلا باللي من الشرق منصور
ماهي شهادة علم إلا شهادات=علم وفخر في صفحة العز مسطور
حازه أبويارا زبون الونيات=أهلا ً هلا فال السلامه وماجور
ما جور من شر الليالي الصعيبات=اللي على العالم تجي صف بالدور
إلا ليا قدّر عزيز السماوات=اللي بحلمه مخــّر ٍ مفخة الصور
عسى الليالي كلها بالبطولات=تدوم للي في سما الطيب مشهور
من ماكر الوسوس كريم السلالات=اللي مع اهل الراي دايم لهم شور
هاذي مشاعر خاطري صغتها ابيات=وغيري بعد ساق التهاني ومسرور
(http://www.youtube.com/watch?v=tiFGkToOmbo)



صح لساااااانك يا شاعر المنتدى ويسمحولي الاخوان بتسميتك مع العود خلف الفريد شعراء منتدى الفرده
سهم الفريدي
06-03-11, 07:59 PM
الحمدلله على سلامة ابو يارا

وصح لسانك شاعرناا القدير ابو عبدالسلام

قصيدة جزلة من منبع الجزل ...
شموع التفائل
06-03-11, 10:26 PM
سين سؤال الابيات ماهي مناسبتها ليتك ذكرتها في البدايه
ثانيا يهب ماشاء الله عليك يانواف احس ماعندك غير تقصد
ماشاء الله كم نزلت من خلال اسبوع ابكم انا طلبت مني ثلاث قصايد خلصت وحده وبعد كم من الوقت والباقيات الضاهر بعد شهر ان شاء الله وانت عليك جزاله وسرعه كيف تعلمة هالسرعه مع الاتقان الطاغي ما اقول الاماشاء الله لويصير عليك شي لاتقول شيخه نحتن ترى ذكرت الله ^_^
النمر الارقط
06-03-11, 10:40 PM
ماشاالله عليك علىذا الصوت الجميل
قصيده في قمة الروعه
يستحق ابويارا القصيده الجميله
اسمح لي ابدي اعجابي بقلمك وتميزك واسلوبك الراقي وتالقك
مشكوووووور والله يعطيك الف عافيه
دمت بود
نواف فارع
06-03-11, 11:08 PM
أخي القدير / برق الوسم .


صح بدنك ..

والروعة والابداع في مرورك وحضورك ..


دمت بكل خير وتقبل تحياتي .
نواف فارع
06-03-11, 11:32 PM
شاعرنا المميز / نايف بن مياس .

صح بدنك , ولاهان معدنك ..

ومنكم نستفيد .. وأبوعبدالعزيز يستاهل ..

دامت حروفك وكلماتك ..

وتقبل جزيل الشكر وخالص الاحترام .
ميس الريم
06-03-11, 11:32 PM
يستاهل ابو يارا
وانت صاحب القصائد التي فيها جمالا
قصيدة في قمة الروعة
صح لسانك وسلم رأسك
نواف فارع
06-03-11, 11:35 PM
صح بدنك :

أخي المبدع / سهم الفريدي .

كلك ذوق طال عمرك .. وشكرا ً على المرور والحضور .

تحيتي ووافر تقديري .
نواف فارع
06-03-11, 11:46 PM
أختي الراقية / شيخة .

الابداع في ثنايا حروفك , وكلك ذوق , والعين ما تعلى على الحاجب ويكفيني أسلوبك الساحر ..

والمناسبة :

مشرفنا القدير / منصور الوسوس , كان الفترة الماضية في ماليزيا لعرض بعض الدراسات والحمدلله رجع البارح ..
فلم أدري إلا وأنا أقول هذه الأبيات فرحا ً وابتهاجا .

دامت لياليك وأفراحك .

تحيتي وتقديري .
عبدالله حمد الفريدي
06-03-11, 11:53 PM
ماهي شهادة علم الا شهادات
علم وفخر في صفحة العز مسطور

يستاهل المدح وزياده ابويارا

صح لسانك شاعرنا العذب
ابوعبدالسلام
صوت رااااااائع
وقصيده ترحيبيه ولا أروع
لاهنت
نواف فارع
06-03-11, 11:54 PM
اقتباس:
المشاركة الأصلية كتبت بواسطة النمر الارقط http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=205963#post205963)
ماشاالله عليك علىذا الصوت الجميل
قصيده في قمة الروعه
يستحق ابويارا القصيده الجميله
اسمح لي ابدي اعجابي بقلمك وتميزك واسلوبك الراقي وتالقك
مشكوووووور والله يعطيك الف عافيه
دمت بود



أخي القدير / نمر المجالس .

الجمال في مرورك وإبداعك وكلماتك ..


والتألق في حضوركم جميعا ً .

تقبل فائق التحية وخالص الاحترام .
عبدالعزيز العبلان
07-03-11, 01:32 AM
مثلك يزعل كل حاسد وشمات * ومثلك قصيده بالمواجيب مشهور
طيبك اصل ماهو مهايط وخمات * ومنصور يستاهل حشا مابه قصور


صح لسانك يابن فارع

قرأت القصيده وأتت هذه الأبيات

دمت بخير
نواف فارع
07-03-11, 02:12 AM
اقتباس:
المشاركة الأصلية كتبت بواسطة ميس الريم http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=205996#post205996)
يستاهل ابو يارا
وانت صاحب القصائد التي فيها جمالا
قصيدة في قمة الروعة
صح لسانك وسلم رأسك



دام حضورك ومرورك .

أختي القديرة / ميس الريم .

صح بدنك

والجمال في حروفك وجزالت ذوقك .


تحيتي وتقديري .
نواف فارع
07-03-11, 02:15 AM
اقتباس:
المشاركة الأصلية كتبت بواسطة ابوحمد http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=206002#post206002)
ماهي شهادة علم الا شهادات
علم وفخر في صفحة العز مسطور

يستاهل المدح وزياده ابويارا

صح لسانك شاعرنا العذب
ابوعبدالسلام
صوت رااااااائع
وقصيده ترحيبيه ولا أروع
لاهنت




صح بدنك .

أخي الراقي / أبوحمد ..

كلك ذوق ونظر .. ونورت المتصفح .. بمرورك الجزل .

تحيتي ووافر تقديري .
نواف فارع
07-03-11, 02:21 AM
اقتباس:
المشاركة الأصلية كتبت بواسطة عبدالعزيز العبلان http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=206019#post206019)
مثلك يزعل كل حاسد وشمات * ومثلك قصيده بالمواجيب مشهور
طيبك اصل ماهو مهايط وخمات * ومنصور يستاهل حشا مابه قصور


صح لسانك يابن فارع

قرأت القصيده وأتت هذه الأبيات

دمت بخير



دامت قوافيك :

وصح كلك ..

شاعرنا القدير / عبدالعزيز العبلان .

والشعر شعور .. قرأت هذه الفرحة فأبديت ما في صدور الجميع من الترحيب بابويارا .


من طيب أصلك وسلامة ذوقك .


تقبل وافر التحية والاحترام .
علي الجضعان
07-03-11, 02:24 AM
ابوعبدالسلام

صح لسانك ومنصور الوسوس ابايارا

عجز السان عن مدحه هذا الرجال الذي

تفخربه قبيله وبعض الرجال يفخر بقبيلته

نواف فارع شارع له نكهه خاصه

أسميها فراوله مع المنقاء

هذا مروري وشهادتي فيك

مجروحه
هابس العلوي
07-03-11, 04:07 AM
صح لساانك اخي الغالي وابو ياارا يستاهل المدح والتمجيد ويسعدني مجارااتك بهذين البيتين

============================================
فن القصااااايد له عذوبه وبصــمااااات ؟؟؟؟ مدامهــــا بمنصــور ابذكر النــور
نوااف فاارع قالها بــحــق واثبااااااات ؟؟؟؟ مشــكور يانسل الصناديد مشــكور
غازي الفريدي
07-03-11, 01:09 PM
صح السانك يانواف
على المبادره في ترحيب باالاخ الغالي علينا جميعا الذي
طالما قدم جل وقته في رفعة هذا المجلس الشامخ ويستاهل راع الوفاء كل الوفاء من الاوفياء
نعم ان هذه الابيات ماهي الا شعورا صادق اخوي
من شاعرنا نواف
نحو المشرف ابو يارا منصور محمد الوسوس الفريدي
نواف فارع
07-03-11, 04:39 PM
اقتباس:
المشاركة الأصلية كتبت بواسطة علي الجضعان http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=206024#post206024)
ابوعبدالسلام

صح لسانك ومنصور الوسوس ابايارا

عجز السان عن مدحه هذا الرجال الذي

تفخربه قبيله وبعض الرجال يفخر بقبيلته

نواف فارع شارع له نكهه خاصه

أسميها فراوله مع المنقاء

هذا مروري وشهادتي فيك

مجروحه



صح بدنك أبوعمر ,

وأعتقد أنه غلط مطبعي كلمة ( شارع ) وكل الالقاب مقبولة كما ذكرت للاخوان ..

أفتخر بشهادتك .. وابويارا أسال الله له التوفيق والنجاح في دنياه وآخرته .. هو وجميع المسلمين .

دام مرورك وحضورك الراقي .

وتقبل تحيتي ووافر تقديري .
نواف فارع
07-03-11, 04:50 PM
اقتباس:
المشاركة الأصلية كتبت بواسطة هابس العلوي http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=206039#post206039)
صح لساانك اخي الغالي وابو ياارا يستاهل المدح والتمجيد ويسعدني مجارااتك بهذين البيتين

============================================
فن القصااااايد له عذوبه وبصــمااااات ؟؟؟؟ مدامهــــا بمنصــور ابذكر النــور
نوااف فاارع قالها بــحــق واثبااااااات ؟؟؟؟ مشــكور يانسل الصناديد مشــكور





أخي الشاعر القدير / هابس العلوي .

حيه وحي قوافيه , ولا اخفيك , أن بعض الأبيات ولو كان بيت واحدا ً أكفى عن قصيدة , وهو ما أراه في أبياتك وأبيات أخي الشاعر عبدالعزيز العبلان , فقد أوفت , و جاءت بالمعنى كاملا ً .

سلمتم ...

وهكذانلتقي لنرتقي .
صح كلك .

ونورت المتصفح بل المنتدى .

تحيتي ووافر تقديري .
نواف فارع
07-03-11, 05:03 PM
اقتباس:
المشاركة الأصلية كتبت بواسطة غازي الفريدي http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=206050#post206050)
صح السانك يانواف

على المبادره في ترحيب باالاخ الغالي علينا جميعا الذي
طالما قدم جل وقته في رفعة هذا المجلس الشامخ ويستاهل راع الوفاء كل الوفاء من الاوفياء
نعم ان هذه الابيات ماهي الا شعورا صادق اخوي
من شاعرنا نواف

نحو المشرف ابو يارا منصور محمد الوسوس الفريدي



شاعرنا أبوصالح ..


صح بدنك .. ولاهان معدنك .

وكلماتك دليل الوفاء , وتقرير على المحبة والإخاء .

دمت بحضورك وجزل معانيك .

وتقبل تحيتي وتقديري .
أبو وسيم
08-03-11, 10:41 AM
صح لسانك ياشاعرنا المبدع ابا عبدالسلام

ويستاهل الاخ العزيز ابو يارا هذا المدح

ودائما وافي واصلك طيب

لك وافر تحياتي
نواف فارع
08-03-11, 11:00 AM
صح بدنك ,

أخي القدير / أبووسيم ..

وإن شاء الله نتباشر فرحة برجوعك سالما ً ومتوجا ً بالنجاح ..

تمنياتي لك بالتوفيق والسداد .

وطابت لياليك وأفراحك .
فهد الطميشاء
09-03-11, 08:45 PM
صح لسانك يا أبو عبدالسلام ،، وحضورك دائماً رائع

والحمد لله على سلامة أبو يارا ،، ونسأل الله أن يجعل التوفيق حليفه دائماً
منصور الوسوس
09-03-11, 08:47 PM
صح لسانك ابا عبدالسلام
وكل الشكر والتقدير لشخصك الكريم على هذه المشاعر الأخوية
التي لا استغربها منك لكونك احد عيال راشد الأوفياء
صياغة جميلة زاد من جمال القصيدة ابداعك المتواصل والاحترافية المتمثلة بإضافتها لليوتيوب ..
تقبل خالص التقدير ولكل من رد واثناء أقول انتم وقود
المجالس وبكم نفتخر جميعا أدام الله ذلك الحب وهذا التواجد الفعّال ....
محبكم جميعا : أبا يارا
نواف فارع
09-03-11, 11:53 PM
اقتباس:
المشاركة الأصلية كتبت بواسطة فهد الطميشاء http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=206466#post206466)
صح لسانك يا أبو عبدالسلام ،، وحضورك دائماً رائع

والحمد لله على سلامة أبو يارا ،، ونسأل الله أن يجعل التوفيق حليفه دائماً



أخي القدير / أبوفياض ..

صح بدنك ... والرائع والجميل , مرور وحضور مثلك وشرواك .

دائما ً مانتطلع لدعواتكم ودعوات الجميع .. وأطال الله في عمرك على طاعته .

تحيتي وتقديري .
نواف فارع
10-03-11, 12:03 AM
اقتباس:
المشاركة الأصلية كتبت بواسطة منصور الوسوس http://www.alfredah.net/forum/alfredah_ho/buttons/viewpost.gif (http://www.alfredah.net/forum/showthread.php?p=206467#post206467)
صح لسانك ابا عبدالسلام
وكل الشكر والتقدير لشخصك الكريم على هذه المشاعر الأخوية
التي لا استغربها منك لكونك احد عيال راشد الأوفياء
صياغة جميلة زاد من جمال القصيدة ابداعك المتواصل والاحترافية المتمثلة بإضافتها لليوتيوب ..
تقبل خالص التقدير ولكل من رد واثناء أقول انتم وقود
المجالس وبكم نفتخر جميعا أدام الله ذلك الحب وهذا التواجد الفعّال ....
محبكم جميعا : أبا يارا



دام وجودك ومرورك وحضورك .. أبويارا ..

وأقل مانقوم به إبداء مشاعر الفرح بسلامة أخ وابن عم مثلك وشرواك ..

وأكرر نفس الكلام . أدام الله بين الجميع : روابط هذا التواجد الفعال ; والمحبة الأخوية في آفاق الحياة .


تحيتي ووافر تقديري .
خلف الفريد
12-03-11, 01:53 PM
العود عوّد من ديار الحويطات=مكانها بين السروات وبحور
حضر وبيدينه من الورد باقات=يبي يوزعها على الكل بالدور
باقه لبن فارع جميل العبارات=راع الوفاء وصدرٍ من الحب معمور
والثانيه لمنصور وازكى تحيات=رمز الكفاح اللي مع العزم منصور
والثالثه لاهل المجالس وبالذات=للي يمر ويترك العطر منثور
والرابعه لبن شليويح مهدات=اللي عطاني منصبٍ فيه مجبور