?> ودربٍ يمـرّه لا تحـاول تـمـره [الأرشيف] - مجالس الفرده
المساعد الشخصي الرقمي

مشاهدة النسخة كاملة : ودربٍ يمـرّه لا تحـاول تـمـره

ابـن مـطـيـع
27-02-11, 06:08 PM
يا ( قلب) يكفي ما جرالك ويكفيـك=أنك تموت من القهـر الـف مـره .~


بالله قلّي ويـش تالـي مساعيـك=ياللي تناظر فـي نجـوم المجـره .~


حلمٍ حلمتـه مـا يحقـق أمانيـك=وليلٍ سهرتـه مـا ينسيـك مـره .~


أن كنت ناسي ما جرالك بماضيـك=بذكّرك في الوقـت خيـره وشـره .~

عطيت من دمّك وخابـت هقاويـك=وراحت سنينك بالشقى والمضـره .~


كم (جرح) ينزف بك وكنّه ولا فيك=من خوف عذالك بصـدرك تصـره .~


وكم (جرح) لو تخفيه بانت مواريك=له في ملامح وجهك السمح جـره .~


وش فايدة صبرك وسهرك لياليـك=وغيرك بدون أحساس مافيـه ذره .~


أكبر خطا تبكي على أنسان ناسيك=ويضيق صدرك فيك وتموت حـره .~


اللى نساك أنساه لو كان يطريـك=واللي يبرك فـي مواصلـك بـره .~


. وأكبر جريمة .. من توده ويجفيك=أنك تصونه عقب ما بـاح سـره .~


قول (الوداع) وما جرالـك يكفّيـك=ودربٍ يمـرّه لا تحـاول تـمـره .~


يا (قلب) يكفي ما جرالك ويكفيـك=أنك تموت من القهـر ألـف مـره .~
غازى بن عجاب أبوزوايد
27-02-11, 07:42 PM
اخوى
بن مطيع
لله درك على مانقلت وصح لسان الشاعر
قمة الروعه إختيارك لاهنت على الاضافه
تحيتي
النمر الارقط
27-02-11, 11:38 PM
بن مطيع
مشكوووووور والله يعطيك الف عافيه
دمت بود