?> العام أنا لك وروحي مثل جسمي لك السياري حفظ الله [الأرشيف] - مجالس الفرده
المساعد الشخصي الرقمي

مشاهدة النسخة كاملة : العام أنا لك وروحي مثل جسمي لك السياري حفظ الله

ذعذاع الشمال
19-02-11, 01:38 PM
العام أنا لك وروحي مثل جسمي لك=واليوم ما اعطيك لا جسمي ولا روحي
ما شفت عندك مثل ما كان عندي لك=تضحك وأنا أبكي ولا لي منك مصلوحي
يا طول ما جيت لك من جورك أشكي لك=ويا طول ما سهرت جاري من صدى نوحي
ما عاد تسمع كلامي لو بنادي لك=تصد عني وتقفي تقل ما توحي
لا,لا تعذر ولا تتعب مراسيلك=يكفيني اللي حصل لي وأنت مسموحي
أقفيت عني وأنا بالعين أراعي لك=وأغلقت باب الغلا اللي كان مفتوحي
إمسح دموع الندم بأطراف منديلك=عش ما بقى لك مثل ما عشت مجروحي



الشاعر :: عبدالله الســــــــــــياري حفظه الله
ميس الريم
19-02-11, 02:33 PM
انتقاء جدا رائع
تسلم يمناك ذع ذاع
وصح لسان قايلها
غازى بن عجاب أبوزوايد
19-02-11, 05:57 PM
ياحلو قصيد السياري
يعطيك العافيه على الاضافه والاختيار الجميل
تحيتي
أصيل العود
19-02-11, 06:55 PM
صح لسان الشاعر

وشكرك على النقل الجميل
النمر الارقط
19-02-11, 08:29 PM
مشكوووووور والله يعطيك الف عافيه
ذعذاع الشمال
20-02-11, 05:49 PM
مشكورين احبتي
السياري
12-05-12, 08:41 PM
أخي لأستاذ ذعذاع الشمال
أختيار مميز و ذوق عالي ....
بالنسبة للشاعر عبدالله السياري فهو على قيد الحياة ..
و يتمتّع بصحة جيّدة ولله الحمد ... و هو والدي أطال الله في عمره ..
أشكر لك أختيارك وذوقك و دعائك رحمنا الله جميعا أحياء و أموات ..
منصور الوسوس
12-05-12, 11:23 PM
شكرا لك اخي الكريم تم التعديل
وكلنا امل ان نجد منك مواصلة ابداع العضو ذعذاع الشمال باضافة شي من قصائد الوالد حفظه الله
مبارك بن ناصر بن حديد
13-05-12, 12:03 AM
اشكرك اخوي ذعذاع الشمال على هذا الاختيار

وهذه القصيده الجزله كيف لا وهي للشاعر العملاق

عبدالله السياري

كما لايفوتني أن اشكر العضو الجديد (السياري)


لكما تحياتي
ابـن مـطـيـع
13-05-12, 12:30 AM
قصيدة جزله من شاعر جزل
تسلم ذعذاع الشمال
عبدالله حمد الفريدي
13-05-12, 12:40 AM
صح لسان الشاعر
عبدالله الســــياري شاعر غني عن التعريف
ونرحب بالعضو الجديد (( السياري ))
ذعذاع الشمال
13-05-12, 02:08 AM
هلا بك اخو ي السياري الله يحييك بيننا
اعتبروجودك مكسب للمنتدى ياهلا بك .

الوالد علم من اعلام الشعر ..

ويتشرف كل انسان انا وغيري انه يكتب لمثل
الشاعر عبدالله السياري ..

اشكر كل من رد وياهلا فيكم ..
عبدالعزيز العبلان
13-05-12, 02:37 AM
هلا بك يالسياري .. شرفتنا بتواجدك

واطال الله بعمر والدك
وهو شاعر غني عن التعريف

وبنتظار اتحافنا بقصيده الجزل

ولاهنت ياذعذاع الشمال على النقل

تحيتي وتقديري للجميع
ذعذاع الشمال
20-05-12, 12:48 PM
ياهلا بك,, ,
الجديد
21-05-12, 11:37 PM
اخونا ذعذاع الشمال شكرا على النقل الجميل كما عودتنا
ومرحبا بالعضو الجديد ((السياري)) بيننا واطال الله في عمر والده غني عن التعريف . تقبلوا تحياتي
ذعذاع الشمال
22-05-12, 01:44 PM
هلا بــــك ..