?> قصيدة محدى الهبداني [الأرشيف] - مجالس الفرده

المساعد الشخصي الرقمي

مشاهدة النسخة كاملة : قصيدة محدى الهبداني


ذعذاع الشمال
20-01-11, 11:01 PM
يا دار وين اللي بك العام كاليـــــوم=ما تقل مرك عقب خبري نجوعـــي
خالي جنابك بس يلعي بك البــــــوم=ماكن وقف بك من الناس دوعــــي
شفت الرسوم وصار بالقلب مثلــوم=وهلت من العبرة غرايب دموعــــي
وين الجهام اللي بك العام مـــــردوم=وظعون مع قدرة سلفها تزوعـــــي
أهل الرباع مزبنة كل مضيــــــــــوم=واهل الرماح مظافرين الدروعــــي
راحوا لنا عدوان وحنا لهم قـــــــوم=ولا ظنتي عقب التفرق رجوعــــــي
وان صاح صياحن من الضد مزحوم=تجيك دقلات السبايا فزوعــــــــــــي
صفرن يكاظمن الأعنه بهــــــن زوم=يخلن سكران المجانين يوعــــــــــي
يركب عليهن باللقى كل شغمـــــــوم=فريس والله ما تهاب الجموعـــــــي
خيالهم ينطح من الخيل حثلـــــــــوم=الاسنه بالنشامى شروعــــــــي
ويا شيخ انا عندك معزز ومحشــوم=ويمضي علي العام كنه سبوعــــــي
لا شك قلبي بالوفا صار ماســـــــوم=لربعي ونا يا شيخ منهم جزوعــــي
وعيني لشوف الحيف ما تقبل النوم=والقلب يجزع بين هدف الضلوعــي
ويا شيخ ابا وصفك يا مفني الكــوم=يالصاطي القطاع حسن الطبوعــــي
حلياك حر يفني الصيد ملحـــــــــوم=متفهق الجنحان حر قطوعــــــــــي
حر علم بالصيد من غير تعلــــــــوم=يودع بداد الريش شت مزوعــــــي

غازى بن عجاب أبوزوايد
20-01-11, 11:09 PM
نعم هذى قصيده محدى الهبداني العنزى
بالشيخ عبدالكريم الجرباء من شيوخ شمر
يعطيك العافيه ذعذاع الشمال على النقل والنشر
تحيتي

النمر الارقط
21-01-11, 12:09 AM
مشكوووووور والله يعطيك الف عافيه

ذعذاع الشمال
21-01-11, 12:42 AM
مشكورين اخواني الفضلا
مشكور ابو فيصل على تعديل القصيده وشهادة منك اعتز بها
مشكور يالسبع النمر الأرقط لكم مني اجزل تحيه عطره

ذعذاع الشمال
21-01-11, 12:45 AM
وان صاح صياح من الضد مزحوم
،،،،،،،،،،،،،،،،،،،،،،،،، تجيك دقلات السبايا فزوعــــــــــــي
صفرن يكاظمن الأعنه بهــــــن زوم
،،،،،،،،،،،،،،،،،،،،،،،،، يخلن سكران المجانين يوعــــــــــي
يركب عليهن باللقى كل شغمـــــــوم
،،،،،،،،،،،،،،،،،،،،،،،،، فريس والله ما تهاب الجموعـــــــي
خيالهم ينطح من الخيل حثلـــــــــوم
،،،،،،،،،،،،،،،،،،،،،،،،، يوم الاسنه بالنشامى شروعــــــــي

هذه الابيات لها أثر بنفسي ،،،

عبدالعزيز العبلان
21-01-11, 02:56 AM
تسلم ياذعذاع

على الأنتقاء الجزل

وعواديك الجزال

تحياتي لك

ذعذاع الشمال
21-01-11, 11:10 PM
اخوي عبد العزيز العبلان
مهما قدمت لن يصل الى ربع
ماتقدم
لاكن هذا من علو وسمو اخلاقك
جزاك الله خير الجزاء