?> كل ارض تشيلك ياثقيل الحمول [الأرشيف] - مجالس الفرده

المساعد الشخصي الرقمي

مشاهدة النسخة كاملة : كل ارض تشيلك ياثقيل الحمول


النمر الارقط
15-01-11, 12:00 AM
كل أرض تشيلك ياثقيل الحمول=وكل وقت كريم بالرضا والزعل
وين مارحت تلقى لك حبيب وعذول=وين ماكنت تلقى مثل ياسك أمل
ياطريق الترجي والوله والنحول=والله إني مشيتك لين حد الثمل
لاتظن المسافر من يسوق الرحول=من وقف دون حلمه عاجز مارحل
وما لمخلوق منجا في الحذر والجفول= ماتصيب السهام ولا يطيش الأجل
الليالي خوات مير منهي البتول=والحوادث عشاير مير وين الفحل
اتذكر في عين الشمس طفل خجول=شالته في هدبها وقت لين اشتعل
أعجب الناس وهجه بالجدل والفضول=مادروا عن جمال الجرح لين إندمل
إن لثمت الزهور وصاحبتني الحقول=ماهقيت إن صافي الشهد عيب النحل
إن تعبنا نحب ولا لقينا قبول=ماتسر الأماني ولا يفيد العذل
مابقى في ضلوعي كود ريح معمول=وثوب شاش عليه من الندامه وحل
لكن .. الله كريم وكل هم يزول=ماعلى الله بعيد .. ولو جفاك المحل
كل أرضٍ تشيلك ياثقيل الحمول=وكل وقتٍ كريمٍ بالرضا والزعل

الامير بدر بن عبد المحسن

عبدالعزيز العبلان
15-01-11, 02:17 AM
يعطيك العافيه

يالنمر على نقل الجزل

غازى بن عجاب أبوزوايد
15-01-11, 12:19 PM
الامير بدر بن عبدالمحسن
لقصيده نكهه خاصه صح لسانه
ومشكور النمر على الاضافه الرائعه
تحيتي

النمر الارقط
15-01-11, 11:58 PM
يعافيك ربي اخي عبدالعزيز على المرور وعلى التنسيق
دمت بود

النمر الارقط
15-01-11, 11:58 PM
مشكور اخي ابوفيصل على المرور العطر
دمت بود