?> ارقى درج والحظ ينزل اصنصير [الأرشيف] - مجالس الفرده
المساعد الشخصي الرقمي

مشاهدة النسخة كاملة : ارقى درج والحظ ينزل اصنصير

النمر الارقط
29-12-10, 11:01 PM
كم من جبيناً كـل وقتـه تباشيـر
حظه يغنّي له على طـرق وَرقـا
وكم من وجيهاًحظها قاعـة البيـر
لوهي وجيهاًفي المواقيـف عرقـا
ارقى دَرَج والحظّ ينزل اصنصير!!
ينزل وانا من عادتـي لازم ارقـا
حظاً يعاكس خَطوتي وين ما اسير
لامن بغيت الغرب ينحـاز شرقـا
حظي بوقتي صار مثل الأعاصير
بينه وبيـن الزيـن مليـون فرقـا
قصة عتيبياً جـرى لـه تعاسيـر
قلبه مـع الروقـه وعينـه لبرقـا
انا وحظي! سالفة راعـي الطيـر
ياطير إبن برمـان فرقـا وفرقـا
طيراً من إكبار الطيور المشاهيـر
اللي لهـا بيـن المناعيـر طرقـا
غذاه إبـن برمـان وبكـل تبذيـر
طرحة يده ماجـاه نهبـاً وسرقـا
تعب عليـه ودبّـره خيـر تدبيـر
وسرح بطيره يدرق الصيد درقـا
وهَدّه بغاه إيصيد ويجيب له خيـر
وعَوَّد عليه بحيّـة الغـار زرقـا
حيه وصار لنابهـا فيـه تغزيـر
تدفق بسم ازرق بلـغ كـل عرقـا
وداخل وريده صار للسـمّ تأثيـر

سماً زرق في داخل القلـب زرقـا
طيراً ذبح راعيه قصه وتصويـر
إعروق ابن برمان (http://www.7be.com/vb/t118417.html)بالسـم غرقـا
وده يصيـد وراح فيهـا مقاديـر
مات وعليه إقلوب اهاليـه حرقـا
وياحظ ياللي نـازلٍ بالأصنصيـر
متى ياحظي تلتفـت لـي وترقـا؟



الشاعر عبد الرزاق الذيابي
غازى بن عجاب أبوزوايد
30-12-10, 04:00 AM
صح لسان الشاعر الذيابي



وسلم القلم وصاحب القلم على النقل والنشر للجميل الجزل



تحيتي
ميس الريم
30-12-10, 07:42 AM
وياحظ ياللي نـازلٍ بالأصنصيـر
متى ياحظي تلتفـت لـي وترقـا؟



صــــــــــــــراحة جدا رائعة كلمات صريحة وشعر مرح
متميز النمر وراقي الطرح
تقبل مروري
النمر الارقط
30-12-10, 11:05 AM
سلمت اخي ابوفيصل
مشكور على المرور العطر
لك ودي
النمر الارقط
30-12-10, 11:06 AM
التميز مرورك الجميل اختي ميس
لكي كل التحايا