النمر الارقط
30-11-10, 06:06 AM
الطيب فرصه والجمايل توافيق= ومن لا توفق ما كتب له جماله
ومن لا رقى للطيب روس الشواهيق= ما زان له وقته على ما بداله
وما دام لفعول الجمايل عشاشيق= كسب الجمايل ما يجي بالسهاله
ولو إنها تشرب مع فكه الريق= كل (ن) خذاله كل ما أصبح بياله
والطيب منوه للقلوب المشافيق= كل (ن) يتوق ومنوته راس ماله
والمدح ما يزهى على الرجل ويليق= إلا لا صارت وافيات خصاله
يستاهله رجل (ن) يفك المزانيق= اللي يقال ونعم لا جاء مجاله
ومن ساقته نفسه وهو ما بعد سيق= لأجل الجميل يزيّن الله فاله
والمرجله ما هي بتحتاج تنسيق= من بين اللي عشقها وباله
ومن عادة الدنيا تخون المواثيق= تفتر مكرتها سوات المحاله
ولولا اللوازم ما عرفنا المخاليق= ما نعرف الرجال لين انعناله
والكفو تظهر فزعته حزت الضيق= وينشاف في الشده بعين العداله
نسل الرجال متعبين الملاحيق= متوسط (ن) من بين عمه وخاله
واللي يطيق ولا بغى قال ما طيق= تحرم عليه المرجله والشكاله
والهينه تكبر على اللاش والهيق= له في الرخا قاله وفي الضيق قاله
والطيب شاره والضماير صناديق= واللاش طيبه ما تعدى ظلاله
وانا اسبر قلوب الرجال المغاليق=والصامت اقطع غايته من مقاله
ودام بالدنيا رجال ومطاليق= نصيتهم واللاش ماني بحاله
الشاعرسعد بن مناحي بن شفلوت
ومن لا رقى للطيب روس الشواهيق= ما زان له وقته على ما بداله
وما دام لفعول الجمايل عشاشيق= كسب الجمايل ما يجي بالسهاله
ولو إنها تشرب مع فكه الريق= كل (ن) خذاله كل ما أصبح بياله
والطيب منوه للقلوب المشافيق= كل (ن) يتوق ومنوته راس ماله
والمدح ما يزهى على الرجل ويليق= إلا لا صارت وافيات خصاله
يستاهله رجل (ن) يفك المزانيق= اللي يقال ونعم لا جاء مجاله
ومن ساقته نفسه وهو ما بعد سيق= لأجل الجميل يزيّن الله فاله
والمرجله ما هي بتحتاج تنسيق= من بين اللي عشقها وباله
ومن عادة الدنيا تخون المواثيق= تفتر مكرتها سوات المحاله
ولولا اللوازم ما عرفنا المخاليق= ما نعرف الرجال لين انعناله
والكفو تظهر فزعته حزت الضيق= وينشاف في الشده بعين العداله
نسل الرجال متعبين الملاحيق= متوسط (ن) من بين عمه وخاله
واللي يطيق ولا بغى قال ما طيق= تحرم عليه المرجله والشكاله
والهينه تكبر على اللاش والهيق= له في الرخا قاله وفي الضيق قاله
والطيب شاره والضماير صناديق= واللاش طيبه ما تعدى ظلاله
وانا اسبر قلوب الرجال المغاليق=والصامت اقطع غايته من مقاله
ودام بالدنيا رجال ومطاليق= نصيتهم واللاش ماني بحاله
الشاعرسعد بن مناحي بن شفلوت