?> ماأحسب ان الرمش غادر وانتهازي [الأرشيف] - مجالس الفرده
المساعد الشخصي الرقمي

مشاهدة النسخة كاملة : ماأحسب ان الرمش غادر وانتهازي

الذنيب
22-06-07, 03:28 PM
صاد قناص الجوازي طرف جازي
قبل قناص الجوازي يمد شوفه
مادريت الاوهو بالقلب وازي
غفلة ماهي على قلبي حسوفه
ماأحسب ان الرمش غادر وانتهازي
لين وردني مضاميه وحتوفه
قلت: ياعذب المها ثقل المرازي
يابعد من داعبت كفي كفوفه
لاتعزويني وانا ماني بعازي
ريض المسيار لو فيها كلوفه
قال (يابويه ) وهو ماهو حجازي
قلت : وابوياه من قلب تلوفه
قلبي اللي ماتطيح إلا متوازي
جوضتك بين السراجيف مخلوفه
جوض وأرعد وانكسر كسر القزازي
الغلا ماينقص الرجال نوفه
بس لاتجرح وقاري واعتزازي
من بغى فرقاي عيني لاتشوفه

الزعيم مساعد الرشيدي
ابن منيديل
22-06-07, 03:33 PM
بس لاتجرح وقاري واعتزازي = من بغى فرقاي عيني لاتشوفه


صح لسان الشاعر الرشيدي


ولاهنت على النقل
ذيبان
22-06-07, 03:47 PM
تستمر انت الابداع رفقاء 000

حياك الله يا الذنيب 000
شوق عبدالله
22-06-07, 03:49 PM
جوض وأرعد وانكسر كسر القزازي
الغلا ماينقص الرجال نوفه
بس لاتجرح وقاري واعتزازي
من بغى فرقاي عيني لاتشوفه

رائعه ،، بروعه طرحك اخي الكريم ،،

تقبل مروري
ابو فهد الفريدي
22-06-07, 06:05 PM
قصيدة رائعة وتسلم ياخوي الذنيب وماقصرت
الذنيب
22-06-07, 10:35 PM
الأخ /أبن منيديل ياهلا ومرحبا ولا هنت ياشوق البنت
الأخ / أحمد العود أشكرك على أطراك الجميل بحق مشاركاتي المتوضعه
الأخت / شموخ بدوية ياهلا ومرحبا مرور سعيد
الأخ / ابو فهد الفريدي حياك اللة يالبناخي ومرور سعيد

وعلى المحبة نلتقي
الذنيب
عبدالله بن غنام
23-06-07, 03:06 AM
رائعة

كما هي إختياراتك دائما يابن العم

واتمنى مرورك على موضوع

طريقة تنسيق القصيدة
أمير العاشقين
23-06-07, 05:43 AM
لاهانت جهودك يالذنيب على هذه القصيده الرائعه


وتقبل تحياتي ومروري ...
الذنيب
25-06-07, 02:44 PM
عبداللة بن غنام
أمير العاشقين

يسعدني مروركم وياهلا ومرحبا
عبداللة بن غنام أشكرك على الملاحظه