النمر الارقط
06-11-10, 12:12 AM
بعض العرب ماودك انّك تشوفه *** وبعض العرب تفرح بشوفه وطاريه
وبعض العرب ياسعود مامن حسوفه *** ان راح ولا رد محدٍ درىّ فيه
ياسعود راع الطيب طاب معروفه *** وراع الردى ياسعود محدٍ يدانيه
اخذت من بعض المواقف بروفه *** وعرفت بعض الناس واهل المشاريه
كم واحدٍ ياسعود يرفع كتوفه *** ويرز نفسه رزت الباش والبيه
هو ترى بعض السوالف تطوفه *** هرجٍ يطوفه مافهم في معانيه
وكم واحدٍ هرجه يحسب احروفه *** يخاف من هرجٍ يحاسب ابتاليه
وكم واحدٍ ياسعود يكرم ضيوفه *** ونفعٍ لمن جاله من الضيف ناصيه
وكم واحدٍ دنياه قامت تلوفه *** عقب الكرم والطيب يبساتٍ ايديه
وصارت حياته يبن عمي كسوفه *** ذاق القهر والظيم والدين حاديه
وتلعب به الدنيا بليا مروفه *** ويكفخ كما طيرٍ سبوقه برجليه
نفسه على فعل الجماله زهوفه *** وده ولا يقدر عسالله يعافيه
وكم واحدٍ ياسعود يكثر حلوفه *** وهو كذوب وخابرينه عوانيه
هو يحسب ان الناس محدٍ يشوفه *** معميه شيطانه مع البخل معميه
واختامها ياسعود بالك تحوفه *** بيت الردي وابن الردي لاتماشيه
الشاعر فرج بن قبلان العازمي
وبعض العرب ياسعود مامن حسوفه *** ان راح ولا رد محدٍ درىّ فيه
ياسعود راع الطيب طاب معروفه *** وراع الردى ياسعود محدٍ يدانيه
اخذت من بعض المواقف بروفه *** وعرفت بعض الناس واهل المشاريه
كم واحدٍ ياسعود يرفع كتوفه *** ويرز نفسه رزت الباش والبيه
هو ترى بعض السوالف تطوفه *** هرجٍ يطوفه مافهم في معانيه
وكم واحدٍ هرجه يحسب احروفه *** يخاف من هرجٍ يحاسب ابتاليه
وكم واحدٍ ياسعود يكرم ضيوفه *** ونفعٍ لمن جاله من الضيف ناصيه
وكم واحدٍ دنياه قامت تلوفه *** عقب الكرم والطيب يبساتٍ ايديه
وصارت حياته يبن عمي كسوفه *** ذاق القهر والظيم والدين حاديه
وتلعب به الدنيا بليا مروفه *** ويكفخ كما طيرٍ سبوقه برجليه
نفسه على فعل الجماله زهوفه *** وده ولا يقدر عسالله يعافيه
وكم واحدٍ ياسعود يكثر حلوفه *** وهو كذوب وخابرينه عوانيه
هو يحسب ان الناس محدٍ يشوفه *** معميه شيطانه مع البخل معميه
واختامها ياسعود بالك تحوفه *** بيت الردي وابن الردي لاتماشيه
الشاعر فرج بن قبلان العازمي