?> صاحبي يلبس البرقع [الأرشيف] - مجالس الفرده
المساعد الشخصي الرقمي

مشاهدة النسخة كاملة : صاحبي يلبس البرقع

نواف فارع
30-10-10, 06:08 PM
صاحبي يلبس البرقع ماهي عادة له=أخذ سلم جيرانه وصارت طبيعه
مثل من قال لاجيت الوطن خذ دله=اتبع الناس وان ماطاعك الوقت طيعه
هيه ياللي مكلفكم على برقع له=وسعوا قرضته ترى عيونه وسيعه
فصلو له حرير ناعم مايمله=حيث بشرة خدوده بالتأثر سريعه
صاحبي لاهرج تشفق على هرجتله=من حلاوة كلامه كن هرجه يبيعه
ويوم اشوف المحاجر والرموش المظله=وعاتقن كنه رقبة الغزال الرفيعه
ياصلآة النبي وش جمّع الزين كله=لو بحليه كنه بالاصايل طليعه
كامل زينه الصافي وهي تستغله = بالعقل والاانوثه والمحاسن فظيعه
عيني الي على شوفه ودود مغله = ماغفى جفنها تمسي وتصبح فجيعه


للشاعر : سليمان الهويدي رحمه الله .
سهم الفريدي
30-10-10, 06:37 PM
عيني الي على شوفه ودود مغله = ماغفى جفنها تمسي وتصبح فجيعه

صح لسان الشاعر

وتسلم أخوي : نواف على أختيار الجزل

تحياتي
نواف فارع
30-10-10, 08:07 PM
كلك نظر ......... يا سهم الفريدي

وجعلك تاخذلك واحدة ما تنزل البرقع مرة
غازى بن عجاب أبوزوايد
30-10-10, 09:31 PM
الله يازمن


هالقصيده لن تشيب مهما مر عليها الوقت



رحم الله سليمان الهويدي وغفرله سلمت يالذيب الله لايهينك



تحيتي
نواف فارع
30-10-10, 10:14 PM
أخي الشاعر القدير / غازي أبوزوايد ,

مرورك من أغلى المكاسب .
مبارك بن ناصر بن حديد
30-10-10, 10:57 PM
(((وسـعـوا قـرضته ترى عيونه وسيعه؟؟؟؟)))


الاخ / نواف فارع


اجمل توضيف وتوصيف لمفردات الغزل


قصيدة تستحق أن تسماء ( اميرة) الغزل


رحم الله قايلها الشاعر / سليمان الهويدي


وصح اختيارك وذوقك العالي00



اخوك / مبارك بن حديد
النمر الارقط
31-10-10, 12:02 AM
صح السان الشاعر تسلم اخوي نواف على النقل الجميل
لك ودي
نواف فارع
31-10-10, 12:15 AM
أخي الشاعر / مبارك بن ناصر بن حديد


من ذوقك بس ...


الذي بيـــــّــنت عنه , كلمات أصدرها لسانك , وخطها جهازك , واستقبلتها قلوبنا وعقولنا , فوعتها , وأبقتها في ضيافة الوجدان .
نواف فارع
31-10-10, 12:20 AM
هــــلا وغـــــلا .. بنمران .

ويا مرحبا ترحيبة البدو بالسيل .

أنت الأجمل في ردودك , وإطرائك .