?> الله من عين [الأرشيف] - مجالس الفرده
المساعد الشخصي الرقمي

مشاهدة النسخة كاملة : الله من عين

سهم الفريدي
28-10-10, 06:14 PM
الله من عين طرقها صواديف
عميت ويبسن بالعروق الصخافي

شفت الوزا بالعين من عرض ماشيف
شفته وغيري من فطن له وشافي

وقت تغير فيه حتى العواصيف
جا في عواصيف الرياح أختلافي

شره قناطير وخيره مقاطيف
يفطن له اللي يرضع الديد غافي

كم واحد جاله زمانه على الكيف
واغترته نفسه يبا الجود وافي

يطلع مطاليع العلا بالسواليف
بين العذارى عد روحه سنافي

يفرح بهرج بالقفى يكره الضيف
قتات والقتات بالنار هافي

يعلق قصيره علقة النار بالليف
عي ولد عي زنوده ضعافي

ان رخصت الحذوه توفي عن الحيف
وان غليت الحذوه مشى اللاش حافي

يرقد ويلحق والدينه تخاليف
دايم ومرقد ميت النار دافي

هو مادرى ان الجود يبغى تكاليف
سهر الليالي مقبلات مقافي

يبغى يدين للعطايا مغاريف
ويبغى رجول ماتمل الوقافي

والصبر بنحور السنين الشواحيف
اللي قساها مثل حد الرهافي

مايقدرون الجود سود الأطاريف
مشاركة بيض النسا باللحافي

يقدر عليه اللي حكم نجد بالسيف
واودع مباغيض القبايل ولافي

عبد العزيز اللي يبث المصاريف
يجدع قناطير الذهب بالفيافي

يمشي على دربه جموع مراديف
نو تحدر ماه والجو صافي

يشدي لواقيط الزبيدي بعد ريف
ومما كسى البيدا تفيد الضعافي



الشاعر: بندر بن سرور (رحمة الله علية)
غازى بن عجاب أبوزوايد
28-10-10, 06:48 PM
هل تسمح لي بإن أسميك شهم الفريدي



اخوى



سهم الفريدي


رحم اله الشاعر بندر بن سرور العتيبي



وسلم قلمك النازف بكل ماهو جزل وجميل لاهنت يالذيب



تحيتي
عبدالله حمد الفريدي
28-10-10, 08:45 PM
وقت تغير فيه حتى العواصيف
جا في عواصيف الرياح أختلافي

شره قناطير وخيره مقاطيف
يفطن له اللي يرضع الديد غافي

كم واحد جاله زمانه على الكيف
واغترته نفسه يبا الجود وافي

يطلع مطاليع العلا بالسواليف
بين العذارى عد روحه سنافي

يفرح بهرج بالقفى يكره الضيف
قتات والقتات بالنار هافي

صح لسان الشاعر بندر سرور رحمة الله عليه

اخوي سهم الفريدي ذائقه شعريه فريده

دمت ودام ابداعك
سهم الفريدي
30-10-10, 07:59 AM
أخواني

أبو فيصل

أبوحمـــــــــد

مشكورين ع التواجد الرائع

والله يبيض وجيهكم

تحياتي
نواف فارع
30-10-10, 12:34 PM
عجيب هذا الشاعر :


وقت تغير فيه حتى العواصيف
جا في عواصيف الرياح أختلافي


هل رأى مارأينا وقد سبقنا في وقته , أم أنّ هذة طبيعة الأيام ,

لا أدري ماذا أقول , وتعجزي يدي أن تكتب , والشاعر القســّامي , وكاتب الموضوع سهم .
سهم الفريدي
30-10-10, 06:43 PM
حياك أخوي

نواف

ومشكور على تواجدك الي شرف متصفحي


تحياتي