?> بلاحدود [الأرشيف] - مجالس الفرده
المساعد الشخصي الرقمي

مشاهدة النسخة كاملة : بلاحدود

النمر الارقط
06-10-10, 11:20 PM
البارحه ياللي وجودك جود وغيابك جحود
يااللي هل النمات لو يرمونها يخطونها

يااللي شمال من الخبر شرق(ن)عن رمال النفود
يااللي تعنيني لها اقدامي واجي لعيونها

ماهي وراء حد الحدود الا على حد الحدود
البحر كله من وراها والسهل من دونها

البارحه مابين ريحانك ونفحات الورود
هبت هبوب الشوق والذكرى تميل غصونها

احييت فيك الطاري المعهود والحبل معقود
وغنيت لك منظومة(ن) طاروقها ولحونها

قصيدة(ن) ياكثر ماجاني عليها من الردود
وياكثر من غنى لحنها بعد مايقرونها

ماهيب من طرق الرومنسيه ولاقرق الهنود
ابيات تبقى للزمان ولونها هو iiلونها

ماألذ من طعم الغلا ولاأمر من طعم الصدود
يالله عسى ربك يعين وجيتك ياعونها

يومن من ايام السنه وليل(ن) تغطيه الرعود
سريت لي في ليلةٍ والناس مايسرونها

اسرجت للمسراح خيل وحن للمرواح ذود
وعدتني الشيمه وخوف الناس لايعدونها

اللي تقيدني وانا يابو فهد مالي قيود
ولازال تطعني وانا لازلت اشيل طعونها

اللي مشكل حزبها فيني ولاحزب الليكود
فديتها عسى هل النمات مايدرونها


الشاعر محمد بن مريبد
ريانة العود
07-10-10, 12:41 AM
قصيدة(ن) ياكثر ماجاني عليها من الردود
وياكثر من غنى لحنها بعد مايقرونها


الف شكر أخ النمر عل الانتقاء الجيد
تقبل مــــــــــــــــــــروري
عايض المقطع
07-10-10, 12:46 AM
صح لسان الشاعر محمد بم مريبد ...
وسلمت على الاضافه يالنمر الارقط.
هموم
07-10-10, 04:04 AM
صح لسان الشاعر يعطيك الف عافيه ع النقل الاكثررررر من رائع
غازى بن عجاب أبوزوايد
07-10-10, 06:10 AM
اخوى



النمر الارقط



عافاك البارى على النقل الموفق وصح لسان



الشاعر محمد بن مريبد



تحيتي
النمر الارقط
07-10-10, 08:31 PM
الاخوه-الاعزا
ريانة العود
عايض المقطع
هموم
غازي بن عجاب
اشكركم كل الشكر على المرورالذى عطر مصفحيودمتم بخير