?> اهداء لمجلس اولاد راشد .. [الأرشيف] - مجالس الفرده
المساعد الشخصي الرقمي

مشاهدة النسخة كاملة : اهداء لمجلس اولاد راشد ..

سعد بن هذيل
03-10-10, 09:28 PM
بسم الله الرحمن الرحيم

اخواني مرتادي منتدى الفرده اهداء لكم هذه الابيات امل ان تنال اعجابكم



ليا ضاق بالي بسم الاله سميت=سبحانه الرزاق عالم خفايا
وعلى النبي الهاشمي دوم صليت=بنهاية الموضوع ويضا البدايا
وليا نويت القول للمنتدى جيت=دخلت مجلسنا وسيع النحايا
كلن يهلي فيه من وين ماتيت=بالمدن ولا البر ولا القرايا
يجمعهم الموقع مثل رفت البيت=اللي تضم احفاد ماهم نزايا
ياحي والله مجلس فيه مريت=فيه العلوم الطيبه والهدايا
مجلس عيال العود ذخر الزناتيت=اولاد راشد هم ذراي وحجايا
وبيوتهم للضيف في كل توقيت=وتشريعة البيبان فيهم مزايا
وكلمت هلا للضيف واقلط وحييت=ورث من الجدان ماهي عطايا
تحفظ معا الاركان بقلوبنا تبيت=ميراث للاحفاد تبقى وصايا
ماهو تصنع طيب ربعي هل الصيت=فيهم صعاطيرالمراجل طنايا
ذباحت الحايل زمان الشحاتيت=هيف السمين اللي غذاها الشوايا
حلوين في حالة وحلات حلتيت=ليا شان منطوق العدو والخفايا
دون الحقوق نشب بالعمر كبريت=وان طق زير الحرب قمنا سارايا
لجل البكار الشقح خيال سميت=شبنا على النخوة وشاب الصبايا
وان طالت المنحاة على عد بريت=نارد ونشرب صاف جم الركايا
ومرباعنا الصمان والشرق من هيت=ومقيضنا حد الجلد والحوايا
نتبع هواء حمر الذرا بالتخاتيت=والفضل لرزاق رب البرايا
والعزم يبراه النجم وين ماجيت=بعزم الرجال تهون كبر القضايا
واليوم من فضل الولي حامي البيت=بامان وخير يعيش حكم الدهايا
بقيادة الحاكم على الغير بديت=عبدالله الحاكم كريم السجايا
هذا وانا في مجلس العز غنيت=في صوتي العالي زعجت الحدايا
ليا ضاق صدري وامتلأ بالتناهيت=بيحت عن جوفي كثير العنايا





اخوكم / سعد هذيل حامد الفريدي
موسى الطميشاء
03-10-10, 09:34 PM
يجـمـعـهـم الـمـوقــع مــثــل رفـــــت الـبــيــت الـــلــــي تـــضــــم احـــفــــاد مــــاهــــم نــــزايــــا

صح لسانك على الابيات الجزله

والله يجمعنا فيك وفيهم بالجنة
غازى بن عجاب أبوزوايد
03-10-10, 09:35 PM
القدير


الشاعر الكبير



سعد بن هذيل الفريدي



ماذا أقو بمثل هذه القصيده قصيدة الاعتزاز بالنفس



والقبيله ومجالسها ومآثرها ولاغرو والقائل الشاعر الغني



عن التعريف ابو فهد قلت و وفيت وكفيت ولاهنت وقبله على جبينك



تقبل تحياتي
عايض المقطع
03-10-10, 10:30 PM
صح لسانك وعلا شانك وسلم بنانك..
لله دركــ يابوفهد قصيده جزله ورائعه...
وافي دائما... سلمت ودمت..
غازي الفريدي
03-10-10, 10:59 PM
صح السانك يابو فهد على هذا النفراد باالمفردة

التي ابت ان تاتي الا من صميم الفؤاد

ولا نوفي مجلسنا حقه ونت احد الاعمده

طابت ايامك ياسعد
منصور الوسوس
04-10-10, 12:22 AM
شاعر المجالس أبا فهد
صح لسانك واعتلى شانك
نعم يحق لنا جميعاً أن نفتخر بمجالس العز والشموخ
إنها البيت الثاني للجميع ..
يحق لك أن تفتخر بالفرده أولائك الرجال الذين يرفعون
الراس وما أنت إلا أحد افراد تلك القبيله العزيزه
التي لها من الأمجاد والتاريخ ما يجعلها عنوناً لامعاً للكرم والأدب والشجاعة ..
تقبل وافر الشكر و التقدير دمت لنا مبدعا متواجدا
؛؛ فهد الفريدي ؛؛
04-10-10, 11:55 AM
الاخ القدير / سعد بن هذيل


صح اللسانك ولاهنت وسلمت ودمت


واااافيه من راس واااافي


لااااعدمتك
مقبل بن نمران
04-10-10, 01:15 PM
كفو يابو فهد وماقصرت

صح لسانك وسلم احساسك وقافك
وفي وماهي غريبة عليك , علمك غانم
تستاهل مجالس الطيب وأهلها

تحيتي وتقديري
علي الجضعان
04-10-10, 02:06 PM
ابوفهد صح لسانك وربعك يستاهلون

المدح والثناء عيال العود ياحي والله

منهم عزوته ومهما قلنا في قبيلة الفرده

نضال مقصرين بحقهم

الف شكر على المشاعر الجياشه أتجاه

المجالس مجالس العز والشموخ

هذا الصرح الشامخ وكذالك الشكر الطاقم

الأداري الذي يسهر الليل ويعمل بالخفاء

الف شكر ابافهد على أهداء قسم الشعر

هذه الدره النفيسه وتقبل أعز التحايا
سعد بن هذيل
04-10-10, 02:56 PM
بسم الله الرحمن الرحيم
اخواني واعزاي واحبابي الكرماء

م الطميشا--غازي بن عجاب --عايض المقطع
غازي الفريدي--منصور الوسوس--فهد الفريدي
مقبل بن نمران
اخواني الشخص لايشكر على واجبه
وانا اذا قلت فان قولي واجب من واجباتي
كا اي واحد منكم الشي الثاني
بصراحه ودي كل واحد اكتب له عشر صفحات شكر
ولايكف اللي بالخاطرلاكن معروف ان القد بالصدر
شكرا مليون للجميع على مروركم واعجابكم
وهذا شرف لي ووسام على صدري
لاهنتم
والسلا
تم جميعا
عبدالله حمد الفريدي
04-10-10, 07:12 PM
وبيوتهم لضيف في كل توقيت,,, وتشريعة البيبان فيها مزايا
وكلمت هلا لضيف واقلط وحييت,,, ورث من الجدان ماهي عطايا

صح لسانك يابو فهد وافيه من راس وافي
سعد بن هذيل
04-10-10, 09:11 PM
ابوفهد صح لسانك وربعك يستاهلون

المدح والثناء عيال العود ياحي والله

منهم عزوته ومهما قلنا في قبيلة الفرده

نضال مقصرين بحقهم

الف شكر على المشاعر الجياشه أتجاه

المجالس مجالس العز والشموخ

هذا الصرح الشامخ وكذالك الشكر الطاقم

الأداري الذي يسهر الليل ويعمل بالخفاء

الف شكر ابافهد على أهداء قسم الشعر

هذه الدره النفيسه وتقبل أعز التحايا
اخي ابو عمر الله يعز مقدارك ويرفع مقامك
وشكرا على مرورك لاهنت
تحياتي وتقديري
فهد الطميشاء
05-10-10, 12:11 AM
صح لسانك والدنا العزيز أبو فهد على هذه المشاعر الطيبة ..

وابيات جميلة نفخر والله بها ..

ومجالس الفرده هي تجمّع قبلي جميل .. عرفنا من خلاله الكثير من أبناء العم ..

وشاهدنا إبداعاتهم .. وفرحنا بجميل أخبارهم .. وفيه أيضاً تابعنا جزل أشعارهم ..

وما هذه القصيدة إلى دليل محبة ووفاء من والدنا القدير / سعد بن هذيل .. حفظه الله ..

كل الشكر لك .. أبيات أجبرتنا على التواجد والتعليق ولو بكلمات لا تفي بحقكم ..
سعد بن هذيل
05-10-10, 06:13 AM
وبيوتهم لضيف في كل توقيت,,, وتشريعة البيبان فيها مزايا

وكلمت هلا لضيف واقلط وحييت,,, ورث من الجدان ماهي عطايا





صح لسانك يابو فهد وافيه من راس وافي

صح بدنك اخوي ابو حمد ولاهنت
وشكرا شكرا على اطلاعك
أبو وسيم
05-10-10, 07:21 AM
صح لسانك ابو فهد على هذه القصيدة

ويستاهلون عيال راشد المدح وهذا المنتدى البيت الثاني للجميع

قلت ووفيت وقلت وكفيت

سلمت ودمت شاعرنا وعمود هذه المجالس

تقبل تحياتي
ابـن مـطـيـع
05-10-10, 07:25 AM
ابوفهد صح السانك ولايستغرب جزالة الشعر ....لأنك نت مصدر لشعر
بيض الله وجهك
قصيده جزله من شاعر جزل
تقبل مرررررررروري لك
النمر الارقط
05-10-10, 01:11 PM
صح لسانك يابوفهد قصيده جزله ميقولها لاشاعر جزل الله يعطيك العافيه كفيت وفيت تقبل مروري
سعد بن هذيل
05-10-10, 03:56 PM
اخواني الاعزا
فهد الطميشا ==ابوسيم =بن مطيع= النمر الارقط

السلام عليكم ورحمة الله وبركاته
اشكركم جزيل الشكر على شعوركم
واقول ان الفخر يعم الجميع وللجميع
وكل واحد ينتمي لهاذا الصرح يفخر به
بارك الله في من وضع فكرة المنتدى
حيث صار بيت الجميع
وللكل
تقبلو تحياتي
هموم
05-10-10, 04:42 PM
صح لسانك مشكوووووور والله يعطيك الف عافيه ع القصيدة
سعد بن هذيل
06-10-10, 06:22 PM
مرحبابك يا هموم حياك ربي وشكرا على مرورك
وعجابك
لاهنت
تحياتي
نواف فارع
07-10-10, 08:39 AM
أبوفهد / صح لسانك
سعد بن هذيل
07-10-10, 08:45 PM
أبوفهد / صح لسانك


نواف فارع صح بدنك
احمد المراس
07-10-10, 09:34 PM
بسم الله الرحمن الرحيم


اخواني مرتادي منتدى الفرده اهداء لكم هذه الابيات امل ان تنال اعجابكم



ليا ضاق بالي بسم الاله سميت=سبحانه الرزاق عالم خفايا
وعلى النبي الهاشمي دوم صليت=بنهاية الموضوع ويضا البدايا
وليا نويت القول للمنتدى جيت=دخلت مجلسنا وسيع النحايا
كلن يهلي فيه من وين ماتيت=بالمدن ولا البر ولا القرايا
يجمعهم الموقع مثل رفت البيت=اللي تضم احفاد ماهم نزايا
ياحي والله مجلس فيه مريت=فيه العلوم الطيبه والهدايا
مجلس عيال العود ذخر الزناتيت=اولاد راشد هم ذراي وحجايا
وبيوتهم للضيف في كل توقيت=وتشريعة البيبان فيهم مزايا
وكلمت هلا للضيف واقلط وحييت=ورث من الجدان ماهي عطايا
تحفظ معا الاركان بقلوبنا تبيت=ميراث للاحفاد تبقى وصايا
ماهو تصنع طيب ربعي هل الصيت=فيهم صعاطيرالمراجل طنايا
ذباحت الحايل زمان الشحاتيت=هيف السمين اللي غذاها الشوايا
حلوين في حالة وحلات حلتيت=ليا شان منطوق العدو والخفايا
دون الحقوق نشب بالعمر كبريت=وان طق زير الحرب قمنا سارايا
لجل البكار الشقح خيال سميت=شبنا على النخوة وشاب الصبايا
وان طالت المنحاة على عد بريت=نارد ونشرب صاف جم الركايا
ومرباعنا الصمان والشرق من هيت=ومقيضنا حد الجلد والحوايا
نتبع هواء حمر الذرا بالتخاتيت=والفضل لرزاق رب البرايا
والعزم يبراه النجم وين ماجيت=بعزم الرجال تهون كبر القضايا
واليوم من فضل الولي حامي البيت=بامان وخير يعيش حكم الدهايا
بقيادة الحاكم على الغير بديت=عبدالله الحاكم كريم السجايا
هذا وانا في مجلس العز غنيت=في صوتي العالي زعجت الحدايا
ليا ضاق صدري وامتلأ بالتناهيت=بيحت عن جوفي كثير العنايا





اخوكم / سعد هذيل حامد الفريدي


================================================== ============== أبــــو فــهــــد،،،جزالتكـ لا يختلف عليها أثنان وربعي وربعكـ يستاهلون وأنت يابو فهد وافي والوفي من ماهو غريبسعـــد بن هذيـل بن حـامد الفريدي
ابويزن الفريدي
07-10-10, 09:47 PM
قصيدة جزله من شاعر مبدع تسلم اخوي سعد
نايف بن مياس..
08-10-10, 12:39 AM
صح لسانك وافي ما يجي منه الا وافي
سعد بن هذيل
08-10-10, 11:05 AM
اخواني الا عزا
احمد المرا س
ابو يزن الفريدي
نايف مياس
اشكركم الشكر الجزيل على اعجابكم
والله يسعدكم كما اسعدنا مروركم
بارك الله بالجميع وياهلا