?> قصيده أعجبتني [الأرشيف] - مجالس الفرده
المساعد الشخصي الرقمي

مشاهدة النسخة كاملة : قصيده أعجبتني

غازى بن عجاب أبوزوايد
03-10-10, 06:46 PM
قصيده أعجبتني أرجو أن تنال رضاكم



غنيت ماقصدى طرب فى حياتي=لاشك من دورات الأيام غنيت
وجاوبت ورقا الراعبى عن سكاتى=غنَا واناغنَيت مثله وونيت
نشدتنى عن حالتى ياشفاتى=وانا مريض القلب لوانى اخفيت
اضحك وونات الحشا موجعاتى=واشرب قراح وكن شربى من الزيت
وبالعين ياخالد نشوف الجناتى=ياعز راسي شفت الاجرام واغضيت
واغيب كنى محرم بالصلاتى=لوهو ندهنى رافع الصوت مااوحيت
محدٍ يعرف جروحى الخافياتى=واليا نشدنى واحدٍ عنه صديت
اصد وابغض ناقلين الوشاتى =واناجي اللى مالغيره ترجيت
مااظن به حي يسوى سواتى=وحيد بالدنيا واصارع عفاريت
وذكرت دور ايامنا الماضياتى=والحقت مع عبرات صدرى تناهيت
ياكثر ماشفنا من العايباتى=وإليا زعلت من الخطا قالو اخطيت
وطاحت عن الكتفين فجة عباتى=وحلقت بالافكار ثم استلجيت
وفكرت فى شى جرى لى وفاتي=حيفٍ يفتت بسرة القلب تفتيت
من جور هوله زلزل الراسياتى=يميت حيٍ وباللحد يزعل الميت
ويشيب طفل ويذهل المرضعاتى=ينسن رضيع الديد صرعآ مباهيت
وانا برجوا مجرى الكايناتى=وكبرت باسماه العزيزه ولبيت
اللى عصم يوسف عن الخايناتى=ورده على يعقوب عقب التفاخيت
كل يقول انه بفعله زناتى=والفعل راحو به هل المجد والصيت
ماريد دار الذل دار العصاتى=دار الخنا والغدر منها استمليت
متى عليها نسمع النايحاتى=ودار الثنا والجود فيها زغاريت
يالله يللى تعلم الخافياتى=انك تمشيها على ماتمنيت




معالى الامير محمد بن احمد السديري
سهم الفريدي
03-10-10, 08:13 PM
اخوي العزيز الغالي

ابو فيصل

صح لساان السديري

وتسلم يمينك ع النقل الاكثر من رائع ولاتحرمناا جديدك يا ابن العم

تحياتي
ميس الريم
03-10-10, 11:27 PM
من جور هوله زلـزل الراسياتـى
يميت حيٍ وباللحد يزعـل الميـت
ويشيب طفل ويذهـل المرضعاتـى
ينسن رضيع الديد صرعآ مباهيـت
وانـا برجـوا مجـرى الكايناتـى
وكبرت باسمـاه العزيـزه ولبيـت


من لم تعجبه فهو لايعرف الشعر ولا أهله
الشاعر السديري غني عن التعريف
ولكن من أعجبته القصيد هو من يستاهل قول
تسلم يمينك وتصُح أناملك بما نقلت اتحفتنا بها
عايض المقطع
03-10-10, 11:27 PM
قصيده جميله ... سلمت يمينك يابوفيصل على الاضافه.
النمر الارقط
03-10-10, 11:38 PM
قصيده بمنتهى الروعه والجمال شكرا ابوفيصل على النقل الجميىل
ذعذاع الشمال
04-10-10, 12:31 AM
اللهم يرحم السديري بحق الاسلام 0
غازى بن عجاب أبوزوايد
04-10-10, 12:31 PM
ايها الاخوه


اشكركم على المرورولاهنتم أحبتي


تحياتي
ابـن مـطـيـع
13-10-10, 09:56 PM
مايعجبك يعجبني ياغازي
انت شاعر وصاحب ذائقه شعريه نستفيد منها....
وأعتبرك مدرسه في الشعر::mad::::mad:: تقبل مرررروري لك
غازى بن عجاب أبوزوايد
15-10-10, 05:59 AM
الله لايهينك اخوى بن مطيع



على هالمجامله وشاكر لك مرورك لاخلا ولا عدم




تحيتي