?> مساجله بيني وبين الشاعر راشد السحيمي [الأرشيف] - مجالس الفرده
المساعد الشخصي الرقمي

مشاهدة النسخة كاملة : مساجله بيني وبين الشاعر راشد السحيمي

نواف المريبيث
26-09-10, 03:08 AM
السلام عليكم ورحمة الله وبركاته
توجهت قبل مده مع زميلنا الشاعر/ نايف بن مياس الى المجمعه لحضور حفله للشاعر الكبير/راشد السحيمي بحكم العلاقه معه وكان قد ماهقينا به وقابل عدة شعار واجربتني جزالته ان اكتب هالابيات



سلام ياراشد سلام الوفيين=سلام وافي منبعه من وريدي
حنا على شانك من البعد عانين=ماهو غلا بالمجمعه والرشيدي
ما اقول فيهم عيب والله ونعمين=لاكن كلامي لا تكلمت سيدي
انته يا ابن عمي على الراس والعين=ياسيفنا وقت النهار الشديدي
شوشت راسي ياحفيد السلاطين=في ماقفك ونريد منك المزيدي
ابيك تاطا فوق روس الثعابين=حتى يتوب المجتهد والبليدي
واقبل تحيات المعزه ابيتين=دافع حميه من هجوس الفريدي


[/poem]

وهذ رد الشاعر راشد السحيمي

يامرحبا غالين غالين غالين=عزالله اني بالرساله سعيدي
انتم هل الفزعه من اول وهالحين=ماهو عليكم يالفريدي جديدي
ربعي ليا ثقلت حمول البعارين=تعجز تعابيري ويعجز قصيدي
اشهد شهادة حق مانتم رديين=اذا رجعنا للكلام الأكيدي
لك ماكر اعلا من وكور الشياهين=ياعزوتي يابيرقي يارصيدي
الناس قامت تقسم الصف صفين=نظراتهم يمكن مداها بعيدي
قامت تصفق مع بعضها المجانين=واللهَُاعلم منهو المستفيدي
وانته وانا من مانشوفه بريين=نسمع وعيدٍ قبل يوم الوعيدي
صحيح ماحنا على الوضع راضين=لاكن من يلمس خشوم العبيدي
موقف قهر يصخف له القلب ويلين=لو انه اقسى من فلاذ الحديدي
واخر عباره حطها بين قوسين=الكف مايمكن يصفق وحيدي
ابـن مـطـيـع
26-09-10, 08:55 AM
صح السانك يا نواف على القصيدة الرائعه والمساجلة وصح السان الشاعر الكبير راشد السحيمي الحربي شاعر غني عن التعريف واحد من أشهر شعراء الجزيره في وقتنا الحاضر
مبدع ماشا الله عليــــــــــك أخووي نواف صح السانك ونتظر جديدك
تقبل مرووري ياابو عواد
علي الجضعان
26-09-10, 01:15 PM
صح السانك يا نواف على القصيدة الرائعه والمساجلة وصح السان الشاعر الكبير راشد السحيمي الحربي
غازى بن عجاب أبوزوايد
26-09-10, 04:35 PM
صحت الالسن وسلمت القلوب مساجله رائعه



تحياتي
نايف بن مياس..
26-09-10, 06:42 PM
صح لسااااانك ولسان شاعر حرب راشد السحيمي