?> الله منهم بقلبي تلوا [الأرشيف] - مجالس الفرده

المساعد الشخصي الرقمي

مشاهدة النسخة كاملة : الله منهم بقلبي تلوا


ذعذاع الشمال
18-07-10, 01:32 PM
الله من هم بقلبي تلوا
..........................تلوي حنيش فوق جسم الفريسه
باسباب ريم بالخباري تروا
..................................فارقتها والحال عقبه تعيسه
قلبي عقب فرقاه دلا يتعوا
...............................حيثه لهس عليه وبين لهيسه
من عقبه الدنيا سهال خلوا
...............................والعج سافي والليالي دميسه
سبحان من صور جماله وسوا
.................................الملح والقبلا بوجهه عفيسه
تشفى عليل بالقصيد يتدوا
................................يكما همومه مار حاله بليسه
حالي عقب فرقى عشيري تسوا
.............................وعيني تعيف النوم دوم جليسه
لو تطلبن روحي عطيته هدوا
...............................تستاهل الغالي ويفدا رويسه
يالله انا بحماك طالب لجوا
........................حيث ان روحي وسط روحه حبيسه
يالله عسى بدارة هماميل نوا
.........................تسقي ديار له عسى الله حريسه
تمشي شعيبه والخباري تحوا
............................وتخضر فياض مبطي به حميسه
والخاتمه ليت .العزايم تقوى
..............................وينهج وجع كبد تزايد حميسه


الشاعر\ نايف بن ممدوح الخزعلي

ميس الريم
19-07-10, 12:00 AM
قلبي عقب فرقاه دلا يتعوا
...............................حيثه لهس عليه وبين لهيسه
من عقبه الدنيا سهال خلوا
...............................والعج سافي والليالي دميسه

شاعر ماأدري كيف بالكلمات سوا
ومن نقل له بالشعر اعلوم خبيرة


شكرا

ذعذاع الشمال
19-07-10, 12:48 AM
مشكوره اختي ميس على المرور العطر والبيت الجزل0

طموح
19-07-10, 02:17 AM
تشفى عليل بالقصيد يتدوا
................................يكما همومه مار حاله بليسه



الله يعافيك..تسلم على القصيده ,,


أختك...طموح..

ذعذاع الشمال
19-07-10, 11:14 AM
هلا ومرحبا حياك الله شرفتيني بمرورك