?> مدري من اللي درسك جعله يموت [الأرشيف] - مجالس الفرده
المساعد الشخصي الرقمي

مشاهدة النسخة كاملة : مدري من اللي درسك جعله يموت

منصور الوسوس
01-07-10, 12:30 AM
يا شيـن طبـعٍ فيـك .. يا زيــن الأطبـاع=لولا الرجــاء .. ما كان خلّيته .. يفـوت

سَـنَـع .. يشـوّه لا تـذكّـرتــه .. أسـنـاع =مثل الحصاة .. اللي وسط عقد ياقــوت

تخـفي هيـامـك .. وإنت ميـّـت وملـتـاع= ما تـدري إنه في ملامـحـك .. منـحـوت

ويبخل لسانك .. وإنت للسمع .. طمّـاع =والبخل .. في سِلْم المحبيـن .. ممـقـوت

الحكي .. قوت السمع / وأسامعي جياع =ومسامـعي ماتت من الجـوع .. للـقـوت

وحكي الغزل في صدرك أشكال وأنواع= لكن صمتك .. حوّل الصـدر .. تـابـوت

إلا طَلَبتـك وصـل .. صعّبـت الأوضـاع =( مدري .. من اللي درّسـك جعله يمــوت)

تصـد .. ما كـنّـك من الصـد .. مـرتـاع= وإن قلت : يا القاطـع .. تلفّـت مبـهـوت

أقطع بـ دَرْب مواصلك في الشهر.. باع= وإلاّ إنت تقطع للوصل فـ السنة .. فوت

طعني .. وطاوع واحدٍ فيك .. ما طـاع= ناسٍ صغار عقول / وأشوار / وبخوت

وإلطف بحال اللي نحـل حاله .. و راع =.. قلبٍ جروحه .. تنزف أفكار .. وبيوت

قلبـي .. إلا منّه شـرى قـلـب .. ما بـاع= وإنت هالله هالله فيه .. والعمـر موقوت

اسمع أشعاري في الهوى وارخ الأسماع =ياللي غـلاك بـ تربـة القلب .. مكـتـوت

لا .. للفـراق .. و لا .. لتجديـد الأوجاع= ونعم .. نعم للوصل .. لو كان بالصوت


محمد بن فطيس
ابن مزرم
01-07-10, 01:21 AM
تسلم يمينك اخوي منصور وصح لسان الشاعرابن فطيس
فريدي وفي
01-07-10, 03:45 AM
صح لسان الشاعر محمد بن فطيس

وسلمت اناملك على الايراد
ابـن مـطـيـع
01-07-10, 03:10 PM
صح السان الشاعر محمد بن فطيس
وبيض الله وجهك ابا يارا على حسن الأختيار المميز
عايض المقطع
01-07-10, 03:16 PM
صح لسان الشاعر ابن فطيس،،، ولاهنت على الاضافه يابويارا.
منصور الوسوس
02-07-10, 07:26 AM
ابن مزرم
فريدي وفي
ابن مطيع
عايض المقطع
شكرا لمروركم العاطر وحضوركم الراقي
سعد بن هذيل
02-07-10, 01:02 PM
وحكي الغز في صدرك اشكال وانواع

تصوير من شاعر متمكن يستاهل الاشاده
لاهنت يابا يارا؟ ليش الاختيار
دمت سالم ياعلم
علي الجضعان
02-07-10, 01:04 PM
تسلم ابايارا على الذوق الرائع
وصح السان ابن فطيس

اضافه طيبه