ذعذاع الشمال
11-06-10, 11:27 PM
ياراكب اللي دونها يسرب الشوف = ليا تلها اللي ما لقلبه سموعي
بين الكواكب والوطا فاقد الخوف = الا لجبار السموات طوعي
اللي يخافونه قويين وضعوف = لله شرف ماهوب عيب الخضوعي
ناديت للكبتن جري ماني مكسوف = قلت: انتظر لي يابعيد الرموعي
ريض ثواني واستلم خط مزروف = لمولولٍ ذربٍ محنك بتوعي
اللي وقف ميقاف ماهو بماقوف = صعبٍ به المدخال قبل الطلوعي
ريف الضعيف اللي على الحق ملهوف = عبدالله اللي للقبيلة جزوعي
ابو بدر يمضي لو العلم منكوف = درعٍ يبيد محكمات الدروعي
درعٍ لنا وفينا عن الميل مكلوف = سيفٍ نواجه به سنام الفزوعي
ياما فعل معروف في درب معروف = ما ينكر المعروف غير الخموعي
الله يجيره من بلا كل صادوف = من جور صولات امهات الفجوعي
نسعى بظله طول الايام ونطوف = على النقا ما نستغل مخدوعي
دايم مساعينا لك الله بها نوف = من جوهرٍ حدٍ قصيٍ قنوعي
على النقا وحقوقنا حيوف وسيوف = وحبالنا عد الروا به شروعي
مادام عبدالله لنا فوق نفنوف = المرقب اللي ماتطول التبوعي
نبا نسابق سبق الحصن ونطوف = ونشبر مع اسباع الرجال ونبوعي
كم ليلةٍ ضفته وانا قبل مضيوف = يسوقني مكتوف عمي الصنوعي
ناديت يابو دليم انا في حافوف = ياطيب الرفقه شريف الطبوعي
الحق من دونه وقف لي ناتوف = خلا الضماير يا ابن عمي مزوعي
طلقٍ على كيفه تصرف بمكتوف = وراس القلم نيبان نمرٍ قضوعي
يبي يصلي بي صلاةٍ لها حوف = اللي تقام ابلا سجود وركوعي
وانا ليا يبسن الارياق مكنوف = مكنوف في ربعي جباير ضلوعي
ليا صار بالحايه دواهيج وشعوف = ذيبٍ بها يشبع وذيبٍ يجوعي
على وفانا شهود اهل خط وحصوف = واللي يجود بمرزمات الرجوعي
بين الكواكب والوطا فاقد الخوف = الا لجبار السموات طوعي
اللي يخافونه قويين وضعوف = لله شرف ماهوب عيب الخضوعي
ناديت للكبتن جري ماني مكسوف = قلت: انتظر لي يابعيد الرموعي
ريض ثواني واستلم خط مزروف = لمولولٍ ذربٍ محنك بتوعي
اللي وقف ميقاف ماهو بماقوف = صعبٍ به المدخال قبل الطلوعي
ريف الضعيف اللي على الحق ملهوف = عبدالله اللي للقبيلة جزوعي
ابو بدر يمضي لو العلم منكوف = درعٍ يبيد محكمات الدروعي
درعٍ لنا وفينا عن الميل مكلوف = سيفٍ نواجه به سنام الفزوعي
ياما فعل معروف في درب معروف = ما ينكر المعروف غير الخموعي
الله يجيره من بلا كل صادوف = من جور صولات امهات الفجوعي
نسعى بظله طول الايام ونطوف = على النقا ما نستغل مخدوعي
دايم مساعينا لك الله بها نوف = من جوهرٍ حدٍ قصيٍ قنوعي
على النقا وحقوقنا حيوف وسيوف = وحبالنا عد الروا به شروعي
مادام عبدالله لنا فوق نفنوف = المرقب اللي ماتطول التبوعي
نبا نسابق سبق الحصن ونطوف = ونشبر مع اسباع الرجال ونبوعي
كم ليلةٍ ضفته وانا قبل مضيوف = يسوقني مكتوف عمي الصنوعي
ناديت يابو دليم انا في حافوف = ياطيب الرفقه شريف الطبوعي
الحق من دونه وقف لي ناتوف = خلا الضماير يا ابن عمي مزوعي
طلقٍ على كيفه تصرف بمكتوف = وراس القلم نيبان نمرٍ قضوعي
يبي يصلي بي صلاةٍ لها حوف = اللي تقام ابلا سجود وركوعي
وانا ليا يبسن الارياق مكنوف = مكنوف في ربعي جباير ضلوعي
ليا صار بالحايه دواهيج وشعوف = ذيبٍ بها يشبع وذيبٍ يجوعي
على وفانا شهود اهل خط وحصوف = واللي يجود بمرزمات الرجوعي