?> يبكي عياله والعنـى داخلـه نـار [الأرشيف] - مجالس الفرده
المساعد الشخصي الرقمي

مشاهدة النسخة كاملة : يبكي عياله والعنـى داخلـه نـار

ابـن مـطـيـع
10-06-10, 12:53 AM
الشاعر فهـيــد البـقــعـــاوي


الشايب اللي بالحشا ذاق الأمـرار=يبكي من الاوهام حـزن ونكـاده
يشهق على مافات واللي بعد صار=يوم الليالي فـي حشاهـا سعـاده
يبكي عياله والعنـى داخلـه نـار=والهم يحرق والغثـا فـي رمـاده
يقول ثـاري ليتنـي آخـذ الثـار=منهم وانا بالصبـر مالـي جـلاده
عيالي اللي طبعهم طبع الاشـرار=محكوم انا بالحزن حكـم الابـاده
والله خسـارة لوعونـي بالاقـدار=ونسو بـلا ميعـاد عطفـي وزاده
بالدار خلونـي وحيـدٍ وباالـدار=اشكي وهم دنيـاي وآخـذ وكـاده
لا احدٍ سئل عني ولوبس بأفكـار=ياللأسـف زادو عذابـي زيــاده
انا ابوهـم قلتـه بسـر وجهـار=لكن صدى الاصوات مالـه افـاده
والله انا ما اخطيت في حق الاخيار=مسلم واصلـي قايـم بـا العبـاده
واليوم انا ياناس بالـدار محتـار=ماغير اسولـف للقهـر والقـراده
كبير سن والمرض زاد الامـرار=أبكي قهـر والحـزن زاد بنكـاده
عايض المقطع
13-06-10, 01:29 AM
قصيده حزينه،،،، الله يعننا على طاعة والدينا،،،
لاهنت على النقل يابن مطيع.
ابـن مـطـيـع
15-06-10, 10:57 AM
قصيده حزينه،،،، الله يعننا على طاعة والدينا،،،
لاهنت على النقل يابن مطيع.
أخي الغالي عايض شرفني مرورك الرائع
ميس الريم
15-06-10, 01:06 PM
كبير سن والمـرض زاد الامـرار
أبكي قهـر والحـزن زاد بنكـاده
شعر معاني // له بالقلب حآني
صح لسان القائل
وسلم من نقل
ابـن مـطـيـع
15-06-10, 04:53 PM
كبير سن والمـرض زاد الامـرار

أبكي قهـر والحـزن زاد بنكـاده
شعر معاني // له بالقلب حآني
صح لسان القائل
وسلم من نقل

الأخت .ميس شرفني مرورك الرائع