?> تبي تعرف وش على الفرقا مصبرني ؟؟ [الأرشيف] - مجالس الفرده
المساعد الشخصي الرقمي

مشاهدة النسخة كاملة : تبي تعرف وش على الفرقا مصبرني ؟؟

عايض المقطع
03-06-10, 10:07 PM
صبـــاحكـمـ / مســائكــمـ


رضـــا مــن الرحمـــن و سعـــاده ..


http://www.qahtan.net/vb/images/smilies/zline.gif


تبي تعرف وش على الفرقا مصبرني ؟؟ إنك بخير ..!!



الصـوره اللـي ( بجوالـي ) تعذبـنـي
ياكثـر ما جيـت أبمسحهـا ! و أخليـهـا




ياللي جفيـت و جفـاك المـر .. ذابحنـي
عقبك و جيـه البشـر .. مانـي بدانيهـا





من يوم حبك .. غـزى القلـب و تملكنـي

قطعـت كـل العـلاقـات وطواريـهـا




اقـرى رسايلـك و دمـوعـي تسابقـنـي
و أرد ! وأقرى الرسايل .. و أحتفـظ فيهـا




إنت آخر إنسـان هاقـي منـه يصدمنـي
و الظاهـر إن هقوتـي بانـت مواريـهـا




لـو الوصايـا ليـا إحتديـت ! تنفعنـي
يا كثـر نـاس ٍ علـى ذودي بوصيـهـا



ليت الفـرح ( بنـك ) لاجيتـه يسلفنـي
و اقاصـده ( راحتـي ) و حقوقـه اوفيهـا




من كثر ماكنـت ! جارحنـي و ظالمنـي
قمت أعـزل جروحـك بقلبـي و أسميهـا




تـدري وش اللـي يبكينـي و يضحكنـي
إنـك محـامـي قضيتـنـا و قاضيـهـا



تدري متـى ؟ تعـرف قـدري وتفقدنـي
لارخصت نفسك ,, لشخـص ٍ مايراعيهـا




بكـره الا هملـوك الـنـاس تذكـرنـي
و تقول عـزاه : عينـي مـن يداريهـا ؟




مدام غيـري ؟ علـى قلبـك مشاركنـي
وش هـو لـه ؟ أعلـق الأمـال و ابنيهـا



يكفينـي إنـك رحلـت و منـت عايفنـي
هذا عـزا النفـس مـن كثـرة بلاويهـا




أهديتك : دمـوع مـن طعنتـك تحرقنـي
و إنـت اللـي تستاهـل الدنيـا ومافيهـا




واهديتني جرح .. موجعني ؟
و عاجبني؟؟
لــن الهـدايـا عـلـى مقدار مهديـهـا



صحيح ! ( حنا انتهينا ) .. بس صدقني !!
و الله ان تبقى ( هوى روحـي ) و غاليهـا




مفضوح ؟ راع الهيام .. ون ظرته !! تغني
ملامحه واضحه ! , في وجهـه راعيهـا




لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا



إن قلـت : علمنـي أنسـى ؟ لا تعلمنـي
دنيـاي لامـن نسيتـك و يـش تاليـهـا؟؟




فارقتنـي وضحكتـك عيـت تفارقـنـي
مقدر !! أفكر بغيرك ؟ .. و إنت عارفنـي




عشان حاجه ؟ بقلبي .. مقدر !! أخفيهـا
اخاف لاحبنـي غيـرك ؟ ..




يشوف صورتـك فـي عينـي و يمحيهـا
نشدت عنك ؟ و سمعـت اللـي يفرحنـي



و إرتاح صـدري مـن همـوم ٍ يحاتيهـا
تبي تعرف ! وش ؟ على الفرقا مصبرنـي



إنـك بخيـر .. وحياتك مهتني فيها
فريدي وفي
03-06-10, 11:36 PM
ليت الفـرح ( بنـك ) لاجيتـه يسلفنـي
و اقاصـده ( راحتـي ) و حقوقـه اوفيهـا

صح لسان الشاعر المتغرب وسلمت على النقل

قصيد جميلة وتبارير راائعة
ابـن مـطـيـع
03-06-10, 11:45 PM
صح السان الشاعر وصح بدنك على الموضوع الجميـــــــــل والرائع لك مني كل التقدير و الاحترام
علي الجضعان
04-06-10, 01:04 AM
تسلم على النقل الرائع والأضافه

الموفقه بس مازلت أكرر لازم أسم الشاعر

لحفاظ الحقوق وأن القصيده لازم تنسب

لصاحبها
ذعذاع الشمال
04-06-10, 02:20 AM
وانا أضم صوتي لصوت ابو عمر حتى بالمجالس
إذا قلت بيت وسألك من يبي الإجابه تجيب عليه أسرع من الترباس
إذا ناشه الزناد0
مشكور وجزاك الله خير أختيار يلفت الأنظار

***أخوي عايض أماي أقولك أن الذئب إذا تقدم به العمر صار أشد شراسه وضراوه من قبل
عايض المقطع
04-06-10, 01:29 PM
ليت الفـرح ( بنـك ) لاجيتـه يسلفنـي
و اقاصـده ( راحتـي ) و حقوقـه اوفيهـا

صح لسان الشاعر المتغرب وسلمت على النقل

قصيد جميلة وتبارير راائعة


الله يسلمك اخوي زاهر،،،، الف شكر على المرور.
طلال الحمـاد
04-06-10, 01:32 PM
صح لسانك ولسان شاعرها
سلمت يمينك على النقل
عايض المقطع
04-06-10, 01:39 PM
صح السان الشاعر وصح بدنك على الموضوع الجميـــــــــل والرائع لك مني كل التقدير و الاحترام


لك شكري وتقديري على المرور الرائع اخوي مشعل،،، ولاعدمناكــ.
عايض المقطع
04-06-10, 01:43 PM
تسلم على النقل الرائع والأضافه

الموفقه بس مازلت أكرر لازم أسم الشاعر

لحفاظ الحقوق وأن القصيده لازم تنسب

لصاحبها


الله يسلمك يابوعمر،،، وانااخوك انا احرص دايم على اني اضيف صاحب القصيده بس بعض القصائد تكون موجوده بااكثر من موقع وماهي منسوبه لاحد وبحثت ولالقيت صاحبها،،،، لك شكري وتقديري على المرور والتواجد.
عايض المقطع
04-06-10, 01:46 PM
وانا أضم صوتي لصوت ابو عمر حتى بالمجالس
إذا قلت بيت وسألك من يبي الإجابه تجيب عليه أسرع من الترباس
إذا ناشه الزناد0
مشكور وجزاك الله خير أختيار يلفت الأنظار

***أخوي عايض أماي أقولك أن الذئب إذا تقدم به العمر صار أشد شراسه
وضراوه من قبل




ماعليك زود يالصقر الجارح،،،، ومشكور على المرور الجميل،،، وشاعر القصيده اتوقع انه:
الشاعر ( سعود بن مهدي العجمي)