?> قصيدة رثاء في لمرحوم زبار بن مفهد الفريدي رحمه الله [الأرشيف] - مجالس الفرده
المساعد الشخصي الرقمي

مشاهدة النسخة كاملة : قصيدة رثاء في لمرحوم زبار بن مفهد الفريدي رحمه الله

ولد الفردة
21-04-10, 01:44 AM
قصيده رثاء في المرحوم زبار بن مفهد الفريدي طيب الله ثراه في يوم الثلاثاء الموافق ١٨ /٤ / ١٤٢٧ هـ
للشاعر : عايد بن ضواي الفريدي


قم ياطلال ودق سلف المكينه=نبى نتوجه للقصيم وقراياه
علم لفاني منه نفسي حزينه=والعين هلت دمعها من سمعناه
قالو توفى من يقلط سمينه=والعصرفي يوم الثلاثاء دفناه
هذا القدر مكتوب له في جبينه=وحكم القدر غصبن على العبد يرضاه
مرحوم ياللي كلنا فاقدينه=مرحوم ياللي تفعل الخير يمناه
يفرح اليا جوه العرب زايرينه=يضحك احجاجه قبل تطلع ثناياه
انا اشهد انه ماتوانا بدينه=مخلص لدينه لجل مرضاه مولاه
محدن شكاه ولاشتكى حاسدينه= لا جاته الزله دفنها بمطاه
غيثن على الاقصين وقريبينه=غيثن ليامنه تحدر نثرماه
افراق ابوسايرعلينا غبينه=يالله تلهمنا الصبرعقب فرقاه
الموت حق وكلنا واردينه=كلن يبي ياخذ كتابه بيمناه
يالله ياحام الحرم والمدينه=يارب من يمشي على الارض بخطاه
تجبر عزانا بالسنين المشينه= وتعوضنا بالللي قليل حلاياه
عساه ياخذ حجته في يمينه=يالله عسا الجنه مقره ومثواه
تم الجواب ابذكر من نستعينه=اللي علينا مايمن بعطاياه
وصلوا على المختار ياذاكرينه=نبينا اللي ثبت الشرع ورساه

وسلامتكم
عايض المقطع
21-04-10, 03:29 AM
الله يغفر له ويسكنه فسيح جناته، وصح لسان الشاعر عايد الفريدي
على هذه المرثيه، وتسلم يمناك على النقل ياولد الفرده.
ولد الفردة
21-04-10, 03:27 PM
جميع المسلمين انشاء الله
تسلم ياعايض عالمرور العطر
منصور الوسوس
22-04-10, 12:23 AM
دعواتنا للشيخ زبار بالرحمة والمغفرة
وصح لسان الشاعر عايد
وسلمت يمينك ولد الفرده على هذا الانتقاء
تقبل واااافر التقدير
أبو وسيم
22-04-10, 09:49 AM
رحم الله جميع موتى المسلمين

وصح لسان الشاعر عايد

والشكر موصول لك اخي لهذا النقل

ولك تحياتي
علي الجضعان
22-04-10, 11:12 AM
الله يرحم الشيخ زباربن مفهد الفريدي وصح

السان الشاعر عايد الفريدي

وتسلم على النقل ياولد الفرده