?> أبيات جديده [الأرشيف] - مجالس الفرده
المساعد الشخصي الرقمي

مشاهدة النسخة كاملة : أبيات جديده

عبدالله بن مغضب الفريدي
29-03-10, 12:21 AM
السلام عليكم ورحمة الله وبركاته
تبعدنا الظروف ويجذبنا الشوق إلى مجالسنا العامرة . نصافح الجميع بهذه الأبيات . اتمنى ان تحوز على اعجابكم


ياعبد لاتجزع ترى الرزق مضمون=من عند رب الكون محصِّ البريه
لاتصير بالدنيا شقيٍ ومفتون=وتصارع الدنيا تراها قويه
كم رأس قومٍ خلته تقل مجنون=يذوق منها الفقر والمنكديه
خلك على صكاتها عندك متون=تشيل حملاً مثل هضبة طميه
أصبر وجاهد وأطلب الستر والعون=من الذي يعلم خفايا الخفيه
يقوله اللي ذاق صكات وطعون=سيوف الزمان الباترات الجريه
ابـن مـطـيـع
29-03-10, 12:33 AM
صح السانك ياعبد الله على ألابيات الرائعه والجميله
قريب من قلوبنا ياعبد الله ولو أبعدتك الظروف
والحمد الله انك بصحه وعافيه وتشاركنا بهذه الدرر الرائعه
تقبل شكري وتقديري وحترامي وشواقي لك
منصور الوسوس
29-03-10, 05:42 AM
صح لسانك محمد
حياك الله وعوداٍ حميداً
اسعدنا تواجدك ومشاركتك الجميلة
سبع الغداري
29-03-10, 07:11 AM
صح السانك اخوي
ابيات جميلة
علي الجضعان
29-03-10, 11:33 AM
صح السانك يابن مغضب قصيده اجتماعيه


طيبه والله سبحانه كافل الارزاق والمتصرف بهذه المقطوعه

في عباده تسلم على اتحافنا
عبدالله بن مغضب الفريدي
29-03-10, 12:07 PM
الاخوان ابن مطيع ومنصور الوسوس وسبع الغداري وشاعرنا الجميل علي الجضعان
شكراً لكم على المرور اسعدني مروركم . لكم جزيل الشكر
خلف الفريد
30-03-10, 03:05 PM
عاد بن مغضب وافرح القلب والروح=واغضب ابليس وعادة ابليس مخذول
يامرحبا ماناح ورقٍ على الدوح=وما حوّلت عكف المخالب على الجول
وما ذعذع النسناس وانته لك بصوح=عقب المطر كنه من التبر مصقول
ومن العتب ياطيّب الفال مسموح=لكن غيابك يابيض الوجه لايطول
عبدالله بن مغضب الفريدي
30-03-10, 06:21 PM
أستاذي العزيز والشاعر العملاق / أبو عبدالعزيز
شكراً لك على المرور وعلى هذا الترحيب الذي ليس غريب منك حيث أنك أهلاً له
سلمت يمينك على هذه الابيات الغالية على قلبي ؛ كيف لاتكون غالية وناظمها شاعر بحجم خلف بن عتاق
تقبل تحياتي وأعدك ياأستاذي العزيز أن أكون من المتواجدين في مجلسنا العامر
طلال الحمـاد
30-03-10, 11:46 PM
صح لساااااااااانك
ومشكور على الجزله
القسومي
31-03-10, 12:32 AM
صح لسان يا غالي
وبيض الله وجهك
ناصر بن راكب
31-03-10, 12:33 AM
من طول الغيبات جاب الغنايم
ابن مغضب
صح لسانك
واعتلاشانك
وصح لسان الشاعر خلف الفريد
يامرحبا مانـاح ورقٍ علـى الـدوح
وما حوّلت عكف المخالب على الجول
عبدالله بن مغضب الفريدي
01-04-10, 01:40 AM
الاخ العزيز / طلال الحماد
اشرقت مشاركتنا المتواضعة بمرورك . لك اجزل التحايا
عبدالله بن مغضب الفريدي
01-04-10, 01:42 AM
صح قلبك يالقسومي . شكراً على مرورك لاهنت
عبدالله بن مغضب الفريدي
01-04-10, 01:45 AM
أخوي الغالي / ناصر بن راكب
صح بدنك لاهنت على المرور وشكراً لك ياأخي العزيز