?> محاورة الجن مع حاسن المطرفي؟؟ [الأرشيف] - مجالس الفرده
المساعد الشخصي الرقمي

مشاهدة النسخة كاملة : محاورة الجن مع حاسن المطرفي؟؟

f15
09-03-10, 08:13 PM
هذه احدى محاورات الشاعر حاسن المطرفي والجن،ويقال بأنها تكون وهو منامه وانه يرى صفوفهم كذلك،

الجن

سلام جيناك من روس المشاريف = نبى نعسك عسى مابك رزيه
قالوا مسخن وقالوا حالك ضعيف = ولاتحتمل للعلوم اللي قويـــه

حاسن

يامرحبا بالرجال اهل المـعاريـــف= لوكان مدري من ايات النحيه
واللي يجي من كثير الجود تخفيف= وانا مـن الله بخــير ولاعلــيه

الجن

نبي نصرف كلام العرف تصريف= حتى تبين السمين من الرديــه
العام تذكر تلجلج بالغطاريف = ماطحت لك في رجال (ن) صيرميه

حاسن

المعرفة وانا حاسن بحر(ن)مطيف=ماهيب سقوة ولاجتني هديــه
العام اغني واعدي بالمهاييف=والعب على الناس لعب العرفجيه

الجن

جيناك بسهومنا والرمح والسيف = وانته لحالك ولالك مرحـــــميه
يلعب بك الليل وانسام الهفاهيف =واخاف بكرة تصير انت الضحيه

حاسن

مالومكم ياكبيرين السواليف= ماتعرفون الصواب من الخطــــيه
ماهي علوم(ن)تصرفها على الكيف=حياة نفسي على رب البريه

الجن

والله لادحمك لين تعود معيف= واني لزاحمك بالقـــــوم الرويـــه
بالكف والصف والسلطان والقيف= واصيح للجن واقول الحميه

حاسن

قهرتكم بالنبي راع المواقيف = محمد اللي بباب العنـــــــــبريه
لكن صلوا بنا في مسجد الخيف =واحنا نصلي بكم في العابديه

الجن

طايح بغبة ولاعندك مجاديف =راحت عليك الرباع مع الثـــنيه
ليا بغيت المعاني والمحاريف= لاتارد الا العدود الجاهلــــــــيه

حاسن

حنا وردنا البحر وانتم مكاتيف = يالاعبين اللحون السامــــــريه
روحوا مراح السحاب اللي مراديف= انتم غريبين والدار هذليه


للامـــــــــ منقول ـــــــــانة
غازي الفريدي
10-03-10, 08:46 PM
صح السان الشعراء ،، ( بسم الله علينا )
لاكن للامانة الجن هذا شاعر
الله يستر
( ولايهون صاحب القلب حاسن)

f15 يعطيك العافيه
علي الجضعان
11-03-10, 02:35 AM
بسم الله وأعوذبالله وتسلم على النقل شئ يخوف جن مابقى الاهي ياساترسترك

لاونايم ياعبدالله لاترد عليه واعتبرني مامريت:d:d:d:d:d:d:d:d:d:d:d:d:d:d:d:d
ناصر بن راكب
11-03-10, 11:47 PM
بسم الله الرحمن الرحيم
هذا وهو نايم وشلون لاصحى
f15
12-03-10, 10:36 AM
صح السان الشعراء ،، ( بسم الله علينا )


لاكن للامانة الجن هذا شاعر
الله يستر
( ولايهون صاحب القلب حاسن)

f15 يعطيك العافيه




يسلم مرورك اخوي غازي
والجن هو مصدر الشعر
هههههه
f15
16-03-10, 11:53 PM
بسم الله وأعوذبالله وتسلم على النقل شئ يخوف جن مابقى الاهي ياساترسترك

لاونايم ياعبدالله لاترد عليه واعتبرني مامريت:d:d:d:d:d:d:d:d:d:d:d:d:d:d:d:d

ابوعمر انت مامريت هههه