?> سلامااااااااااااااااااااااااات ........ [الأرشيف] - مجالس الفرده
المساعد الشخصي الرقمي

مشاهدة النسخة كاملة : سلامااااااااااااااااااااا اااات ........

خلف الفريد
06-03-10, 12:23 PM
بسم الله الرحمن الرحيم
الشاعر /علي بن عبد الله الطهيمي من الرجال الذين تعتز بهم القبيله وبيته مفتوح للجميع
وهومن اهل الكرم والمكارم ، ودائماً مدهل للنشاما ، وقبل ايام وبعد ان انفض مجلس من مجالس
الرجال في بيت الشعر الكبير الموجود امام منزله ، وعلى حين غفله ، دخل احد ابنائه الصغار
والذي لايتعدى عمره الثلاث سنوات وصار يعبث بالنار وماهي الا ثوان حتى صار بيت الشعر
كتلة من لهب، وبلطف من الله قفز الطفل من النافذة وكتبت له السلامه اما بيت الشعر فقد صار اثراً
بعد عين ،ولم يتبقى فيه الا دلال الرسلان وكانها تقول : انا لن ازول ولو تغير لوني فهذا بيت الكرم وسيبنى من جديد .....
وبعد اطمئناني على سلامة اخي وصغيره كانت هذه الابيات العاطفية :


يابو عبد الله سالمٍ لاعدمناك=لعل في ماصار خيرٍ وخيره
ولعلها رمية سهم عين واخطاك=من اللي مراق الطيب عنده عسيره
والحمد للي يابيض الوجه نجاك=واللي بلطفه فك نفس صغيره
بيت الشعر مجرد هروس واسلاك=والا انت مكسبنا وفخر العشيره
واللي غدر بك شبّة فعل يمناك=نارٍ توقّد كل صبح وهجيره
يقرط بها من غالي السمر والراك=وارطا النفود اللي قويٍّ سعيره
واللي حوال النار مثلك وشرواك=اهل المراجل والصفات الكبيره
وكان احترق بيت الشعر عله افداك=انته لنا الباقي وتبشر بغيره
غازى بن عجاب أبوزوايد
06-03-10, 12:43 PM
اخوى


اباعبد العزيز


صح لسانك وعلاء شأنك جزل و وافى دائماً


وسلامات للغالى على بن عبدالله الطهيمي نحمدالله على سلامته


تعجز الاحرف والكلمات عن التعبير لكن سلامتن دائمه بإذنه تعالى


تحياتي
ابـن مـطـيـع
06-03-10, 01:02 PM
صــح السانك يا ابو عبد العزيز
والحمد الله على سلامته
قصيدة مواساه وجزله ورائعه من روائعك الشعريه
دائم ابياتك الشعريه تترجم احساسك الرائع والجميل
،،،

وكان احترق بيت الشعر عله افداك
انته لنا الباقـي وتبشـر بغيـره
قدها يا ابو عبد العزيز
والحمد الله على سلامته
تقبل مروووووري لك
الــــــــــهــــــــاوي
06-03-10, 01:13 PM
صح لسانك يابو عبدالعزيز والله يبيض وجهك على هذه الرائعه التي عودتنا عليها اخوك/ابن هديب
خلف الفريد
06-03-10, 01:57 PM
ابو فيصل
هلا مليون هلا يالوافي ....وصح الله بدنك
وجودك وتواجدك هنا دليل المحبه والوفاء ...
اشكرك على هذه الكلمات الاخويه الرائعه
لاعدمتك
خلف الفريد
06-03-10, 02:00 PM
مشعل المجالس
وانت عنوان الوفاء ايها العزيز ...
مرورك نور لمتصفحي وانت من السباقين دائما ً .....
صح بدنك وسلمت لاخيك
لاعدمتك......
خلف الفريد
06-03-10, 02:03 PM
الهاوي
بيض الله وجهك يابن هديب على هذه الثقة الكريمه باخيك .....
مرورك اسعدني وابهجني
صح بدنك وسلمت لي ..........
لاعدمتك
منصور الوسوس
06-03-10, 02:11 PM
الحمدلله على السلامة
وهذا مقدر ومكتوب وعساها سلامة دائمة
ابدعت يبو عبدالعزيز كعادتك تقول وتطول ويستاهل الفزعة ابوعبدالله راعي كرم وبابٍ مفتوح
واتمنى ان يكون لنا معك سهم
شكرا لك على هذه الاضافة ياعندليب المجالس
أبو وسيم
06-03-10, 03:41 PM
الحمد لله على السلامة

صح لسانك ابو عبدالعزيز دائما راعي واجب

ويستاهل اخونا ابو عبدالله كل خير وسلامات

وقدها والله ياشاعرنا علمك الطيب

وتقبل تحياتي
طلال الحمـاد
06-03-10, 06:54 PM
الحمدلله على السلامه
قدرالله ماشاء فعل
وصح لسانك
عايض المقطع
06-03-10, 10:45 PM
الحمدلله على سلامة اخونا ابوعبدالله ، وصح لسانك يابوعبدالعزيز

على القصيده الرائعه.
غازي الفريدي
07-03-10, 04:28 PM
دايـــم ابـــو عـــبدالعزيز بـــن عــــتاق
.............يـضــمد اجــــروح الــجماعة بقـــافـــه
مثل شعاع الشمس فــي وقت الاشــراق
..............لطيف وفــــعله غــــايب الشوف شافه




اخي ابو عبدالعزيز قصيدة من القصايد التي
اعتدنا منك ولجزل يهدي الجزل
تحية طيبة
f15
07-03-10, 05:01 PM
الف سلامة العلي الطهيمي مقر الجود
وخطاه السو ابو عبد الله
وصح السانك يا بن عتاق
وقدها طال عمرك
كفو يا ولد راشد
ناصر بن راكب
07-03-10, 05:27 PM
عبر هذا المتصفح

نقول

الحمد للله على سلامة الإبن يابو عبدالله

وصح لسانك يابوعبدالعزيز

وافي مع الجماعه وهذه المشاعر غير مستغربه منك
خلف الفريد
08-03-10, 03:54 PM
رائد المجالس
صح بدنك وسلمت لاخيك........
ماهي الا المشاعر التي انت تشعر بها وهي من شيمك الكريمه..
كلماتك تضميد جراح وبلسم شفاء
اشكرك على جميل الثقه.....
لاعدمتك
خلف الفريد
08-03-10, 03:57 PM
وسيم المجالس
يراعك لايخط الا كل جميل ومشاعرك انعكاس لشخصك الكريم ....
رائع مرورك الاروع وشعورك الابدع ...
صح بدنك
لاعدمتك
خلف الفريد
08-03-10, 03:58 PM
طلال الحماد
صح بدنك لاهنت
خلف الفريد
08-03-10, 03:59 PM
اخي عايض

صح بدنك وسلمت لاخيك
اشكرك على ثقتك الرائعه باخيك
لاعدمتك
خلف الفريد
08-03-10, 04:06 PM
دايـــم ابـــو عـــبدالعزيز بـــن عــــتاق
.............يـضــمد اجــــروح الــجماعة بقـــافـــه
مثل شعاع الشمس فــي وقت الاشــراق
..............لطيف وفــــعله غــــايب الشوف شافه




اخي ابو عبدالعزيز قصيدة من القصايد التي
اعتدنا منك ولجزل يهدي الجزل

تحية طيبة



يامرحبا في شاعرٍ بث الاشواق=بث الورود اللي تبثه سلافه
الفرق واضح بين مكنون الاعماق= وبين الكلام اللي برسم الصحافه


غازي
خطوطك كتبتها بلون الذهب واشعة الشمس ...
لانك منجم الاثنين ....
عطرت المجالس وانرت الارواح
لاعدمتك
خلف الفريد
08-03-10, 04:26 PM
ابو عابد
صح بدنك ولا على شرواك زود ....
مرورك دَين عليّ وشعورك فخر لي ....
كم اشتاق الى هذا النبع الصافي من الكلمات الصادقه والمشاعر الجياشه ...
اشكرك على طيبك
لاعدمتك
خلف الفريد
08-03-10, 04:28 PM
اخي ناصر
صح بدنك وسلمت لاخيك
كلماتك ابا عبيد افراح عيد ومغذي وريد ....
اشكرك بعدد حروفها ونقاطها ...
لاعدمتك