?> الكامل الله والخطا طبع الانسان [الأرشيف] - مجالس الفرده
المساعد الشخصي الرقمي

مشاهدة النسخة كاملة : الكامل الله والخطا طبع الانسان

دلوعـــة ابوهـا
25-02-10, 03:16 PM
من طبعي ارد الإساءه { بالاحسان }
وأساير ظروف الزمان اللعينه ..



وأطوف الغلطه من { أفلان .. وفلان }
يعني من أجل { عين } تكرم مدينه ..



الكامل الله والخطا طبع { الانسان}
والدرب يفرق عن يساره ويمينه ..



و { الصاحب } ا للي له معزه وله شان
ان جاني بشينه .. تذكرت زينه ..



اتحمل اخطاءه معي { قدر الأمكان }
من جانبي تبقى العلاقه متينه ..



واللي { يغلطني } وانا ماني بغلطان
اصابعي احطها { وسط عينه } ..



مادامني مسلم وفي قلبي إيمان
عمر{ البحر } ماشال هم السفينه ..



مرت علي { انواع .. واشكال .. وألوان }
بين { العقول } الناقصه .. والرزينه



عندي قناعه ان { الإنسان شيطان }
اذا يهينك { لازم } انك تهينه ..



يعني اذا حاجتك { بيدين عدوان }
يكفيك شر المهزله .. والغبينه ..



من{ كثر ماجاني } من الناس خذلان
تحرجني حتى كلمة { الله يعينه }



صحيح لي { ربع .. وجماعه .. وخلان }
وأضيق لكن حاجة الناس.. شينه



الشخص دام انه بكل شي{ خسران }
تأكد انهآ من عمايل { يدينه } ..



من مرحلة { حب .. ومشاعر .. وحرمان }
إن مالعنت الحب تلعنه سنينه ..



اكتب شعر واعزف من { اشواقي الحآن }
واسلي قلوب الغرام الحزينه ..



ولو الشعر مخلوق في { هيئة انسان }
والله لأقول له تسلم { واقبل جبينه }


مما راق لي http://dc02.arabsh.com/i/00094/gmb1cz9mch1v.gif
__________________
فهد الطميشاء
25-02-10, 03:23 PM
اختيار غاية في الروعة وطرح راقي جداً

كل الشكر لكم
دلوعـــة ابوهـا
25-02-10, 03:46 PM
فهد الطميشاء~

شاكرهـ تواجدكـ.....
المشتاق
25-02-10, 07:48 PM
وأطوف الغلطه من { أفلان .. وفلان }
يعني من أجل { عين } تكرم مدينه ..
"""""""""""""""""""""""""""""""""""""""""""""""""""""""

اعجبني البيت هذا
"""""""""""""""""""

وابيات رائعه وجميله

ليتنا نستفيد منها &&& مشكووووووووورة على النقل&&&&&&&&
عايض المقطع
25-02-10, 08:47 PM
و { الصاحب } ا للي له معزه وله شان
ان جاني بشينه .. تذكرت زينه ..



اتحمل اخطاءه معي { قدر الأمكان }
من جانبي تبقى العلاقه متينه ..



مشكورة على النقل الرائع والذوق الاروع .
طلال الحمـاد
25-02-10, 09:53 PM
من{ كثر ماجاني } من الناس خذلان
تحرجني حتى كلمة { الله يعينه }
............
سلمت يمينك
دلوعـــة ابوهـا
25-02-10, 11:32 PM
المشتاق~

عايض المقطع~

طلال الحمـاد~

لاعدمناكم منورين دوووم...