?> يابــ’ــ’ـــوي [الأرشيف] - مجالس الفرده
المساعد الشخصي الرقمي

مشاهدة النسخة كاملة : يابــ’ــ’ـــوي

دلوعـــة ابوهـا
09-02-10, 05:39 PM
يا بـــــوي جعلك للبقــــــا والمكاسيــــــب
عمـــري بدونك يالــذ ّرا ويـــش أبي بــه

يابــــوي تســـأل عن شفـــــاك المراقيب
طلعــــة ســــــواتك للنــــّوايف غريبـــــه

ليــــه المـــــرض مايعرف الزّيـــن والعيب ؟
مــــايدري انك للمخـــــــــاليق هيبـــــه !!

أبســــألك وش بــــه غـــزا وجهك الشيب
والقـــلب لايــــع والنـــــواظر شحيبـــــه

وش بــــك تحــــاتي لانــــوى الموت تغريب
تخشــــى عليــــنا بالليـــّالي الكئيبـــــه

خـــذ دلــّتك واركـــــى على مسند الجيب
وعطنــي شمــــاغك بلثمـــــه وأحتمــي به



ونـــروّح لأرض ٍ بهــــا العشــب والطيب
وتسمــــع كلام ٍ يالغــــلا تحتفـــــي به

يابــوي بنتك لاانحكـــــى بالتــّجاريب
كـــل ٍ يشق لهيبــــه الصـــّيت جيبـــه

يابـــوي مـــاني من ســـوات المخاريب
اللـــّي تجيب لعليــــَة القــوم خيـــــبه

ومــاني من اللــّي لامشت حفــّها الرّيب
أنا مـــن اللــّي مايـــدنـــّس حليبـــــه

مـــرفوع شـــاني عن غــرام المكاتيــب
وأكبـــر من انّني أرتضـــــي بالحبيبه

أنــا غرامـــي لاابتـــــدوا بالــتّراحيب
نفوس الأوادم في وجـــودي رحيبــــه

وان كـــان زينـــــي فتنـــة ٍ للمــصاويب
أحــــط وجهـــي بالحــــريق ولهيبـــه

زينـــي أبيعـــه وأشتــــري سمعه الطّيب
اســــم ٍ ينـــومس بالصـــّروح الذ ّهيــــبه

وان كـــان عندي ( بالحـــلا) شي ٍ اصعيب
عندي جــــدود ٍ مارضــــت بالغليبـــــه

دمــــوع القبايل في لقـــانا مســــاكيب
كــــن المقــــابر لاحضـــرنا قريبــــــه

خضـــّبت لك كفـــّي من العـــز تخضيب
ورفعــــت راسي للنــّجوم الصــّعيبه

واللــــه لأســــدّك بالفــعول المصاليب
واللـــــه لأشيـــلك بالرخـــا والمصيبه

طــــلع المعــالي ماانحكــــم للشــّواريب
بنـــت ٍ وأنـــــاطح فارس القـــوم طيبه

وياشيخـــي إبشــر لوتدور الدّواليـــب
بنتـــك إلا منـــّه عــوى الذيــب ذيبه




۩ღ۩.اعجبتني هالقصيده كثييييييييير.۩ღ۩

وابي اعرف من الشاعر؟؟؟!!!:g:
ابـن مـطـيـع
09-02-10, 06:36 PM
حسب معرفتي انني قرأتها انها للشآعرهـ بنت ابوهآ قبل اسابيع وهي شاعره غنيه عن التعريف
كل الشكر للأخت دلوعة ابوها على اضافة القصيده الرائعه والجميله ويستاهل الوالد
دلوعـــة ابوهـا
09-02-10, 09:32 PM
مشكور اخوي ابن مطيع’’’’

الوالد شاف القصيده وتحداني اجيب اسم الشاعره

مشكور ع الرد......
هابس العلوي
10-02-10, 12:24 AM
صح لسااان شاعرتها
وســـلم بنااان ناااقلتها
تقبلي مروري وشــعوري
ابوسعود
10-02-10, 12:32 AM
اشكرك يا اختي على النقل

وهذا حوار دار بين بنت وابيها بعد ان

صارع المرض لسنوات طويلة
دلوعـــة ابوهـا
10-02-10, 12:51 AM
هابس,,,
ابوسعود,,
منورين..وتسلمون على الردود...