?> قالـو بـدو ونشـوف فيهـم قسـاوه [الأرشيف] - مجالس الفرده
المساعد الشخصي الرقمي

مشاهدة النسخة كاملة : قالـو بـدو ونشـوف فيهـم قسـاوه

ابـن مـطـيـع
23-01-10, 06:50 PM
http://farm4.static.flickr.com/3189/3122522736_59eb1a30d0.jpg
أنا بـدوي واحـب طـاري البـداوه
يامعذربيـن البـدو مافيكـم إحسـاس
قالـو بـدو قلـت الصفـا والنقـاوه
يازين شوفتهم علـى الضّـو جـلاس
قالـو بـدو قلـت الكـرم والنخـاوه
وأفعالهم فـى ذمتـى ترفـع الـراس
قالـو بـدو والبـر فيـه الشـقـاوه
قلت الوناسه عندهم فـوق الاطعـاس
قالـو بـدو ونشـوف فيهـم قسـاوه
قلت الخشونه يامعـذرب لهـم سـاس
ابن البداوه صلـف مـا بـه رخـاوه
اليا زهمتـه جـاك ماهـوب يحتـاس
بينه وبيـن الـلاّش حـرب وعـداوه
وحلفه مع أهل الطيب ، واللاّش ينداس
شف لك من البـدوان واحـد وخـاوه
حتـى تفـرّق بيـن مطلـق وعبـاس
وان كـان مـا صدقـت عالـج وداوه
قلبك مريض وفيـه حقـد ٍ وسـواس
فـى مجلـس البـدوان تلقـا حفـاوه
وترحيبهـم لضيوفهـم مالـه قيـاس
ويقدمون الطيـب مـن عـود جـاوه
في سلمهم طيـب ومعـزه ونومـاس
هذي فقط نبـذه عـن أهـل البـداوه
حبيت اوصلها لاجـل تاصـل النـاس

محمد الحمراني
المشتاق
23-01-10, 11:16 PM
ابن البداوه صلـف مـا بـه رخـاوه
اليا زهمتـه جـاك ماهـوب يحتـاس
بينه وبيـن الـلاّش حـرب وعـداوه
وحلفه مع أهل الطيب ، واللاّش ينداس

صح لسان الشاعر ::


والله يعافيك ابن مطيع على النقل الجميل
ذيبان
24-01-10, 12:37 AM
الله يعطيك الف عافية يا ابن مطيع

قصيدة رائعة ,,, الله يسلم عمرك
ابـن مـطـيـع
25-01-10, 12:45 AM
أخوي المشتاق وأخوي ذيبان شرفني مروووووووووووووووووكم
ناصر بن راكب
25-01-10, 02:45 PM
صح لسان الشاعر
وسلمت يمينك
والشاعر /جزاء صالح يقول
يامعذربين البدو ويش العذاريب = ياللي هدفكم بالعذاريب حنا
حنا نخاب عليكم بمعسكرات اللواليب = في ساعة فيها الطريح يتمنى
حد السيف
25-01-10, 07:02 PM
صح لسان الشاعر

والشكر ابن مطيع